Bathing: స్నానం చేసే నీటిలో ఇది చిటికెడు వేస్తే...మీ స్కిన్ పై జరిగే మ్యాజిక్ ఇదే..!

Bathing: మీ చర్మం అందంగా మెరిసిపోవాలని ఉందా? అయితే, నార్మల్ నీటితో కాకుండా... ఒక మ్యాజిక్ పొడి కలిపిన నీటితో స్నానం చేస్తే చాలు..మీ స్కిన్ సమస్యలన్నీ తగ్గిపోవడంతో పాటు... యవ్వనంగా మెరిసిపోతారు. 

Bath

బేకింగ్ సోడాను మనం చాలా రకాల వంటల్లో వాడుతూనే ఉంటాం. ఎక్కువ మంది ఇడ్లీ, గారెలు లాంటివి తయారు చేసేటప్పడు పిండిలో ఈ బేకింగ్ సోడా కలపుతారు. ఈ బేకింగ్ సోడా చిటికెడు వేసినా.. అవి బాగా పొంగుతాయి. రుచిని కూడా పెంచుతాయి. ఇదే బేకింగ్ సోడా మీ చర్మ సౌందర్యాన్ని రెట్టింపు చేయడానికి సహాయపడుతుంది. ముఖ్యంగా ముఖ సౌందర్యం విషయానికి వస్తే, ఇది సహజమైన ఎక్స్ ఫోలియేటర్ గా పని చేస్తుంది. మరి... ఈ బేకింగ్ సోడాను... స్నానం చేసే నీటిలో చిటికెడు వేసి.. ఆ నీటితో స్నానం చేస్తే.. ఎలాంటి ప్రయోజనాలు కలుగుతాయో ఇప్పుడు చూద్దాం...

స్కిన్ ఇన్ఫెక్షన్లు, దురద నుంచి ఉపశమనం...

ఒక బకెట్ నీటిలో ఒక టీ స్పూన్ బేకింగ్ సోడా కలిపి ప్రతిరోజూ స్నానం చేయడం వల్ల స్కిన్ ఇన్ఫెక్షన్లు, ఫంగల్ ఇన్ఫెక్షన్లు తగ్గిపోతాయి. ఎండాకాలంలో వచ్చే దురద, చిరాకు లాంటివి తగ్గిపోతాయి. ముఖ్యంగా బేకింగ్ సోడా చర్మం పీహెచ్ స్థాయిని బ్యాలెన్ చేసి.. చర్మాన్ని ఆరోగ్యంగా మారుస్తుంది.

డెడ్ స్కిన్ తొలగిస్తుంది...

గోరువెచ్చని నీటిలో బేకింగ్ సోడా కలిపి స్నానం చేయడం వల్ల డెడ్ స్కిన్ సెల్స్ తొలగిపోతాయి. దీని వల్ల చర్మం మృదువుగా మారుతుంది. రెగ్యులర్ గా ఇలా చేయడం వల్ల చర్మం మెరుస్తూ, కాంతివంతంగా మారుతుంది.

తామర సమస్యలు...

చాలా మందికి చర్మంపై తామర వంటి సమస్యలు వస్తూ ఉంటాయి. ఇలాంటి వాటికి.. ఖరీదైన క్రీములు అవసరం లేకుండా.. బేకింగ్ సోడా చాలా సమర్థవంతంగా పని చేస్తుంది. దురదను తగ్గించి ఉపశమనం కలిగిస్తుంది.

సోరియాసిస్ సమస్యలు ఉన్నవారికి...

నీటిలో బేకింగ్ సోడా కలిపి స్నానం చేయడం వల్ల సోరియాసిస్ ఉన్నవారికి చాలా మేలు చేస్తుంది. దీనికి యాంటీ ఇన్ ఫ్లమేటరీ ప్రాపర్టీలు ఉంటాయి. ఇవి సోరియాసిస్ వల్ల వచ్చే దురదను తగ్గిస్తాయి.

బేకింగ్ సోడాను ఎలా ఉపయోగించాలి..?

స్నానపు నీటిలో బేకింగ్ సోడాను ఎల్లప్పుడూ తక్కువ పరిమాణంలోనే ఉపయోగించాలి. సాధారణంగా ఒక బకెట్ గోరువెచ్చని నీటిలో ఒకటి నుంచి రెండు టీ స్పూన్ల బేకంగ్ సోడా వాడితే సరిపోతుంది. బేకింగ్ సోడా నీటిలో పూర్తిగా కరిగిన తర్వాత మాత్రమే స్నానం చేయాలి. స్నానం చేసిన తర్వాత చర్మాన్ని తేమగా ఉంచడానికి మాయిశ్చరైజర్ రాయడం మర్చిపోవద్దు.

బేకింగ్ సోడా వాడే ముందు తీసుకోవాల్సిన జాగ్రత్తలు...

బేకింగ్ సోడా మీ చర్మానికి సరిపోతుందో లేదో అని పరీక్షించిన తర్వాతే ఉపయోగించాలి. దీని కోసం, కొద్దిగా బేకింగ్ సోడా తీసుకొని చర్మానికి రాయాలి. కాసేపు అలానే వదిలేయాలి. ఎలాంటి అలెర్జీ రాకపోతే... దానిని ఉపయోగించాలి.