చలికాలంలో ఆస్తమా పేషెంట్లు తినాల్సిన ఆహారాలు..

చలికాలంలో ఆస్తమా లక్షణాలు ఎక్కువ ఇబ్బంది పెడుతుంటాయి. ఈ సమస్య చలికాలంలో ఎక్కువ అవుతుంది. వాతావరణం, వాయు కాలుష్యం, జీవన శైలి, ఆహారాలు వంటివి ఆస్తమా సమస్యను ఎక్కువ చేస్తాయి.   

asthma

చిన్న పిల్లలు, పెద్దలు అంటూ తేడా లేకుండా ఆస్తమా బారిన పడుతుంటారు. ఇది పిల్లలను, పెద్దలను ఒకే విధంగా ప్రభావితం చేస్తుంది. ఆస్తమా అనేది ఒక అలెర్జీ వ్యాధి. ఇది ఊపిరితిత్తులను.. ముఖ్యంగా వాయుమార్గాలను ప్రభావితం చేసే అలెర్జీ. అలెర్జీ కారకాలే ఆస్తమాకు ప్రధాన కారణం. ఆస్తమాలో శ్వాస తీసుకోవడంలో ఇబ్బంది, దీర్ఘకాలిక దగ్గు, గురక, శ్వాస తీసుకునేటప్పుడు శబ్దం రావడం వంటివి ప్రధాన లక్షణాలు. ఆస్తమా లక్షణాలు చలికాలంలో ఎక్కువయ్యే అవకాశం ఉంది. వాతావరణం, వాయు కాలుష్యం, జీవనశైలి, ఆహారాలు వంటి అనేక కారకాలు ఆస్తమాతో ముడిపడి ఉన్నాయి. ఈ చలికాలంలో ఆస్తమా రోగులు ఎలాంటి ఆహారాలను తినాలో తెలుసుకుందాం పదండి.. 

అల్లం

అల్లంలో  ఎన్నో ఔషదగుణాలుంటాయి. యాంటీ ఆక్సిడెంట్లు సమృద్ధిగా ఉండే అల్లం శరీరంలో రోగనిరోధక శక్తిని పెంచడానికి సహాయపడుతుంది. అందుకే చలికాలంలో అల్లం వేసి మగించిన నీటిని ఆస్తమా రోగులు తప్పకుండా తాగాలి. దీనివల్ల ఆస్తమా లక్షణాలు తగ్గుతాయి.

వెల్లుల్లి

ఆస్తమా రోగులకు వెల్లుల్లి కూడా మంచి మేలు చేస్తుంది. దీనిలో కూడా యాంటీ ఆక్సిడెంట్లు ఎక్కువగా ఉంటాయి. ఇవి జలుబు తొందరగా తగ్గడానికి సహాయపడుతాయి. పచ్చి వెల్లుల్లిని చిన్న చిన్న ముక్కలుగా చేసి ఒక గ్లాసు నీటితో కలిపి రోజుకు ఒకసారి తాగితే ఆరోగ్యం బాగుంటుంది. అరకప్పు పాలలో మూడు లేదా నాలుగు వెల్లుల్లి రెబ్బలు వేసి మరిగించి తాగినా మంచి ఫలితం ఉంటుంది. 

పసుపు

పసుపు మన ఆరోగ్యానికి ఎంతో మేలు చేస్తుంది. పసుపులో ఉండే కర్కుమిన్ యాంటీ ఆక్సిడెంట్ లక్షణాలను కలిగి ఉంటుంది. ఇది శరీరానికి అంటువ్యాధులతో పోరాడటానికి సహాయపడతాయి. అందుకే ఆస్తమా రోగులు పసుపును ఖచ్చితంగా తీసుకోవాలని డాక్టర్లు చెప్తున్నారు. 

నల్లమిరియాలు

నల్ల మిరియాలు కూడా ఆస్తమా రోగులకు మేలు చేస్తాయి. చలికాలంలో ఉబ్బసం, అలెర్జీ లక్షణాలు మరీ అధ్వాన్నంగా ఉంటాయి. నల్ల మిరియాలు శరీరంలో వాపును తగ్గిస్తుంది. అలాగే ఆస్తమా లక్షణాల నుంచి ఉపశమనం కలిగిస్తాయి.

ఆకు కూరలు

ఆకు కూరల ద్వారా ఎన్నో రకాల పోషకాలు అందుతాయి. ముఖ్యంగా ఆస్తమా రోగులకు ఆకు కూరలు ఎంతో మేలు చేస్తాయి. ముఖ్యంగా బచ్చలికూర. బచ్చలికూరలో విటమిన్లు, పీచుపదార్థాలు, ప్రోటీన్లు పుష్కలంగా ఉంటాయి. ఇవి ఆస్తమా లక్షణాలను తగ్గించడానికి సహాయపడతాయి. 

ఉసిరి

ఉసిరిలో విటమిన్ సి పుష్కలంగా ఉంటుంది. ఇది రోగనిరోధక శక్తిని పెంచడానికి సహాయపడుతుంది. ఇది ఆస్తమా వచ్చే ప్రమాదాన్ని తగ్గిస్తుంది. అంటువ్యాధుల ప్రమాదాన్ని కూడా తగ్గిస్తుంది. 

green tea

గ్రీన్ టీ

గ్రీన్ టీ ఆరోగ్యానికి ఎంతో మేలు చేస్తుంది. యాంటీఆక్సిడెంట్లు సమృద్ధిగా ఉండే గ్రీన్ టీ శరీరంలోని ఇన్ఫెక్షన్లతో కూడా పోరాడుతుంది. బరువు తగ్గేందుకు సహాయపడుతుంది. అలాగే జీర్ణక్రియ మెరుగ్గా పనిచేయడానికి సహాయపడుతుంది. అందుకే ఆస్తమా రోగులు శీతాకాలంలో గ్రీన్ టీని తప్పకుండా తాగాలి.