చలికాలంలో దగ్గు, జలుబు వంటి సమస్యలు రావడం సహజం. కొద్దిగా బెల్లం, అల్లం, తులసి ఆకుల మిశ్రమాన్ని తీసుకుంటే గొంతు నొప్పి నుంచి త్వరగా ఉపశమనం లభిస్తుంది. అంతేకాకుండా, ఊపిరితిత్తుల్లో పేరుకుపోయిన మలినాలను శుభ్రం చేయడానికి కూడా బెల్లం చాలా ఉపయోగపడుతుంది.
చలికాలంలో ఆకలి పెరిగి వేయించిన స్నాక్స్, పరోటాలు, హల్వా వంటి బరువైన ఆహారాలను ఎక్కువగా తీసుకుంటాం. దీనివల్ల కడుపులో గ్యాస్, బరువుగా అనిపించడం జరగవచ్చు. భోజనం తర్వాత చిన్న బెల్లం ముక్క తింటే జీర్ణక్రియ వేగవంతం అవుతుంది. ఇది పేగుల్లో మంచి బ్యాక్టీరియాను పెంచి, మలబద్ధకాన్ని దూరం చేస్తుంది.
భారతీయ మహిళల్లో రక్తహీనత చాలా సాధారణం. శరీరం పాలిపోవడం, విపరీతమైన అలసట, తలతిరగడం వంటివి కనిపిస్తాయి. ఐరన్ లోపాన్ని అధిగమించడానికి మీ రోజువారీ ఆహారంలో బెల్లాన్ని ఒక సహజ వనరుగా వాడుకోవచ్చు.