తలనొప్పి ఒకే కారణం వల్ల రాదు. అందులోనూ ఈ తలనొప్పి తరచుగా వస్తుంటే మాత్రం ఖచ్చితంగా హాస్పటల్ కు వెళ్లి అది ఎందుకొస్తుందో టెస్ట్ లు చేయించుకోవాలి. అప్పుడే మీకు తలనొప్పి ఎందుకొస్తుందో స్పష్టంగా తెలుస్తుంది.
కొంతమందికి ఎప్పుడో ఒకసారి తలనొప్పి వస్తే.. ఇంకొంత మందికి మాత్రం తరచుగా వస్తూనే ఉంటుంది. నిజానికి ఈ తలనొప్పి ఏదో ఒక కారణం వల్ల రాదు. తలనొప్పి రావడానికి ఎన్నో బలమైన కారణాలున్నాయి. అసలు మీకు తలనొప్పి ఏ కారణం వల్ల వస్తుందో తెలియాలంటే కొన్ని టెస్ట్ లు చేయించుకోవాల్సిందే. తలనొప్పి చిన్న చిన్న ఆరోగ్య సమస్యల నుంచి తీవ్రమైన అనారోగ్యాల వరకు సంకేతం కావొచ్చు. అందుకే తలనొప్పి ఎందుకు వస్తుందో తెలుసుకోవడం చాలా అవసరం. వాతావరణ మార్పు, దాని వల్ల కలిగే అంటువ్యాధులు దగ్గు, జలుబు, ఘాటైన వాసనలు, కాంతి, ఒత్తిడి, రుతుక్రమ సమస్యలు మొదలైనవి సాధారణంగా తలనొప్పికి కారణమయ్యే కొన్ని కారకాలు.
అయితే కొంతమందికి కొన్ని ఆహారాలను తిన్నా తలనొప్పి వస్తుంది. కొన్ని రకాల పానీయాలను తాగినా వస్తుంది. అవును ఆహారం కూడా కొన్ని సందర్భాల్లో తలనొప్పిని కూడా కలిగిస్తుందని ఆరోగ్య నిపుణులు చెబుతున్నారు. తలనొప్పిని కలిగించే కొన్ని ఆహారాలు, పానీయాలేంటో ఇప్పుడు తెలుసుకుందాం..
రెడ్ వైన్
రెడ్ వైన్ అప్పుడప్పుడు తాగితే ఆరోగ్యానికి మంచే జరుగుతుంది. కానీ కొంతమందికి దీన్ని తాగడం వల్ల తలనొప్పి వచ్చే అవకాశం ఉంది. కొంతమొత్తంలో తాగితే ఎలాంటి హాని జరగదు. కానీ పరిమానం పెరిగితేనే తలనొప్పి వస్తుందని నిపుణులు చెబుతున్నారు.
జున్ను
జున్ను మన ఆరోగ్యానికి ఎన్నో విధాలా మేలు చేస్తుంది. అయితే దీన్ని తింటే కొంతమందికి తలనొప్పి వచ్చే అవకాశం ఉంది. జున్నులో 'టిరామిన్' అనే అమైనో ఆమ్లం ఉంటుంది. ఇది రక్తనాళాలు సంకోచించడానికి కారణమవుతుంది. దీనివల్లే తలనొప్పి వస్తుంది.
చాక్లెట్
నిజానికి చాక్లెట్లను తినడం వల్ల తలనొప్పి వచ్చే అవకాశం ఉండదు. చాక్లెట్లను తినడం వల్ల మైండ్ రీఫ్రెష్ అవుతుంది. హ్యాపీ హార్లోన్ము రిలీజ్ అవుతాయి. కానీ చాక్లెట్లను మోతాదుకు మించి తింటేనే తలనొప్పి వచ్చే అవకాశం ఉందని నిపుణులు చెబుతున్నారు.
పాలు
పాలు సంపూర్ణ ఆహారం. రోజూ గ్లాస్ పాలను తాగితే ఎముకలు, దంతాలు బలపడతాయి. శరీరం ఆరోగ్యంగా ఉంటుంది. కానీ కొంతమందికి పాలు తాగితే కూడా తలనొప్పి వస్తుంది. లాక్టోస్-ప్రేరిత లేదా పాలకు అలెర్జీ కలిగే వ్యక్తులకు తలనొప్పి వచ్చే అవకాశం ఉంది.
సిట్రస్ పండ్లు
సిట్రస్ పండ్లు అయిన నిమ్మకాయ, నారింజ, ద్రాక్ష వంటి పండ్లలో విటమిన్ సి పుష్కలంగా ఉంటుంది. ఈ విటమిన్ సి మన రోగనిరోధక శక్తిని పెంచడానికి సహాయపడుతుంది. అలాగే శారీరక, మానసిక ఆరోగ్యానికి సహాయపడుతుంది. కానీ వీటిని తింటే కొంతమందికి తలనొప్పి వస్తుంది.
కృత్రిమ స్వీటెనర్లు
కొంతమంది కృత్రిమ స్వీటెన్లు ఉన్న ఆహారాలను, పానీయాలు తాగుతుంటారు. కానీ వీటిని తలనొప్పి వచ్చే అవకాశం ఉందని నిపుణులు చెబుతున్నారు. కృత్రిమ స్వీటెనర్లలో ఉండే పదార్థాలు మన శరీరంలోని 'డోపామైన్' హార్మోన్ స్థాయిలను తగ్గిస్తాయి. దీనివల్లే తలనొప్పి వస్తుంది.