ఆపిల్ సైడర్ వెనిగర్ ఒక్క బరువునేంటీ.. ఎన్నో సమస్యలకు చెక్ పెడుతుంది తెలుసా..?

ఆపిల్ సైడర్ వెనిగర్ లో యాంటీ మైక్రోబియల్, యాంటీ ఆక్సిడెంట్లు పుష్కలంగా ఉంటాయి. ఇవి ఎన్నో అనారోగ్య సమస్యలను తగ్గిస్తాయి. 

ఆపిల్ సైడర్ వెనిగర్ మన ఆరోగ్యానికి ఎంతో మేలు చేస్తుంది. దీనిలో యాంటీ ఆక్సిడెంట్లు, యాంటీ మైక్రోబియల్ గుణాలుంటాయి. ఇవి ఎన్నో అనారోగ్య సమస్యలను తగ్గిస్తాయి.  రక్తంలో చక్కెర స్థాయిలను నియంత్రంచడం, కొలెస్ట్రాల్ ను తగ్గించడం, శరీరానికి హాని చేసే బ్యాక్టీరియాను నాశనం చేయడం, బరువును తగ్గించడంలో ఇవి ఎఫెక్టీవ్ గా పనిచేస్తాయి. ఆపిల్ సైడర్ వెనిగర్ మన ఆరోగ్యానికి ఏ విధంగా మేలు చేస్తుందో తెలుసుకుందాం పదండి.. 

ఆపిల్ సైడర్ వెనిగర్ జీర్ణవ్యవస్థను మెరుగుపరుస్తుంది. అలాగే శరీరంలో ఎక్కువ ఖనిజాలను శోషించుకోవడానికి సహాయపడుతుంది. అంతేకాదు దీన్ని తీసుకోవడం వల్ల అజీర్థి, మలబద్దకం వంటి సమస్యలు తగ్గిపోతాయి. 

రక్తంలో షుగర్ లెవెల్స్ పెరుగుతాయి

ఆపిల్ సైడర్ వెనిగర్ షుగర్ పేషెంట్లకు దివ్య ఔషదంతో సమానం. ఎందుకంటే ఇది రక్తంలో చక్కెర స్థాయిలను నియంత్రణలో ఉంచుతుంది. ఇది ఇన్సులిన్ ను కూడా నియంత్రణలో ఉంచుతుంది. రక్తంలో షుగర్ లెవెల్స్ పెరగకూడదంటే.. చక్కెరను, శుద్ధి చేసిన పిండి పదార్థాలను తీసుకోవడం మానేయాలి. 

బరువు తగ్గుతారు

ఆపిల్ సైడర్ వెనిగర్ కూడా బరువును నియంత్రణలో ఉంచడానికి ఎంతో సహాయపడుతుందని నిపుణులు చెబుతున్నారు. భోజనం చేసే ముందు దీన్ని తీసకోవడం వల్ల ఎక్కువగా తినలేరు. అందులోనూ  ఇది కడుపును ఎక్కువ సేపు నిండుగా ఉంచుతుంది. 

తిమ్మిరి తగ్గిస్తుంది

శరీరంలో పొటాషియం లెవెల్స్  తగ్గితే కండరాల తిమ్మిరి కలుగుతుంది. అయితే ఆపిల్ సైడర్ వెనిగర్ ఈ తిమ్మిరి సమస్య నుంచి ఉపశమనం కలిగిస్తుంది. 

దంతాలు, చర్మ సమస్యలు

ఆపిల్ సైడర్ వెనిగర్ ను ఉపయోగించి  చుండ్రు, తల్లో పేళ్లు, చర్మ సంక్రామ్యత, మొటిమల సమస్యలను వదిలించుకోవచ్చు. ఇది దంతాలను తెల్లగా మెరిపిస్తుంది కూడా. ఇందుకోసం చేతి వేలికి కొద్దిగా ఆపిల్ సైడర్ వెనిగర్ ను అద్దుకుని దంతాలకు అప్లై చేయాలి. 

గుండెను ఆరోగ్యంగా ఉంచుతుంది

ఆపిల్ సైడర్ వెనిగర్ గుండెజబ్బుల ప్రమాదాన్ని తగ్గిస్తుంది. దీన్ని తీసుకోవడం వల్ల శరీరంలో కొలెస్ట్రాల్ లెవెల్స్ తగ్గుతాయి. దీంతో గుండెపోటు, స్ట్రోక్ వంటి ప్రమాదాలు చాలా వరకు తగ్గుతాయని నిపుణులు చెబుతున్నారు.