ఒక రిలేషన్ షిప్ లో ఉన్నప్పుడు.. ఆ బంధాన్ని కాపాడుకోవడానికి భాగస్వాములిద్దరూ కృషి చేస్తారు. ఒకరి మీద ఒకరికి ప్రేమ, అప్యాయత, కేర్ ఇలాంటివి వారి అనుబంధాన్ని బల పరుస్తాయి. అదే సమయంలో కొన్ని తప్పులు వారి అనుబంధాన్ని ప్రశ్నార్థకంగా మార్చేస్తాయి. అలాంటి తప్పులేంటో ఒక్కసారి చూడండి.
మేషరాశి : మేషరాశివారు తమ భాగస్వాములను టేకిట్ ఫర్ గ్రాంటెడ్ గా తీసుకుంటారు. అందుకే వారేం చేసినా మనవాళ్లే కదా అన్నట్టుగా ప్రశంసించడం కానీ, మెచ్చుకోవడం కానీ చేయరు. అలా చేయడం వల్ల అనుబంధంలో ఇబ్బందులు తలెత్తుతాయి.
వృషభరాశి : వీరు ఏ ఎమోషన్ నూ ఆపుకోలేరు. మీలో పొంగి పొర్లుతున్న భావోద్వేగాలను మీ భాగస్వామి ముందు వ్యక్త పరచకపోవడమే మంచిది.
మిధునరాశి : మీ అనుబంధం బాగా లేదనుకున్నప్పుడో.. మీ ఇద్దరికీ సరిపడడం లేదనుకున్నప్పుడు వెంటనే అనుబంధాన్ని తెంచుకోవడానికి వెనుకాడరు. కనీసం అసలు సమస్య ఏంటి.. దానికి ఏదైనా పరిష్కారం ఉందా? అని ఒక్కసారి కూడా ఆలోచించరు. సింపుల్ గా వదిలేస్తారంతే.
కర్కాటకరాశి : ఎంతసేపూ మీ భాగస్వామిని ఇంప్రెస్ చేయడానికే ప్రయత్నిస్తారు. దీనివల్ల మీరేంటో.. మీ వ్యక్తిత్వమేంటో, మీ ఉనికేంటో మరిచిపోతే ప్రమాదం ఉంది.
సింహరాశి : మీ కోపం, విసుగు, చిరాకు, ఆందోళన, ఆవేశం.. ఇలాంటి భావాలన్నీ మీ భాగస్వామి మీదే చూపిస్తారు. అలా మీరు రిలీష్ అవుతారు. కానీ మీ భాగస్వామి దీనివల్ల ఎంత తీవ్రంగా గాయపడతారో అర్థం చేసుకోరు.
కన్యారాశి : మీ భాగస్వామి మీ అభిరుచులకు తగ్గట్టుగా ఉండాలని భావిస్తారు. వారిని అలా మార్చడానికి ప్రయత్నిస్తారు.
తులారాశి : కొన్ని సార్లు ఎదుటివారికి సంతోషపెట్టాలని మీ ఫీలింగ్స్ ను ఫేక్ చేస్తారు. ఒకానొక సమయంలో ఇది కాస్తా బయటపడి వారికి తీవ్రంగా బాధ కలిగిస్తుంది.
వృశ్చికరాశి : ఏదైనా సమస్య వస్తే దాన్ని పరిష్కరించడానికి ప్రయత్నించడానికి బదులు.. పెద్ద సీన్ క్రియేట్ చేస్తారు. డ్రామా క్వీన్ లేదా డ్రామా కింగ్ గా మారిపోతారు.
మకరరాశి : మీరంతట మీరే మీ బంధాన్ని చెడగొట్టుకుంటారు. ఎదుటివారి ఎక్స్ పెక్టేషన్స్ ను తగ్గట్టుగా ఉండలేమోమోనని భయమే దీనికి కారణం.
కుంభరాశి : మీ అనుబంధంలో మీదే పై చేయిగా ఉండాలనుకుంటారు. ఈ స్వభావమే మీ రిలేషన్ షిప్ కు దెబ్బగా మారుతుంది.
మీనరాశి : మీ సంబంధాన్ని నిలుపుకోవాలన్న అతి జాగ్రత్తలో పడి మిమ్మల్ని మీరు కోల్పోతారు. అందుకే ఎంతసేపు మీ భాగస్వామి గురించే కాకుండా మీ కోసం కూడా సమయం కేటాయించుకోండి.
ధనుస్సురాశి : మీ ఫీలింగ్స్ ను నిజాయితీగా చెప్పడానికి ఇష్టపడరు. దాన్ని అవాయిడ్ చేస్తారు. ఇది మీ భాగస్వామిని డిసప్పాయింట్ చేస్తుంది.