డ్రై ఫ్రూట్స్ ని పిల్లలు, పెద్దలు ఇష్టంగా తింటారు. వాటిలో ఎక్కువ పోషకాలు ఉంటాయి కాబట్టి ధర కాస్త ఎక్కువైనా.. వీటిని కొనుగోలు చేసేందుకు పెద్దగా వెనకాడరు. మరి ఇంత ఖరీదైన డ్రై ఫూట్స్ ఒక్కోసారి త్వరగా పాడైపోతాయి. అలా కాకుండా ఎక్కువ కాలం ఫ్రెష్గా ఉంచడానికి కొన్ని చిట్కాలు మీకోసం.
డ్రై ఫ్రూట్స్ ఆరోగ్యానికి చాలా మంచిది. వాటిలో అనేక పోషకాలు ఉంటాయి. అందరూ వీటిని ఇష్టంగా తింటారు. బాదం, జీడిపప్పు, పిస్తా, వాల్నట్, ఎండుద్రాక్షలు ఇలా అన్ని డ్రై ఫ్రూట్స్ లో ఆరోగ్యకరమైన కొవ్వులు, యాంటీఆక్సిడెంట్లు, ఖనిజాలు పుష్కలంగా ఉంటాయి. డ్రై ఫ్రూట్స్ గుండె ఆరోగ్యానికి చాలా మంచివి. ఇవి రోగనిరోధక శక్తిని రెట్టింపు చేయడంలో సహాయపడతాయి. చాలా మంది డ్రై ఫ్రూట్స్ని ఒకేసారి ఎక్కువగా కొని నిల్వ చేసుకుంటారు. కొన్నిసార్లు అవి పాడవుతాయి. అయితే కొన్ని చిట్కాలను పాటిస్తే డ్రై ఫ్రూట్స్ని ఎక్కువ కాలం ఫ్రెష్గా నిల్వ చేసుకోవచ్చు.
25
డ్రై ఫ్రూట్స్ పాడవడానికి కారణాలు:
డ్రై ఫ్రూట్స్ పాడవడానికి ప్రధాన కారణం వాటిని సరిగ్గా నిల్వ చేయకపోవడమే. గాలి, వెలుతురు తగలడం వల్ల డ్రై ఫ్రూట్స్ త్వరగా పాడవుతాయి. గాలి, కాంతి తగిలినప్పుడు అవి ఆక్సీకరణం చెందుతాయి కాబట్టి త్వరగా పాడవుతాయి.
35
గాజు సీసాల్లో:
బాదం, జీడిపప్పు, పిస్తా, వాల్నట్ వంటి డ్రై ఫ్రూట్స్ని ఎక్కువ కాలం నిల్వ చేయాలనుకుంటే, వాటిని గాలి చొరబడని గాజు సీసాలో నిల్వ చేయాలి. ముఖ్యంగా సీసా మూతను గట్టిగా మూసేయాలి. సీసాని నిటారుగా ఉంచాలి.
ఫ్రిజ్లో ఇలా ఉంచండి:
డ్రై ఫ్రూట్స్ పాడవకుండా ఉండటానికి ఫ్రిజ్లో నిల్వ చేస్తారు. కానీ దానికి ముందు గాలి చొరబడని గాజు సీసాలో లేదా ప్లాస్టిక్ డబ్బాలో వేసి ఫ్రిజ్లో ఉంచాలి. ముఖ్యంగా మూతను గట్టిగా మూయడం మర్చిపోవద్దు. లేకపోతే డ్రై ఫ్రూట్స్లో తేమ చేరి త్వరగా పాడవుతాయి. ఫ్రీజర్లో నిల్వ చేస్తే ఒక సంవత్సరం వరకు పాడవకుండా ఉంటాయి.
45
క్లిప్ పెట్టండి:
మీరు డ్రై ఫ్రూట్స్ని ప్యాకెట్లలో కొని నిల్వ చేసినప్పుడు, వాటిపై క్లిప్ పెట్టడం మర్చిపోవద్దు. దీని వల్ల అవి పాడవకుండా ఎక్కువ కాలం ఫ్రెష్గా ఉంటాయి.
దీని దగ్గర ఉంచవద్దు:
డ్రై ఫ్రూట్స్ని కారం, తేమ, ఎక్కువ వాసన వచ్చే పదార్థాల నుంచి దూరంగా ఉంచాలి. వాటి నుంచి వచ్చే వాసన వల్ల కూడా అవి త్వరగా పాడవుతాయి. గది ఉష్ణోగ్రత వద్ద డ్రై ఫ్రూట్స్ని ఉంచినప్పుడు మూతను తరచుగా తెరవవద్దు.
55
ఈ తప్పు చేయకండి:
- డ్రై ఫ్రూట్స్ ఉన్న సీసాని ఎండలో ఉంచవద్దు. ఎండ తక్కువగా ఉన్న చీకటి ప్రదేశంలో ఉంచి నిల్వ చేయడం మంచిది. ఇలా నిల్వ చేస్తే మూడు నెలల వరకు ఫ్రెష్గా ఉంటాయి.
- పిస్తా వంటి గింజలను వాటి పెంకుతో ఉపయోగించడం మంచిది. దీని వల్ల అవి ఎక్కువ కాలం పాడవకుండా ఉంటాయి.
- డ్రై ఫ్రూట్స్ని మార్కెట్లో కొనేటప్పుడు వాటి గడువు తేదీని తప్పకుండా చూడాలి.
- నిల్వ చేసిన డ్రై ఫ్రూట్స్ వాసన, రుచి మారితే వెంటనే పారేయడం మంచిది.
