Silver Vaddanam: బంగారు వడ్డాణం కొనలేరా? అయితే వెండి వడ్డాణం కొనేయండి.. అదిరిపోయే డిజైన్లు ఇవిగో

Silver Vaddanam: మీరు చీర కట్టినప్పుడు లేదా లెహెంగా వేసుకున్నప్పుడు నడుముకు వడ్డాణం పెట్టుకుంటే ఎంతో అందంగా ఉంటారు. బంగారం వడ్డాణం కొనలేని పరిస్థితి కాబట్టి సిల్వర్ వడ్డాణం కొనుక్కోవచ్చు. ఇక్కడ కొన్ని వెండి వడ్డాణం డిజైన్లు ఇచ్చాము.

వెండి వడ్డాణం డిజైన్లు

చీరపైన వడ్డాణం పెడితే ఆ అందమే వేరు. బంగారు ధరలు బాగా పెరిగిపోయాయి కాబట్టి బంగారు వడ్డాణం కొనలేని పరిస్థితి. కానీ అందమైన వెండి వడ్డాణం కొనుక్కోవచ్చు. చీరపై వెండి వడ్డాణం పెట్టుకున్నా ఎంతో అందంగా కనిపిస్తారు. ఒకప్పుడు పెళ్లిళ్లకే పరిమితమైన ఈ ఆభరణం, ఇప్పుడు పార్టీలు, పండుగలు, ఇండో-వెస్టర్న్ డ్రెస్సులకూ ట్రెండీగా మారింది. సింపుల్ చీరకు కూడా వెండి వడ్డాణం ఎంతో అందాన్నిస్తుంది.

మువ్వల వెండి వడ్డాణం

పండగలు,పెళ్లి వేడుకల్లో ఇలాంటి మువ్వల వర్క్ ఉన్న వడ్డాణం అద్భుతంగా ఉంటుంది. దీనికి ఉండే చిన్న చిన్న గజ్జెలు మీరు నడుస్తూ ఉంటే మంచి ఎత్నిక్ వైబ్ వస్తుంది. దీన్ని షరారా, లెహంగా, పట్టు చీరలతో ఈ డిజైన్ రాయల్ టచ్ ఇస్తుంది.

పూల వెండి వడ్డాణం

పూల డిజైన్ ఉన్న వెండి వడ్డాణం ఇది. ఇప్పుడిదే చాలా ట్రెండ్‌లో ఉంది. ఇది తేలికగా ఉంటుంది.  మంచి ఎలిగెంట్ లుక్ ఇస్తుంది. అనార్కలీ లేదా సింపుల్ చీరలతో చక్కగా సెట్ అవుతుంది.

మోడ్రన్ సిల్వర్ చైన్

మీకు చీరపై మంచి వెస్టర్న్ టచ్ కావాలంటే, చిన్న స్టార్, మూన్ లేదా ఇతర చార్మ్స్ ఉన్న వెండి వడ్డాణం ట్రై చేయండి. ఇది క్రాప్ టాప్, స్కర్ట్, ఇండో-వెస్టర్న్ లుక్స్‌తో చాలా స్టైలిష్‌గా కనిపిస్తుంది.