హెల్త్ బాలేకున్నా జిమ్ కు వెళ్తున్నారా? హార్ట్ ఎటాక్ రావొచ్చు జాగ్రత్త..

సెలబ్రిటీల నుంచి సామాన్యుల వరకు చాలా మంది ఉన్నపాటుగా గుండెపోటుతో చనిపోతున్నారు. ముఖ్యంగా జిమ్ముల్లో వ్యాయామాలు చేస్తూ కుప్పకూలుతున్నారు. అసలు ఎక్సర్  సైజెస్ చేస్తుంటే గుండెపోటు ఎందుకు వస్తుంది. అది రాకుండా ఉండాలంటే ఏం చేయాలో ఇప్పుడు తెలుసుకుందాం..   

కన్నడ సూపర్ స్టార్ పునీత్ రాజ్ కుమార్, హిందూ సీరియల్స్ ఫేమస్ నటుడు సిద్దాంత్ సూర్యవంశీ, హిందీ బిగ్ బాస్ విన్నర్ సిద్ధార్ద్ శుక్తా లు జిమ్ముల్లో వ్యాయామాలు చేస్తూ గుండెపోటు వచ్చి చనిపోయిన సంగతి మనందరికీ తెలిసిందే. వీళ్లందరి మరణాలకు హార్ట్ ఎటాక్ యే కారణమని స్పష్టంగా అర్థమవుతుంది. వీళ్లను బట్టి హార్ట్ ఎటాక్ కు, వ్యాయామాలకు  ఏదో లింక్ ఉందని స్పష్టం అవుతోంది. అందుకే వ్యాయామాలను అతిగా చేయొద్దని డాక్టర్లు, ఆరోగ్య నిపుణులు సలహానిస్తున్నారు. కండరాలను పెంచేయాలని ఉద్దేశ్యంతో కాకుండా.. ఆరోగ్యం కోసం.. మీకు చేతనైనా వ్యాయామాలను మాత్రమే చేయాలని చెబుతున్నారు. ముఖ్యంగా పాణం బాలేనప్పుడు మొత్తమే వ్యాయామం చేయకూడదని నిపుణులు సూచిస్తున్నారు.  ఎందుకంటే ఇలాంటి సమయంలో వ్యాయామాలు చేస్తే.. గుండె పోటు వచ్చే అవకాశం ఉందని వెల్లడిస్తున్నారు. 

వ్యాయామం ఆరోగ్యానికి మంచిదే కానీ.. 

వ్యాయామం మన ఆరోగ్యానికి ఎన్నో విధాలు మేలు చేస్తుంది. దీనివల్ల రోగనిరోధక వ్యవస్థ బలపడుతుంది. బరువు తగ్గుతారు. కండరాల  ఆరోగ్యం బాగుంటుంది. కండరాలు పెరగుతాయి. గుండె ఫిట్ గా ఉంటుంది. దీనివల్ల ఎన్ని ప్రయోజనాలు ఉన్పప్పటికీ.. మోతాదుకు మించి వ్యాయామాలను చేయడం ప్రాణాలకే ప్రమాదమంటున్నారు డాక్టర్లు, నిపుణులు. మరీ ముఖ్యంగా హెల్త్ బాలేనప్పుడు వ్యాయామం చేయడం రిస్క్. జ్వరం వచ్చినా మీరు అలవాగే వ్యాయమం చేస్తే.. మీ బాడీలో వాటర్ కంటెంట్ తొందరగా తగ్గిపోతుంది. దీంతో మీరు డీహైడ్రేషన్ బారిన పడతారు. దీనివల్ల జ్వరం ఎక్కువ అవుతుంది. అలాగే ఎన్నో అనారోగ్య సమస్యలు కూడా వస్తాయి. ఫీవర్ గా ఉన్నా ఎక్సర్ సైజెస్ చేస్తే.. కండరాల బలం తగ్గుతుంది. అందుకే హెల్త్ బాలేనప్పుడు వ్యాయామం చేయకండి. 

దగ్గు ఉన్నప్పుడు వ్యాయామం చేయకూడదు

దగ్గును లైట్ గా తీసుకోవడానికి వీల్లేదు. కానీ చాలా మంది దగ్గు ఉన్నప్పుడు కూడా కష్టతరమైన వ్యాయామాలు చేసేస్తుంటారు. నిజానికి దగ్గు ఉన్నప్పుడు వ్యాయామం చేస్తే బాడీ వీక్ అవుతుంది. అంతేకాదు మీ బాడీ నీరసంగా మారుతుంది. కారణం మీ బాడీ డీహైడ్రేషన్ బారిన పడటం. 

పొట్టకు సంబంధించిన సమస్యలు వస్తాయి..

విరేచనాలు, వాంతులు, వికారం వంటి సమస్యలన్నీ పొట్టకు సంబంధించినవే. కానీ ఇలాంటి సమస్యలు ఉన్నప్పుడు వ్యాయామాలు చేయడం సరికాదు. వీటివల్ల మీ బాడీలో వాటర్ కంటెంట్ తగ్గుతుంది. దీనివల్ల మీరు మరింత నీరసించి పోతారు. 

అందుకే జ్వరం వచ్చినప్పుడు వ్యాయామం చేయకండి. ఇలాంటి సమయంలో రెస్ట్ ఎక్కువగా తీసుకోండి. జ్వరం ఉన్నప్పుడు బరువులను ఎత్తడం, ట్రెడ్ మిల్ పై పరుగెత్తడం మానుకోండి. ఇవి మిమ్మల్ని మరింత అనారోగ్యానికి గురిచేస్తాయి. ముఖ్యంగా మీ బాడీపై ఒత్తిడి పెరుగుతుంది. ముఖ్యంగా జ్వరంగా ఉన్నప్పుడు వ్యాయామం చేస్తే మీ బాడీ టెంపరేచర్ పెరుగుతుంది. రక్తప్రవాహం పెరుగుతుంది. దీనివల్ల మీ గుండెపై చెడు ప్రభావం పడుతుంది. ఇది గుండెపోటుకు దారితీసే అవకాశం ఉంది.