cleaning tips: వంట చేసేటప్పుడు అప్పుడప్పుడూ గిన్నెలు మాడిపోతుంటాయి. అడుగున నల్లగా మారిపోయాయి. వాటిని శుభ్రం చేయడం అంత ఈజీ కాదు. కాని సులభంగా ఎలా శుభ్రం చేయాలో ఇప్పుడు తెలుసుకుందాం.
వంట చేసే గిన్నెలు శుభ్రంగా ఉండాలని ప్రతి ఒక్కరూ కోరుకుంటారు. కానీ కొన్నిసార్లు వంట చేసేటప్పుడు పాత్రలు మాడిపోతుంటాయి. మాడిపోయిన పాత్రను శుభ్రం చేయడం నిజంగా సవాలుగా ఉంటుంది. చేతులు నొప్పి పుట్టేలా శుభ్రం చేసినా దానిపై పేరుకుపోయిన మరకలు పోవు.
అలాంటి పరిస్థితుల్లో మాడిపోయిన పాత్రను చేతులు నొప్పిలేకుండా కేవలం 5 నిమిషాల్లో శుభ్రం చేయొచ్చు. ఇంట్లో ఉండే కొన్ని వస్తువులతో చాలా సులభంగా శుభ్రం చేసుకోవచ్చు. అది ఎలాగో ఇప్పుడు వివరంగా తెలుసుకోండి.
ఇది కూడా చదవండి: బిర్యానీకి పోటీ ఇచ్చే కర్ణాటక స్టైల్ టొమాటో బాత్.. ఎలా తయారు చేయాలంటే..
దీని కోసం ముందుగా మాడిపోయిన పాత్రను స్టవ్ మీద పెట్టి అందులో రెండు గ్లాసుల నీళ్లు పోయాలి. తర్వాత అందులో ఒక స్పూన్ వెనిగర్, సోడా ఉప్పు వేసి బాగా కలపాలి. నీటిని బాగా మరిగించండి. నీళ్లు మరిగేటప్పుడు పాత్రకు అంటిన మరకలన్నీ పోతాయి. ఆ మరక నీటితో కలిసిపోతుంది.
ఇది కూడా చదవండి: నోరూరించే చెట్టినాడ్ బిర్యానీ ఇంట్లోనే ఇలా తయారు చేయండి
ఇప్పుడు స్టవ్ ఆఫ్ చేయండి. మురికిగా ఉన్న ఆ నీటిని కిందకు వంపేయండి. తర్వాత పాత్ర వేడిగా ఉన్నప్పుడే అందులో రాళ్ల ఉప్పు, పాత్రలు కడిగే సబ్బు లేదా లిక్విడ్ వేసి బాగా రుద్దాలి. తర్వాత నీటితో శుభ్రం చేయండి. ఇప్పుడు చూస్తే మాడిపోయిన పాత్ర కొత్తదానిలా తళతళ మెరిసిపోతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి