Safety Rules For Girls : ఈ రోజుల్లో పసిప్రాయంలోనే అమ్మాయిలపై చాలా దారుణాలు జరుగుతున్నాయి. లైంగిక వేధింపులు, నేరాలు, సైబర్ క్రైమ్ లాంటివి తల్లిదండ్రులను ఆందోళనకు గురి చేస్తున్నాయి. వీటి నుంచి కాపాడటం పెద్ద టాస్క్. అందుకే ప్రతి పేరెంట్స్ తమ పాపాయిలు తమకు తాము రక్షణ కల్పించుకునేలా కచ్చితంగా కొన్ని సేఫ్టీ పాఠాలు నేర్పించాలి. అవేంటో చూద్దాం.
స్కూల్, కాలేజ్, ఆఫీస్, పబ్లిక్ ప్లేసెస్ ఎక్కడ చూసినా అమ్మాయిలపై అఘాయిత్యాలు జరుగుతున్నాయి. వార్తల్లో ఇవి తరచూ చూస్తూనే ఉన్నాం. 2017లో ప్రపంచ ఆరోగ్య సంస్థ లెక్కల ప్రకారం, ప్రతి ముగ్గురిలో ఒక అమ్మాయి లైంగిక వేధింపులకు గురవుతోంది. ఇలా అమ్మాయిలకు వ్యతిరేకంగా చాలా జరుగుతున్నాయి కాబట్టి, సేఫ్టీ గురించి చెప్పడం ప్రతి పేరెంట్ బాధ్యత. అందుకే ప్రతి పేరెంట్ తమ పాపాయిలకి సేఫ్టీ గురించి కచ్చితంగా చెప్పాల్సిన కొన్ని విషయాలు చూద్దాం.
25
1. సొంత వివరాలు:
ప్రతి పాపాయికి తన పూర్తి పేరు, పేరెంట్స్ పేరు, ఇంటి అడ్రస్, పేరెంట్స్ ఫోన్ నంబర్ కచ్చితంగా గుర్తుండాలి.
2. స్వీయ రక్షణ:
పాపాయిలకి పేరెంట్స్ కుంగ్ఫూ, కరాటే లాంటి పోరాట విద్యలు నేర్పించాలి. ఎందుకంటే అనుకోకుండా ఏదైనా ప్రమాదం వస్తే తమను తాము రక్షించుకునేందుకు అవి బాగా ఉపయోగపడతాయి.
35
3. పరిస్థితులపై అవగాహన:
ప్రతి పేరెంట్ తమ పాపాయిలకి ఏ పరిస్థితుల్లో ఎలా ఉండాలి? కష్టమైన పరిస్థితులను ఎలా సులువుగా హ్యాండిల్ చేయాలి? అని కచ్చితంగా చెప్పాలి. కావాలంటే ఆటల ద్వారా దీని గురించి చెప్పొచ్చు.
4. గుడ్ టచ్, బ్యాడ్ టచ్:
గుడ్ టచ్, బ్యాడ్ టచ్ గురించి పేరెంట్స్ తమ పాపాయిలకి కచ్చితంగా చెప్పాలి. కానీ చాలామంది పేరెంట్స్ చిన్నప్పటి నుంచి చెప్పరు.
కొందరు పిల్లలు చాలా చురుగ్గా ఉంటారు. అందరితో చాలా ఈజీగా మాట్లాడతారు, కలిసిపోతారు. కానీ ఈ అలవాటు కొంతకాలం తర్వాత మానేయాలి, అది వాళ్లకి మంచిది కాదు. ముఖ్యంగా తెలియని వాళ్ల దగ్గర ఏ వస్తువులు, చాక్లెట్లాంటివి తీసుకోవద్దు.
6. నో చెప్పే అలవాటు:
పిల్లలు ఎవరి దగ్గరైనా ఇబ్బందిగా ఫీలయితే వెంటనే ఆ వ్యక్తితో అలా చేయకూడదని చెప్పేలా అలవాటు చేయండి.
55
7. డిజిటల్ సేఫ్టీ:
ఈ మోడ్రన్ రోజుల్లో చిన్న పిల్లలు కూడా సోషల్ మీడియా వాడుతున్నారు. కానీ అందులో అవసరమైనవి మాత్రమే చూడమని లేదా వాడమని చెప్పండి.
8. ఎమర్జెన్సీ హెల్ప్ లైన్ నంబర్:
పిల్లల కోసం హెల్ప్ లైన్ నంబర్ 1098. ఇది పేరెంట్స్ తమ పిల్లలకి కచ్చితంగా చెప్పాలి. పేరెంట్స్ అందుబాటులో లేనప్పుడు పిల్లలు ఈ నంబర్ కి కాల్ చేయమని చెప్పండి.
