Health Tips: ఆహారాన్ని బాగా నిమిలి తినమని మన పెద్దలు తరచుగా చెప్తుంటారు. కానీ మనం మాత్రం పట్టించుకోం. ఏవో వెనకాల తరుముతున్నట్టే ఫాస్ట్ ఫాస్ట్ గా తింటుంటాం. దీనివల్ల ఏం జరుగుతుందో తెలిస్తే మళ్లీ అలా తినే సాహసమే చేయరు.
ఫిట్ గా, ఆరోగ్యంగా ఉండేందుకు ఆరోగ్య నిపుణులు, డాక్టర్లు ఎన్నెన్నో సలహాలు, సూచనలు ఇస్తుంటారు. రెగ్యులర్ గా వ్యాయామం చేయడం, ఆరోగ్యకరమైన ఆహారాన్ని తినడం, జంక్ ఫుడ్ కు దూరంగా ఉండటం వంటి అలవాట్లను అలవర్చుకోవాలని చెబుతుంటారు. వీటన్నింటినీ పక్కన పెడితే మన పెద్దలు కూడా ఆరోగ్యం గురించి ఎన్నో జాగ్రత్తలు చెబుతుంటారు. అందులో ఒకటి ఆహారాలన్ని బాగా నమిలి తినాలని. కానీ చాలా మంది ఇలా అస్సలు తినరు. వెనకాల ఏవో తరుముతున్నట్టు.. తుఫాను ముంచుకొస్తున్నట్టుగానే ఫాస్ట్ ఫాస్ట్ గా తింటుంటారు. కానీ ఇలా తినడం ఆరోగ్యానికి ఏ మాత్రం మంచిది కాదు. ఇది ఎన్నో అనారోగ్య సమస్యలను తెస్తుంది. ముఖ్యంగా ఊబకాయం.
చాలా మంది బ్రేక్ ఫాస్ట్ నుంచి మొదలు మధ్యాహ్నం లంచ్, నైట్ డిన్నర్ కూడా ఫాస్ట్ ఫాస్ట్ గానే కానిచ్చేస్తారు. వాటిని పూర్తిగా నమలనే నమలరు. కొందరైతే ఫుడ్ ను డైరెక్ట్ గా మింగేస్తారు. దీనివల్ల అజీర్థి, కడుపు నొప్పి సమస్యలు వస్తాయి. అంతేకాదు ఇది చివరకు ఊబకాయానికి దారితీస్తుంది.
త్వరగా తినడం వల్ల బరువు పెరుగుతుంది
త్వర త్వరగా తినే వాళ్లు ఇతరుల కంటే కొంచెం ఎక్కువ బరువే ఉంటారు. త్వరగా తినడం, ఆహారాన్ని సరిగ్గా నమలకపోవడం వల్ల జీర్ణం చాలా లేట్ గా అవుతుంది. దీంతో జీర్ణవ్యవస్థ లోపించి ఊబకాయం పెరుగుతుంది. అందుకే అల్పాహారం లేదా ఆహారాన్ని ఎప్పుడూ హడావిడిగా తినకూడదు. ఇది ఇతర ఆరోగ్య సమస్యలను కూడా పెంచుతుంది. ఈ ఊబకాయానికి ఇదొక్కటే కాదు ఇతర కారణాలు కూడా ఉన్నాయి. అవేంటో ఇప్పుడు చూద్దాం..
ఆఫీసుల్లో పనిచేసేవారు ఎక్కువ గంటలు కూర్చునే ఉంటారు. ఎక్కువ సేపు ఒకే ప్లేస్ లో కూర్చోవడం వల్ల శరీరంలో కొవ్వు విపరీతంగా పెరిగిపోతుంది. ఇది కూడా ఊబకాయానికి దారితీస్తుంది.
ఒత్తిడి
ఒత్తిడి కూడా విపరీతంగా బరువు పెరగడానికి దారితీస్తుంది. అయినా ఈ రోజుల్లో ఒత్తిడి లేని మనిషి లేడు అనడంలో సందేహం లేదు. ఈ సమస్య దాదాపుగా ప్రతి ఒక్కరినీ వెంటాడుతూనే ఉంది. ఈ ఒత్తిడి వల్ల మోతాదుకు మించి తింటుంటారు. ఇది ఊబకాయానికి దారితీస్తుంది.
ఆహారాలను కలగలిపి తినడం
చాలా మంది ఒకే సారి వివిధ రకాల ఆహారాలను తింటుంటారు. ఇది జీర్ణసమస్యలను తేవడంతో పాటుగా.. మిమ్మల్ని ఊబకాయంలో పడేస్తుంది. అందుకే ఏదీ తెలియకుండా ఫుడ్స్ ను కలగలిపి తినకూడదు. లేదంటే ఆరోగ్యం దెబ్బతింటుంది.
తినేటప్పుడు టీవీ చూడటం
తినేటప్పుడు టీవీ చూడటం చెడ్డ అలవాటు. ఎందుకంటే దీనివల్ల మీరు మీకు తెలియకుండానే ఎక్కువగా తింటారు. టీవీ చూస్తున్నప్పుడు మీ మనస్సు తినడం ఎప్పుడు ఆపాలో చెప్పదు. దీంతో మీరు మీ సామర్థ్యం కంటే ఎక్కువగా తింటారని పరిశోధనలు వెల్లడించాయి. ఇది కూడా మీరు బరుతు పెరగడానికి దారితీస్తుంది.