చలికాలంలో టమాటా సూప్ తాగితే ఆరోగ్యానికి ఎంత మంచిదో..!

సీజన్ ను బట్టి ఆహారాల్ని తీసుకోవాల్సి ఉంటుంది. చలికాలంలో కొన్ని ఆహారాలను తప్పకుండా తీసుకోవాలి. అందులో టమాటా సూప్ ఒకటి. టమాటా సూప్ ఈ చలికాలంలో మనల్ని ఆరోగ్యంగా ఉంచేందుకు సహాయపడుతుంది.   

శీతాకాలంలో వెచ్చని ఆహారాల్నే తినాలనిపిస్తుంది. అందుకే చాలా మంది వేడి వేడి టీ, కాఫీ, సమోసా, బోండాలను తీసుకుంటుంటారు. కానీ  ఇవి ఆరోగ్యానికి అస్సలు మంచివి కావు. కానీ ఈ సీజన్ లో కొన్ని సూప్ లు ఆరోగ్యానికి ఎంతో మేలు చేస్తాయి. సూప్ లు శరీరానికి వేడి అనుభూతిని ఇవ్వడమే కాదు.. మన ఆరోగ్యాన్ని మెరుగుపరచడానికి కూడా సహాయపడతాయి. చలికాలంలో వివిధ కూరగాయల సూప్ ను తయారు చేయవచ్చు. అన్నింట్లో టమాటా సూప్  ఆరోగ్యానికి మంచి ప్రయోజనకరంగా ఉంటుంది. దీనిని పిల్లల నుంచి పెద్దల వరకు ప్రతి ఒక్కరూ తాగొచ్చు. 

నిజానికి టొమాటో సూప్ రుచి అద్భుతంగా ఉంటుంది. శీతాకాలంలో టమోటా సూప్ తాగితే.. చాలా ప్రయోజనకరంగా ఉంటుంది. అసలు టమాటా సూప్ ను ఈ సీజన్ లో తాగడం వల్ల ఎలాంటి ప్రయోజనాలు కలుగుతాయో ఇప్పుడు తెలుసుకుందాం.. 

అనారోగ్యం నుంచి రక్షణ

చలికాలంలో తరచుగా అనారోగ్యం బారిన పడుతుంటారు. చాలా మంది ఈ సీజన్ లో జ్వరం, జలుబు, దగ్గుతో బాధపడుతుంటారు. దీనివల్ల తరచుగా అనారోగ్యానికి గురయ్యే అవకాశం ఉంది. చలికాలంలో మీరు తరచుగా అనారోగ్యం బారిన పడుతుంటే.. మీ ఆహారంలో టొమాటో సూప్ ను చేర్చండి. ఇది మీకు ఉపశమనాన్ని కలిగిస్తుంది. టమాటాల్లో విటమిన్ సి పుష్కలంగా ఉంటుంది. ఇది రోగనిరోధక శక్తిని పెంచుతుంది. ఇది బ్యాక్టీరియాతో పోరాడటానికి మీకు బలాన్ని ఇస్తుంది. మీ ఆరోగ్యాన్ని మెరుగుపరుస్తుంది.

శరీర ఉష్ణోగ్రత

శీతాకాలంలో చలి కారణంగా మన శరీర ఉష్ణోగ్రత తగ్గిపోతూ ఉంటుంది. శీతలీకరణతో బాధపడేవారు తమ శరీరాన్ని వేడి చేయడానికి టీ, కాఫీ లను తాగుతారు. కానీ ఇవి మన శరీరాల్ని కొద్దిసేపు మాత్రమే వెచ్చగా ఉంచుతాయి. అంతేకాదు ఇవి డీహైడ్రేషన్ సమస్యను పెంచుతాయి. అయితే టొమాటో సూప్ అలా కాదు. ఇది మన శరీరాన్ని వెచ్చగా ఉంచుతుంది. అలాగే డీహైడ్రేషన్ నుంచి ఉపశమనం కలిగిస్తుంది.

బరువు నియంత్రణ

చలికాలంలో ఆకలి ఎక్కువగా ఉంటుంది. దీనివల్లే చాలా మంది మోతాదుకు మించి తినేస్తుంటారు. చలికారణంగా వ్యాయామం చేయనివారున్నారు. కానీ దీనివల్ల బరువు పెరుగుతుంది. చలికాలంలో  మీ బరువును అదుపులో ఉంచుకోవాలనుకుంటే టమాటా సూప్ ను తాగండి. ఇది మీ కడుపును ఎక్కువ సేపు నిండుగా ఉంచుతుంది. ఇది మీ బరువును నియంత్రణలో ఉంచడానికి సహాయపడుతుంది. టమాటా సూప్ లో కేలరీలు తక్కువగా ఉంటాయి. దీనిలో ఉండే ఫైబర్ కంటెంట్ మీకు కడుపు నిండిన అనుభూతిని కలిగిస్తుంది. దీనివల్ల మీరు అతిగా తినలేరు. 

చలికాలంలో టమోటా సూప్ తీసుకోవడం వల్ల శరీరానికి హాని చేసే టాక్సిన్స్ బయటకు పోతాయి. చలికాలంలో ఫుడ్ ను అతిగా తినడం వల్ల శరీరంలో టాక్సిన్స్ పేరుకుపోతాయి. ఇక హాట్ ఫాస్ట్ ఫుడ్ ను తినడం వల్ల బాడీ డీహైడ్రేట్ అవుతుంది. వీటిని ఎక్కువగా తినడం వల్ల  జీర్ణక్రియ సరిగ్గా పనిచేయదు. ఈ సమస్యలను టమాటా సూప్ తగ్గిస్తుంది. టొమాటో సూప్ లోని నీటి శాతం శరీరాన్ని హైడ్రేట్ గా ఉంచుతుంది. అలాగే శరీరం నుంచి విషాన్ని బయటకు పంపుతుంది. టమోటాలలో ఉండే ఫైబర్ జీర్ణవ్యవస్థను పనితీరును మెరుగుపరుస్తుంది. తిన్న ఆహారం సులవుగా జీర్ణమవుతుంది.