జుట్టు విపరీతంగా రాలుతోందా..? ఇది కూడా ఒక కారణం కావచ్చు...!

ఈ పరిశోధన కోసం...ఎలుకలను రెండు గ్రూపులుగా విభజించారు. ఒక గ్రూపు ఎలుకలకు సాధారణ ఆహారం ఇవ్వగా.. మరో గ్రూపు ఎలుకలకు అధిక కొలిస్ట్రాల్ ఉన్న ఆహారాన్ని ఇచ్చారు.

hair fall

ఈరోజుల్లో చాలా మంది జుట్టురాలే సమస్యతో బాధపడుతున్నారు. అసలు జుట్టు ఎందుకు రాలుతోంది అన్న విషయంలో చాలా మందికి క్లారిటీ ఉండటం లేదు. జుట్టు రాలడానికి చాలా కారణాలే ఉండొచ్చు. అయితే... అధిక కొలిస్ట్రాల్ కారణంగా కూడా జుట్టు విపరీతంగా రాలుతుందని నిపుణులు హెచ్చరిస్తున్నారు.

hair fall

కొలెస్ట్రాల్ అనేది పసుపు-తెలుపు మైనపు లాంటి కొవ్వు, ఇది మన శరీరంలోని ప్రతి కణంలో ఉంటుంది.  ప్రతి ఒక్కరి శరీరంలో కొవ్వు ఉంటుంది. కానీ... అది ఆరోగ్యకరమైన కొవ్వు అయ్యి ఉండాలి. అధిక కొలిస్ట్రాల్ మాత్రం.. తీవ్ర సమస్యలకు కారణమౌతుంది. ఈమధ్యకాలంలో మీకు విపరీతంగా జుట్టురాలుతున్నా.. దానికి కారణం శరీరంలోని అధిక కొలిస్ట్రాలే కావచ్చు.

hair fall

కొలిస్ట్రాల్ అధికంగా ఉండే ఆహారాలు తీసుకోవడం వల్ల.. జుట్టు విపరీతంగా రాలుతుందట. అంతేకాదు..జుట్టు చాలా తొందరగా తెల్లగా మారుతుందట.తాజాగా జరిపిన పరిశోధనలో ఈ విషయం తేలడం గమనార్హం. ఈ పరిశోధన కోసం...ఎలుకలను రెండు గ్రూపులుగా విభజించారు. ఒక గ్రూపు ఎలుకలకు సాధారణ ఆహారం ఇవ్వగా.. మరో గ్రూపు ఎలుకలకు అధిక కొలిస్ట్రాల్ ఉన్న ఆహారాన్ని ఇచ్చారు.

hair fall

అధిక కొలెస్ట్రాల్ ఉన్న  ఆహారం తీసుకున్న ఎలుకలు తమ జుట్టును కోల్పోవడం ప్రారంభించాయని పరిశోధకులు కనుగొన్నారు. అంతేకాదు జుట్టు తెల్లబడటం కూడా కనిపించింది. మొదటి 12 వారాలు వాటిలో ఎలాంటి మార్పు కనిపించలేదట. 36వారాల తర్వాత తేడా కనపడటం ప్రారంభమైంది. అధిక కొలిస్ట్రాల్ ఉన్న ఆహారం తీసుకున్న ఎలుకల్లో దాదాపు 75శాతం ఎలుకలు జుట్టు కోల్పోయాయట. మనుషుల్లోనూ ఇదే జరుగుతుందని వారు చెబుతున్నారు.

కొలెస్ట్రాల్ బయోసింథసిస్ నిరోధం ఫైబ్రోసిస్‌ను ప్రోత్సహించడం ద్వారా జుట్టు కుదుళ్లకు శాశ్వత నష్టం కలిగిస్తుందని పరిశోధకులు చెబుతున్నారు. దీని వల్లే జట్టు విపరీతంగా ఊడిపోవడం, తొందరగా తెల్లవెంట్రుకలు రావడం లాంటివి జరుగుతున్నాయని వారు చెప్పారు.

hair fall

కొన్నిసార్లు, పెరిఫెరల్ ఆర్టరీ డిసీజ్ (PAD) ప్రారంభ దశలో ఉన్న రోగులు వారి కాళ్ళ జుట్టు రాలడాన్ని కూడా ఎదుర్కొంటారు. ధమనులలో అధిక కొలెస్ట్రాల్ చేరడం రక్త ప్రవాహాన్ని నెమ్మదిస్తుంది. అంత్య భాగాలకు తగినంత రక్తం,  ఆక్సిజన్ సరఫరాను పోషణ కోసం అందుకోలేకపోతుంది. దీని వల్ల కూడా జట్టురాలుతుందని వారు చెబుతున్నారు.