New drug వండర్ జెల్: దీంతో 4 గంటల్లో గాయాలు నయం!

సాధారణంగా మన శరీరానికి అయిన గాయాలు మానాలంటే కనీసం వారం, పదిరోజులైనా సమయం పడుతుంది. వాటికి సరైన మందు అందకపోయినా, ఆహార నియమాలు పాటించకపోయినా ఒక్కోసారి ఆ గాయం మానడానికి నెలలు పట్టొచ్చు. కానీ పరిశోధకులు కనిపెట్టిన కొత్తరకం జెల్ తో ఎలాంటి గాయమైనా కేవలం నాలుగు గంటల్లో 90 శాతం వరకు మానిపోతుందట. ఇది అందరికీ అందుబాటులోకి వస్తే వండర్ సాధ్యమైనట్టే. 

ఇదొక సైన్స్ అద్భుతం! పరిశోధకులు ఒక జెల్ కనిపెట్టారు. గాయంపై రాస్తే నాలుగు గంటల్లో 90% నయమవుతుంది. ఈ మందుతో గాయమైన చోట కొత్త పొర ఏర్పడుతుంది.

ఆల్టో, బీరూట్ యూనివర్సిటీల వాళ్లు కలిసి 'సెల్ఫ్ హీలింగ్ హైడ్రో జెల్' కనిపెట్టారు. ఈ జెల్ మన చర్మంలాగే పనిచేస్తుంది. చర్మంలాగే ఉంటుంది. ఈ మందు గంటల్లోనే చర్మంపై గాయాన్ని నయం చేసి మామూలు స్థితికి తెస్తుంది.  నానో షీట్ ద్వారా ఈ పరిష్కారం కనుగొన్నామని చెబుతున్నారు. ఈ ఆవిష్కరణ గురించి మార్చి 7న నేచర్ మెటీరియల్స్ పత్రికలో రాశారు.