కొలెస్ట్రాల్ ను తగ్గించుకోవాలనుకుంటున్నారా? ఇదిగో ఈ మసాలా దినుసులను తినండి..
మసాలా దినుసుల్లో యాంటీ ఆక్సిడెంట్లు పుష్కలంగా ఉంటాయి. కొన్ని రకాల మసాలా దినుసులను తింటే శరీరంలో పేరుకుపోయిన కొలెస్ట్రాల్ కొంతవరకు కరుగుతుందని నిపుణులు చెబుతున్నారు.
చెడు కొలెస్ట్రాల్ ఎక్కువైతే మన మొత్తం ఆరోగ్యం దెబ్బతింటుంది. ఇది ఎన్నో ప్రాణాంతక రోగాలకు కారణమవుతుంది. అదనపు కొలెస్ట్రాల్ ధమనుల గోడలలో పేరుకుపోతుంది. దీనివల్ల గుండెపోటు, స్ట్రోక్, డయాబెటిస్, అధిక రక్తపోటు వంటి అనేక ఇతర దీర్ఘకాలిక వ్యాధులు మిమ్మల్ని చుట్టుకునే ప్రమాదం ఉంది.
లిపిడ్ ప్రొఫైల్ ద్వారా మీ శరీరంలో అదనపు కొలెస్ట్రాల్ ను గుర్తించొచ్చు. ఒకవేళ మీ శరీరంలో చెడు కొలెస్ట్రాల్ ఎక్కువైతే.. కొన్ని రకాల ఆహారాలకు దూరంగా ఉండాలి. కొలెస్ట్రాల్ కరిగేందుకు ఆరోగ్యకరమైన జీవన శైలిని అనుసరించాలి. నిజానికి మన శరీరంలో కొలెస్ట్రాల్ రెండు రకాలుగా ఉంటుంది. ఒకటి మంచి కొలెస్ట్రాల్. రెండు చెడు కొలెస్ట్రాల్. వీటిలో HDL మంచి కొలెస్ట్రాల్ (అధిక-సాంద్రత కలిగిన లిపోప్రొటీన్) మన ఆరోగ్యానికి చాలా మంచిది. ఎందుకంటే ఇది శరీరం నుంచి చెడు కొలెస్ట్రాల్ ను లేదా ఎల్డిఎల్ (తక్కువ సాంద్రత కలిగిన లిపోప్రొటీన్) ను తొలగించడానికి సహాయపడుతుంది.