మీరు కీటో డైట్ ను ఫాలో అవుతారా? అయితే జాగ్రత్త.. మీకు ఈ సమస్యలు రావొచ్చు..

బరువు తగ్గడానికని ఎన్నో రకాల డైట్ లను ఫాలో అవుతుంటారు. అందులో కీటో డైట్ ఒకటి. కానీ ఈ కీటో డైట్ తో ఎన్నో అనారోగ్య సమస్యలు వచ్చే అవకాశం ఉందని ఆరోగ్య నిపుణులు హెచ్చరిస్తున్నారు. అవేంటంటే..

Image: Getty

ప్రస్తుతం కీటో డైట్ బాగా ట్రెండ్ అవుతోంది. బరువు తగ్గడానికని చాలా మంది ఈ డైట్ ను ఫాలో అవుతున్నారు. కీటో డైట్ అనేది మీరు  తినే విధానం, ఎక్కువ మొత్తంలో కొవ్వు, సమతుల్య ప్రోటీన్, చాలా తక్కువ లేదా కార్బోహైడ్రేట్లు మొత్తమే ఉండవు. కీటో డైట్ లో మటన్, జున్ను, గుడ్డు, చికెన్, కాయలు, సీఫుడ్, విత్తనాలు ఉంటాయి. అయితే క్యాన్సర్, ఓవరీ సిండ్రోమ్, అల్జీమర్స్ వంటి వ్యాధులను దూరం చేసుకోవడానికి కూడా కీటో డైట్ ను ఉపయోగిస్తారు. కానీ కీటో డైట్ మనం అనుకున్నంత ఆరోగ్యకరమైంది కాదని నిపుణులు చెబుతున్నారు. దీన్ని ఎక్కువ కాలం పాటించడం వల్ల ఎన్నో అనారోగ్య సమస్యలు వస్తాయంటున్నారు నిపుణులు.

కీటో డైట్  వల్ల మన శరీరానికి అవసరమయ్యే ముఖ్యమైన పోషకాలు అందవు. అలాగే మీ శరీరానికి కార్బోహైడ్రేట్లు చాలా చాలా అవసరం. మీ శరీరానికి కావాల్సిన కార్బోహైడ్రేట్లు ఎక్కువ కాలం అందకపోతే మీ శరీరం ప్రతికూలంగా స్పందిస్తుంది. కీటో డైట్ ను ఎక్కువ కాలం అనుసరించడం వల్ల ఎలాంటి సమస్యలు వస్తాయో ఇప్పుడు తెలుసుకందాం.. 

పోషకాహార లోపం

కీటో డైట్ లో చాలా మంది కొన్ని ఆహారాలను మాత్రమే తింటారు. అయితే అవసరమైన పండ్లు, కూరగాయలను తినకపోవడం వల్ల శరీరంలో ఎన్నో రకాల పోషకాలు లోపిస్తాయి. దీని వల్ల ఎన్నో అనారోగ్య సమస్యలను ఫేస్ చేయాల్సి వస్తుంది. కండరాలను నిర్మించడానికి, శరీరానికి సరైన మొత్తంలో కార్బోహైడ్రేట్లు, ప్రోటీన్లు అవసరం. అయితే కీటో డైట్ ను ఫాలో అయ్యేవారికి ఇనుము, విటమిన్లు, మెగ్నీషియం వంటి ముఖ్యమైన పోషకాల లోపం ఉంటుంది. 

గుండె సమస్యలు

కీటో డైట్ లో కార్బోహైడ్రేట్లను తక్కువ మొత్తంలో లేదా మొత్తమే ఉండవు. అమెరికన్ కాలేజ్ ఆఫ్ కార్డియాలజీ నిర్వహించిన ఒక పరిశోధన ప్రకారం.. తక్కువ కార్బ్ ఫుడ్ కర్ణిక ఫైబ్రిలేషన్ ప్రమాదాన్ని పెంచుతుంది. అంతేకాదు హృదయ స్పందన కూడా సక్రమంగా ఉండదు. అందుకే కీటో డైట్ ను ఎక్కువ కాలం అనుసరించే వ్యక్తులకు సాధారణ వ్యక్తుల కంటే గుండెపోటు, గుండె జబ్బులు వచ్చే అవకాశం 5 రెట్లు ఎక్కువ.

Image: Getty

మూత్రపిండాల సమస్యలు 

మాంసం, గుడ్డు, జున్ను వంటి ఎక్కువ కొవ్వు జంతు ఆహారాలు కీటో డైట్ లో ఉంటాయి. కానీ వీటిలో కార్బోహైడ్రేట్లు ఉండవు. ఇలాంటి ఆహారాలను ఎక్కువగా తీసుకోవడం వల్ల మూత్రపిండాల్లో రాళ్లు ఏర్పడే ప్రమాదం ఉంది. అంతేకాకుండా జంతువుల ఆహారాన్ని ఎక్కువగా తీసుకోవడం వల్ల మీ రక్తం, మూత్రం మరింత ఆమ్లంగా మారుతుంది. అలాగే మూత్రంలో కాల్షియం కూడా పెరుగుతుంది. ఇవన్నీ మూత్రపిండాల సంబంధిత వ్యాధుల ప్రమాదాన్ని పెంచుతాయి.

keto diet

ఎముక ఆరోగ్యం దెబ్బతింటుంది

నేషనల్ లైబ్రరీ ఆఫ్ మెడిసిన్ ప్రచురించిన అధ్యయనం ప్రకారం.. కీటో డైట్ అనుసరించే వారి ఎముకలు బలహీనపడతాయి. ఎముక ఖనిజ సాంద్రత లేకపోవడమే దీనికి కారణం. అలాగే కీటో డైట్ ను ఎక్కువ రోజులు అనుసరించడం వల్ల ఎముక సంబంధిత వ్యాధుల ప్రమాదం పెరుగుతుంది. 

జీర్ణవ్యవస్థపై ప్రతికూల ప్రభావం

క్వినోవా, బీన్స్, కాయధాన్యాలు, పండ్లు, బ్రౌన్ రైస్ వంటి ముఖ్యమైన పోషకాలు, ఫైబర్ ఎక్కువగా ఉండే ఆహారాలు కీటో డైట్ లో ఉండవు. ఎందుకంటే వీటిలో కార్బోహైడ్రేట్లు ఉంటాయి. ఈ కార్భోహైడ్రేట్లు బరువును పెంచుతాయని డైట్ లో చేర్చరు. కీటో డైట్ ను అనుసరించే వ్యక్తి శరీరంలో ఫైబర్ లేకపోవడం వల్ల మలబద్ధకం, విరేచనాలు వంటి జీర్ణ సమస్యలు వస్తాయి.  అంతేకాకుండా మీ శరీరానికి హైడ్రేటింగ్ పండ్లు, ఆహారం కూడా లభించదు. దీనివల్ల మీ శరీరం నిర్జలీకరణానికి గురవుతుంది.