Oil Bath: స్నానానికి ముందు ఆయిల్ మసాజ్ చేస్తే ఏమౌతుంది?
సాధారణంగా ఏదైనా పండగ రోజు మాత్రమే ఇలా ఆయిల్ బాత్ చేస్తారు. కానీ.. శరీరం వేడి తగ్గించుకోవడానికి కూడా ఇలా ఆయిల్ బాత్ చేయవచ్చు.శరీరంలో నుంచి వేడి మొత్తం బయటకు రావడానికి ఇది సహాయపడుతుంది.
☰
oil bath
బయట వేసవి వేడి రోజు రోజుకీ ఎక్కువ అవుతోంది. వేడి వల్ల చాలా ఆరోగ్య సమస్యలు వస్తాయి. కాబట్టి, మండే ఎండల నుంచి శరీరాన్ని చల్లగా ఉంచడానికి ఆయిల్ తో శరీరానికి మసాజ్ చేయడం ఒక మంచి మార్గం. మీరు చదివింది నిజమే, వేసవిలో వేడి ప్రభావం నుంచి శరీరాన్ని చల్లబరచడానికి నూనెతో మర్దన చేయడం చాలా అవసరం. పూర్వం మన పూర్వీకులు ఇదే ఫార్ములాను ఉపయోగించేవారు. ఆయుర్వేదంలోనూ ఈ ఆయిల్ మసాజ్ వల్ల కలిగే ప్రయోజనాల గురించి వివరించారు.మరి, స్నానానికి ముందు ఇలా ఆయిల్ మసాజ్ చేస్తే కలిగే ప్రయోజనాలేంటో తెలుసుకుందాం..
oil bath
సమ్మర్ లో ఆయిల్ మసాజ్ ఎందుకు చేయాలి?
ఆయిల్ మసాజ్ భారతీయ సంప్రదాయంలో ఒకటి. సాధారణంగా ఏదైనా పండగ రోజు మాత్రమే ఇలా ఆయిల్ బాత్ చేస్తారు. కానీ.. శరీరం వేడి తగ్గించుకోవడానికి కూడా ఇలా ఆయిల్ బాత్ చేయవచ్చు.శరీరంలో నుంచి వేడి మొత్తం బయటకు రావడానికి ఇది సహాయపడుతుంది.
ఆయిల్ బాత్ కి ఏ నూనె మంచిది?
మన పూర్వీకుల కాలం నుండి నూనె స్నానానికి నువ్వుల నూనెను ఉపయోగించేవారు. అంతేకాకుండా, ఈ నూనెను శతాబ్దాలుగా సాంప్రదాయ వైద్యం, చర్మ సంరక్షణలో ఉపయోగిస్తున్నారు. దక్షిణ భారతదేశంలో ఇప్పటికీ నువ్వుల నూనె స్నానం వాడుకలో ఉంది.
ఆయిల్ బాత్ ఎప్పుడు చేయాలి?
మీరు ఆయిల్ బాత్ చేయాలి అనుకుంటే.. పరగడుపున మాత్రమే చేయాలి. అప్పుడు మాత్రమే అజీర్ణ సమస్యలు రాకుండా ఉంటాయి. లేదంటే.. మీరు తిన్న ఆహారం తేలికగా జీర్ణం కాదు. అలానే నూనెతో మర్దన శరీరానికి కనీసం 20 నిమిషాలు అయినా చేయాలి. నూనెతో మసాజ్ తర్వాత 40 నిమిషాల తర్వాత వేడి నీటితో స్నానం చేయాలి. కనీసం వారానికి ఒకసారి అయినా ఇలా ఆయిల్ బాత్ చేస్తే సరిపోతుంది.
నూనెతో ఎలా మర్దన చేయాలి?
నూనె మర్దన స్నానానికి ఒకేసారి నూనెను తలపై పోయకూడదు కొంచెం కొంచెంగా రాయాలి. తలకు నూనె రాసిన తర్వాత మొత్తం శరీరానికి నూనె రాయాలి. అంటే మీ మోకాలు, మోచేయి, భుజం, వెన్నుపూస, కీలు వంటి చోట్ల నూనె రాసి మర్దన చేయాలి. ముఖ్యంగా ముఖం మీద మాత్రం నూనె రాయకూడదు. నూనె మర్దన తర్వాత గోరువెచ్చని నీటిలో స్నానం చేయాలి. అది మంచిది. ముఖ్యంగా, నూనె స్నానం తర్వాత వెంటనే నిద్రపోకూడదని గుర్తుంచుకోండి.
ఆయిల్ బాత్ ప్రయోజనాలు:
- శరీరాన్ని రిలాక్స్ గా ఉంచడానికి సహాయపడుతుంది. నిద్ర నాణ్యతను మెరుగుపరుస్తుంది.
- మానసిక ఒత్తిడిని తగ్గిస్తుంది. ఇది కాకుండా కండరాలను వదులు చేస్తుంది.
- చర్మాన్ని కాంతివంతంగా, మృదువుగా ఉంచడానికి సహాయపడుతుంది. ముఖ్యంగా సూర్యుడి అతినీలలోహిత కిరణాల నుండి చర్మాన్ని రక్షిస్తుంది. అదనంగా, శరీరంలో రక్త ప్రసరణను ప్రోత్సహించడానికి సహాయపడుతుంది.
- చర్మంపై గీతలు, ముడతలు రాకుండా నిరోధించడానికి సహాయపడుతుంది. ఇంకా చర్మానికి పోషణనిచ్చి పొడిబారకుండా చేస్తుంది.
గమనిక: నెలసరి సమయంలో ఆయిల్ బాత్ చేయకూడదు. అలాగే మీకు సైనస్, ఆస్తమా వంటి సమస్యలు ఉంటే వైద్యుడిని సంప్రదించకుండా ఆయిల్ బాత్ చేయకూడదు.
Latest Videos
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
click me!