మీకు మద్యం తాగే అలవాటు ఉందా? ప్రతిరోజూ కొంచెం అయినా మద్యం తీసుకోకపోతే నిద్ర కూడా పట్టడం లేదా? అంతలా అలవాటు అయిన ఈ ఆల్కహాల్ కి మీరు కనుక నెల రోజుల పాటు దూరంగా ఉంటే మీ శరీరంలో ఎన్ని మార్పులు కలుగుతాయో తెలుసా?
చాలా మందికి మద్యం తాగే అలవాటు ఉంటుంది.ఈ మద్యం ఆరోగ్యానికి అస్సలు మంచిది కాదు. ఈ విషయం తెలిసినా..పార్టీలన్నీ, ఫ్రెండ్స్ అనీ , ఆనందం వచ్చినా, బాధ వచ్చినా ఇలా రకరకాల కారణాలు చెప్పి.. రోజూ తాగేసేవారు ఉంటారు. రోజూ కాకపోయినా వారానికి ఒకసారి అయినా వీకెండ్ పార్టీ కి అయినా తాగేస్తూ ఉంటారు. దీని వల్ల ఫ్యూచర్ లో చాలా ఆరోగ్య సమస్యలు వచ్చే అవకాశం ఉంది. మరి ఈ అలవాటు ఉన్నవారు.. నెల రోజుల పాటు ఈ ఆల్కహాల్ కి దూరంగా ఉంటే వారి బాడీలో ఎలాంటి మార్పులు జరుగుతాయో ఇప్పుడు చూద్దాం...
మద్యం అలవాటు ఉన్నవారు ఒక నెలపాటు హానికరమైన మద్యం సేవించడం వల్ల గణనీయమైన ఆరోగ్య ప్రయోజనాలు ఉంటాయని మీకు తెలుసా? జ్ఞాపకశక్తి మెరుగుపడుతుంది.మీరు చదివింది నిజమే, మద్యం తాగడం వల్ల నెమ్మదిగా మతిమరుపు పెరుగుతుందట. అదే.. మీరు నెల రోజులు దీనికి దూరంగా ఉంటే.. మీ మెదడు పనితీరు మెరుగుపడుతుంది.మీ జ్ఞాపకశక్తి మెరుగుపడుతుంది.
మద్యం తాగడం వల్ల రక్తంలో చక్కెర స్థాయిలలో హెచ్చుతగ్గులు ఏర్పడతాయి.ఆకస్మిక శక్తి తగ్గుదలకు దారితీస్తుంది. మద్యం తాగడం మానేయడం ద్వారా, మీరు రోజంతా స్థిరమైన శక్తిని కలిగి ఉంటారు.ఎనర్జిటిక్ గా ఉన్న ఫీలింగ్ కలుగుతుంది. నీరసం, శరీరం కుంచించుకుపోతుంది అనే భావన తగ్గుతుంది.
మీకు తెలుసో తెలీదో.. మద్యం అలవాటు ఉన్నవారి వయసు పైబడినట్లుగా కనిపిస్తారు. చిన్న వయసులోనే చర్మం ముడతలు పడటం లాంటివి జరుగుతాయి. అదే మీరు నెల రోజులు మద్యానికి దూరంగా ఉంటే, మీ కాలేయం సరిగా పని చేయడం మొదలుపెడుతుంది. మీ రక్తాన్ని శుద్ధి చేస్తుంది. చర్మాన్ని మళ్లీ అందంగా మార్చుకోవచ్చు. ముడతలు లాంటివి తగ్గడం మీరు స్పష్టంగా చూస్తారు.
మద్యం మీకు నిద్ర వచ్చేలా చేసినప్పటికీ, అది నాణ్యమైన నిద్ర కాకపోవచ్చు. మద్యం లేకుండా నిద్రపోవడం వల్ల మీరు బాగా నిద్రపోతారు. మీరు మేల్కొన్నప్పుడు మీరు మరింత ఉత్సాహంగా ఉంటారు.మీరు మద్యం తాగినప్పుడు, మీ జీర్ణవ్యవస్థ పూర్తిగా చెదిరిపోతుంది. కొంత సమయం తర్వాత, మీ జీర్ణవ్యవస్థ మళ్లీ సాధారణంగా పనిచేయడం ప్రారంభిస్తుంది.
నెల రోజుల పాటు నిగ్రహంగా మద్యం జోలికి వెళ్లకుండా ఉంటే మీరు మీ ఆయుష్షు పెంచుకోవచ్చు.మీరు మద్యం సేవించిన ప్రతిసారీ, మీ కాలేయం దెబ్బతింటుంది. మీ విలువైన ఆయుష్షును తగ్గిస్తాయి. ఈరోజే మద్యం సేవించడం మానేయడం ద్వారా మీరు కోల్పోయిన జీవితాన్ని తిరిగి పొందవచ్చు. అంతేకాదు.. మీరు నెల రోజులు ఆల్కహాలు కొనకుండా ఉంటే, మీరు డబ్బులు చాలానే సేవ్ చేసుకోవచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి