శంఖం ఊదడం వల్ల ఇన్ని ఆరోగ్య ప్రయోజనాలున్నాయా?

ప్రతి ఇంట్లో దేవుడి మందిరంలో శంఖం తప్పకుండా ఉంటుంది. శంఖం వల్ల ఇంట్లో కష్టాలన్నీ తొలగిపోయి..సంతోషం వెల్లివిరుస్తుందని నమ్ముతారు. అయితే ఈ శంఖం ఉండటం వల్ల ఇంట్లో శుభం జరగడమే కాదు.. దీన్ని ఊదడం వల్ల ఎన్నో ఆరోగ్య ప్రయోజనానలు కూడా కలుగుతాయని నిపుణులు చెబుతున్నారు.  

దేవుడి మందిరంలో శంఖం ఉండటం శుభం.  దీనివల్ల ఇంట్లో ఎలాంటి కష్టాలు ఉండవని నమ్ముతారు. అందుకే పూజా సమయంలో, శుభకార్యాలు, పండుగలకు దేవలయాల్లో శంఖాన్ని ఖచ్చితంగా ఊదుతారు. జ్యోతిష్యం ప్రకారం.. శంఖం పవిత్రమైంది. ఇంట్లో శంఖం ఉండటం వల్ల లక్ష్మీదేవి కటాక్షం లభిస్తుందని నమ్ముతారు. అందుకే దేవుళ్లతో పాటుగా శంఖానికి కూడా  పూజ చేస్తారు. హిందూ పురాణాల ప్రకారం... శంఖాన్ని కీర్తి, సంవృద్ధి, దీర్ఘాయుష్షు కోసం పూజిస్తారు. శంఖం ఊదటం వల్ల ప్రతికూల శక్తులు, దుష్ట శక్తులు వదిలిపోతాయని నమ్ముతారు. శంఖంలోని ప్రతి భాగం దేవతల నివాసంగా చెప్తారు. 

నిజానికి శంఖం మతపరంగానే కాదు.. దీని వల్ల మన ఆరోగ్యానికి కలిగే ప్రయోజనాలు అన్నీ.. ఇన్నీ కాదు తెలుసా?. అవేంటో తెలుసుకుందాం పదండి.. 

క్రమం తప్పకుండా శంఖాన్ని ఊదడం వల్ల ముఖం మీద ముడతలు తగ్గిపోతాయి. అంతేకాదు మీ చర్మం బిగుతుగా మారుతుంది. దీంతో మీ చర్మం యవ్వనంగా కనిపిస్తుంది. వయసు మీద పడుతుంది అన్న భావనే కలగదు. రోజూ శంఖం ఊదితే నోట్లోని కండరాలపై ఒత్తిడి పడుతుంది. ముఖ కండరాలు స్ట్రాంగ్ అవుతాయి. 

రెగ్యులర్ గా శంఖాన్ని ఊదితే.. ఊపిరితిత్తులకు ప్రయోజనకరంగా ఉంటుంది. బ్రోన్కైటిస్,  ఆస్తమా రోగులకు శంఖు షెల్ ఊపిరితిత్తులను బలోపేతం చేస్తుంది. ఇది ఫారింక్స్ కండరాలకు వ్యాయామంలా పనిచేస్తుంది. శ్వాసలో ఎలాంటి ఇబ్బంది లేకుండా చేస్తుంది. శ్వాస సామర్థ్యాన్ని కూడా పెంచుతుంది. ఊపిరితిత్తుల కూడా సామర్థ్యాన్ని పెరుగుతుంది.

శంఖాన్ని ప్రతిరోజూ ఊదితే.. మూత్రాశయం, పొత్తికడుపు దిగువ భాగం, డయాఫ్రాగమ్, మెడ, భుజం కండరాలకు ప్రయోజనకరంగా ఉంటుంది. అంతేకాదు పురుషుల్లో ప్రోస్టేట్ గ్రంథికి కూడా ప్రయోజకరంగా ఉంటుంది. 

ప్రతిరోజూ శంఖం ఊదితే పొట్టకు సంబంధించిన సమస్యలు తగ్గిపోతాయి. డిప్రెషన్ సమస్య నుంచి ఉపశమనం పొందుతారు. 

శంఖం ఊదడం వల్ల థైరాయిడ్ గ్రంధులు, స్వరపేటికలకు వ్యాయామం అవుతుంది. దీనివల్ల వీటిలో ఏ సమస్య ఉన్నా తగ్గిపోతాయి. 

శంఖం ఊదడం వల్ల ఊపిరితిత్తులు, కడుపు ఆరోగ్యంగా ఉంటాయి. ముఖ కండరాలు బలంగా తయారవుతాయి. శరీరంలోని వివిధ భాగాల మధ్య బంధం ఏర్పడుతుంది. ఇది  రోగనిరోధక శక్తిని కూడా పెంచుతుంది.