Happiest Children: ప్ర‌పంచంలో ఏ దేశంలో చిన్నారులు సంతోషంగా ఉంటున్నారు.?

పిల్లల్ని సంతోషంగా ఉంచడంలో ఏ దేశం ముందుంది? అక్కడి తల్లిదండ్రులు ఏం చేస్తున్నారో ఇప్పుడు తెలుసుకుందాం. 

సంతోషంగా ఉంటున్న చిన్నారులు

UNICEF ప్రకారం, ప్రతి ఏటా ప్రపంచంలోని ప్రతి దేశంలోని పిల్లల సంతోషం, ఆరోగ్యం, విద్య, సామాజిక నైపుణ్యాల ఆధారంగా విశ్లేషించి జాబితా విడుదల చేస్తుంది. గతేడాది 41 దేశాలను యునిసెఫ్ పరిశీలించగా, నెదర్లాండ్స్ పిల్లలే ప్రపంచంలో అత్యంత సంతోషంగా ఉన్నట్లు తేలింది. 

ఇక్కడి పిల్లలు ప్రపంచంలోనే అత్యంత సంతోషంగా ఉన్న పిల్లలుగా పేరుగాంచారు. ఇంతకీ దేశంలో చిన్నారులు ఎందుకు సంతోషంగా ఉంటున్నారు.? పేరెంట్స్ ఏం చేస్తున్నారు.? ఇప్పుడు తెలుసుకుందాం. 

నెదర్లాండ్స్‌లో పిల్లలు సంతోషంగా ఉండటానికి కారణం ఏమిటి?

నిజానికి, ఈ దేశంలోని తల్లిదండ్రులు పరస్పర సహకారం, సామాజిక అభ్యాసం, వ్యక్తిగత విజయాలకు ప్రాధాన్యత ఇస్తారు. పిల్లలు చదువులో రాణించాలని ఒత్తిడి చేయరు. ముఖ్యంగా తల్లిదండ్రులు తమ పిల్లలకు వారు ఇష్టపడే పనులు చేయడానికి పూర్తి స్వేచ్ఛనిస్తారు.

 పిల్లలను శారీరక శ్రమ, సంగీతం, ఆటలు, ఇతర విషయాలను చేయడానికి ప్రోత్సహిస్తారు. అందుకే నెదర్లాండ్స్‌లోని పిల్లలు మానసికంగా బాగుంటారు. వారు సృజనాత్మకంగా, తెలివిగా ఎదుగుతారు.

నెదర్లాండ్స్ తల్లిదండ్రుల పిల్లల పెంపకం:

- ఇక్కడి తల్లిదండ్రులు పిల్లలు ఆడుకుంటున్నప్పుడు పడిపోతే వెంటనే పట్టుకోరు, గాయపడితే ఆందోళన చెందరు. పడిపోయినా వాళ్లే లేచి మళ్ళీ ఆడుకుంటారని భావిస్తారు. 

- ఒక అధ్యయనం ప్రకారం, నెదర్లాండ్స్‌లో దాదాపు సగం మంది కార్మికులు పార్ట్‌టైమ్ ఉద్యోగాలు చేస్తారు. ముఖ్యంగా తండ్రులు ప్రతి వారం కనీసం ఒక రోజు సెలవు తీసుకుని పిల్లలతో సమయం గడుపుతారు.

కలిసి భోజనం చేయడం

- నెదర్లాండ్స్ తల్లిదండ్రులు తమ పిల్లలతో కనీసం ఒక పూట కలిసి భోజనం చేస్తారు, ముఖ్యంగా రాత్రిపూట కుటుంబమంతా కలిసి భోజనం చేస్తారు. ఈ సమయంలో రోజంతా ఏం జరిగిందన్న విషయాలను అడిగి తెలుసుకుంటారు. ఇలా తల్లిదండ్రులతో కలిసి ఉండటం పిల్లలకు సంతోషాన్ని, భావోద్వేగ స్థిరత్వాన్నిస్తుంది.

- నెదర్లాండ్స్ తల్లిదండ్రులు తమ నిర్ణయాలను పిల్లలపై రుద్దరు. కుటుంబ విషయాల గురించి చర్చలు జరపడంలో, పిల్లల అభిప్రాయాలను, ఆలోచనలను పరిగణనలోకి తీసుకుంటారు. ఇది పిల్లల ఆత్మవిశ్వాసాన్ని పెంచుతుంది.

బాధ్యతాయుత పెంచుతారు

- నెదర్లాండ్స్‌లోని తల్లిదండ్రులు తమ పిల్లలను మంచిగా పెంచడం, వారిని బాధ్యతాయుతంగా మార్చడంపై దృష్టి పెడతారు. వారు తమ పిల్లలకు మద్దతు ఇస్తారు, కానీ పరిమితులు కూడా విధిస్తారు.