బ్రేక్ ఫాస్ట్ లో ఆపిల్స్ ను తింటే ఎన్ని లాభాలున్నాయో తెలుసా..?

రోజుకో ఆపిల్ పండును తినడం వల్ల ఎన్ని ప్రయోజనాలు కలుగుతాయో అందరికీ తెలుసు.. కానీ ఆరోగ్య నిపుణులు ఈ ఆపిల్ పండును మార్నింగ్ బ్రేక్ ఫాస్ట్ లో తినాలని సలహానిస్తున్నారు. ఎందుకంటే..  

పండ్లలో ఆపిల్ పండు మనకు చేసే మేలు అంతా ఇంతా కాదు. అందుకే దీన్ని రోజూ ఒకటి తినాలని ఆరోగ్య నిపుణులు, డాక్టర్లు సలహానిస్తుంటారు. అయితే ఈ పండును రోజులో ఎప్పుడో ఒకసారి కాకుండా.. మార్నింగ్ బ్రేక్ ఫాస్ట్ లోనే తినాలని ఆరోగ్య నిపుణులు చెబుతున్నారు. దీనివల్ల ఎన్నో ప్రయోజనాలను పొందుతారు. సాధారణంగా మన దేశంలో ఉదయం బ్రేక్ ఫాస్ట్ లో ఆయిలీ, అనారోగ్యకరమైన ఆహారాలనే ఎక్కువగా తింటుంటారు. కానీ ఇవి మన ఆరోగ్యానికి అస్సలు మంచివి కావు. ఉదయం బ్రేక్ ఫాస్ట్ లో ఆపిల్ పండును తినడం వల్ల కలిగే ప్రయోజనాలు ఇప్పుడు తెలుసుకుందాం.. 

ఆరోగ్యానికి మేలు చేసే ఆపిల్ పండ్లను ఉదయం బ్రేక్ ఫాస్ట్ లో తినడం వల్ల ధమనుల్లో ఫలకం ఏర్పడే ప్రమాదం తగ్గుతుంది. ధమనుల్లో ఫలకం కొరోనరీ ఆర్టరీ వ్యాధికి దారితీస్తుంది. ఆపిల్ తొక్కలో ఫినోలిక్ అనే సమ్మేళనం పుష్కలంగా ఉంటుంది. ఇది మీ రక్తంలో చెడు కొలెస్ట్రాల్ పేరుకుపోకుండా చూస్తుంది. అలాగే గుండె జబ్బులొచ్చే ప్రమాదాన్ని తగ్గిస్తుంది. 

ఆపిల్ పండ్లను బ్రేక్ ఫాస్ట్ లో తింటే డయాబెటీస్, స్ట్రోక్ ప్రమాదం తగ్గుతుందని ఎన్నో పరిశోధనలు వెల్లడించాయి. ఆపిల్ పండ్లు రక్తంలో బ్లడ్ షుగర్ లెవెల్స్ ను తగ్గిస్తాయి. 

ఉదయం వ్యాయామం చేసే అలవాటుంటే.. మీరు ఖచ్చితంగా బ్రేక్ ఫాస్ట్ లో ఆపిల్ పండ్లను తినాలని నిపుణులు చెబుతున్నారు. వ్యాయామానికి ముందు ఒక ఆపిల్ పండును తింటే మీ స్టామినా పెరుగుంది. శరీరంలో శక్తి స్థాయిలు పెరుగుతాయి. దీంతో మీరు ఎలాంటి అలసట లేకుండా వ్యాయామాన్ని పూర్తిచేయగలుగుతారు. 

ఈ రోజుల్లో చాలా మంది అధిక బరువు సమస్యతో బాధపడుతున్నారు. అధిక బరువు లేదా ఊబకాయం ఎన్నో ప్రాణాంతక రోగాలకు దారితీస్తుంది. బరువును తగ్గించుకోవాలనుకునే వారు బ్రేక్ ఫాస్ట్ లో ఆపిల్ పండును తింటే ప్రయోజనకరంగా ఉంటుంది.  ఎందుకంటే ఈ పండులో ఫ్యాట్ అసలే ఉండదు. దీనిలో ఫైబర్ కంటెంట్ పుష్కలంగా ఉంటుంది. ఇది బరువు తగ్గేందుకు సహాయపడుతుంది. 

ఆపిల్ పండ్లలో ఎముకలను బలంగా చేసే కాల్షియం పుష్కలంగా ఉంటుంది. అలాగే విటమిన్ కండ్లను  ఆరోగ్యాంగా ఉంచే విటమిన్ ఎ కూడా ఉంటుంది. దీనిలో ఉంటే ఉండే విటమిన్ సి రోగ నిరోధక శక్తిని పెంచేందుకు సహాయపడుతుంది. ఈ పండులో మన శరీరానికి అవసరమయ్యే ఖనిజాలు, విటమిన్ కె, మెగ్నీషియం, ఫాస్పరస్, పొటాషియం, జింక్, సోడియం, ఇనుము, విటమిన్ బి1, బి6, బి9 లు ఎక్కువ మొత్తంలో ఉంటాయి. 

ఆపిల్ పండ్లలో యాంటీ ఆక్సిడెంట్ లక్షణాలుంటాయి. ఇవి గుండెను ఆరోగ్యంగా ఉంచేందుకు సహాయపడతాయి. అలాగే గుండె జబ్బులు వచ్చే ప్రమాదాన్నికూడా తగ్గిస్తాయని నిపుణులు చెబుతున్నారు. అంతేకాదు ఇవి  ఆక్సీకరణ ఒత్తిడిని కూడా తగ్గిస్తాయి.

ఈ పండలో యాంటీ బ్యాక్టీరియల్ సమ్మేళనాలుంటాయి. ఇవి నోట్లో ఉండే ప్రమాదకరమైన బ్యాక్టీరియాను చంపేస్తాయి. నోటి ఆరోగ్యం బాగుండాలంటే రోజుకో యాపిల్ పండును తినాలని నిపుణులు సలహానిస్తున్నారు. ఆపిల్ పండ్లను తింటే దంతక్షయ ప్రమాదం తప్పుతుంది.