జిడ్డు చర్మ సమస్యలను తగ్గించి చర్మాన్ని అందంగా మార్చే సూపర్ బ్యూటీ టిప్స్!

చర్మ కణాల గ్రంధుల నుంచి జిడ్డు ఎక్కువగా ఉత్పత్తి అయినప్పుడు మొటిమలు, మచ్చలు, వృద్ధాప్య ఛాయలు వంటి ఇతర చర్మ సమస్యలు (Skin problems) ఏర్పడతాయి.  

అలా చిన్నవయసులోనే వయసు పైబడిన వారిలా కనిపిస్తారు. ఈ సమస్యను తగ్గించుకోవడానికి ఆర్టిఫిషియల్ క్రీమ్స్ వాడకం బదులుగా ఇంటిలోనే సహజసిద్ధమైన బ్యూటీ టిప్స్ (Natural Beauty Tips) ను అనుసరిస్తే మంచి ఫలితం ఉంటుందని సౌందర్య నిపుణులు చెబుతున్నారు. అవేంటో ఇప్పుడు మనం తెలుసుకుందాం..

చర్మం జిడ్డుగా ఉన్నప్పుడు ఎంత మేకప్ వేసిన తగిన ఫలితం ఉండదు. చర్మ గ్రంధుల (Skin glands) నుండి ఉత్పత్తి అయ్యే అధిక మొత్తంలోని నూనె పదార్థం చర్మ సౌందర్యాన్ని (Skin beauty) దెబ్బతీస్తుంది. ఈ సమస్యను తగ్గించుకోవడానికి జంక్ ఫుడ్స్, ఫాస్ట్ ఫుడ్స్, ఆయిల్ ఫుడ్స్ లకు దూరంగా ఉంటూ సరైన ఆహార జీవనశైలి అనుసరిస్తూ సహజసిద్ధమైన టిప్స్ ను అనుసరిస్తే చక్కటి అందమైన చర్మ సౌందర్యం మీ సొంతం అవుతుంది. ఇలా తక్కువ ఖర్చుతో మీ సౌందర్యాన్ని పెంచుకోవచ్చు.

పసుపు, పాలు: ఒక కప్పులో కొద్దిగా పసుపు (Turmeric), కొన్ని పాలు (Milk) వేసి పేస్ట్ లా తయారు చేసుకోవాలి. ఈ మిశ్రమాన్ని ముఖానికి, మెడకు బాగా అప్లై చేసుకుని 20 నిమిషాల తరువాత ముఖాన్ని నీటితో శుభ్రపరుచుకోవాలి. ఇలా చేస్తే పసుపులో ఉండే యాంటీ ఇన్ఫ్లమేటరీ, యాంటీ ఫంగల్, యాంటీ బ్యాక్టీరియల్ గుణాలు జిడ్డు చర్మ సమస్యలను తగ్గించి చర్మాన్ని అందంగా, ఆకర్షణీయంగా మారుస్తాయి.

పెసరపిండి, పెరుగు: పెసరపిండి (Pesarapindi), పెరుగు (Curd) జిడ్డు సమస్యలను తగ్గించడానికి చక్కగా సహాయపడతాయి. ఇందుకోసం ఒక కప్పులో కొద్దిగా పెసర పిండి, కాస్త పెరుగు, కొన్ని నీళ్లు పోసి పేస్టులా తయారుచేసుకోవాలి. ఈ మిశ్రమాన్ని ముఖానికి అప్లై చేసుకుని అరగంట తరువాత ముఖాన్ని నీటితో శుభ్రపరుచుకోవాలి. ఇలా వారానికి రెండు మూడు సార్లు చేస్తే మంచి ఫలితం ఉంటుంది.

టమోటా రసం, తేనె: ఒక కప్పులో కొద్దిగా టమోటా రసం (Tomato juice), ఒక స్పూన్ తేనె (Honey) వేసి బాగా కలుపుకోవాలి. ఈ మిశ్రమాన్ని ముఖానికి అప్లై చేసుకుని 20 నిమిషాల తరువాత నీటితో ముఖాన్ని శుభ్రపరుచుకోవాలి. టమోటా రసం, తేనెలో ఉండే పోషకాలు చర్మ గ్రంధులను శుభ్రపరిచి నూనె ఉత్పత్తిని అడ్డుకుంటాయి. దీంతో జిడ్డు చర్మ సమస్యలు తగ్గుతాయి.

యాపిల్ గుజ్జు, పెరుగు, నిమ్మరసం: ఒక కప్పులో కొద్దిగా యాపిల్ గుజ్జు (Apple pulp), ఒక స్పూన్ పెరుగు (Curd), ఒక స్పూన్ నిమ్మరసం (Lemon juice) వేసి బాగా కలుపుకోవాలి. ఈ మిశ్రమాన్ని ముఖానికి అప్లై చేసుకుని అరగంట తరువాత గోరువెచ్చని నీటితో ముఖాన్ని శుభ్రపరచుకోవాలి. ఈ ఫేస్ ప్యాక్ జిడ్డు సమస్యలను తగ్గించడంతోపాటు చర్మానికి కోమలాత్వాన్ని కూడా అందిస్తుంది.