మనలో కొంతమంది మిల్క్ టీని తాగితే.. మరికొంతమంది మాత్రం బ్లాక్ టీని తాగడానికి ఇష్టపడతారు. ఏదేమైనా ఈ రెండు మనల్ని ఉత్తేజంగా మారుస్తాయి. కానీ వీటిలో మన ఆరోగ్యానికి ఏది మేలు చేస్తుందో తెలుసా?
మనలో చాలా మంది టీ తోనే డేను స్టార్ట్ చేస్తారు. కప్పు టీ గానీ కాఫీ గానీ లేనిదే ఏ పనీ ముట్టు కోని వారు కూడా ఉన్నారు. ఇక కొంతమంది అయితే రోజుకు మూడు నాలుగు కప్పుల టీని కూడా తాగుతుంటారు. అయితే కొంతమంది మిల్క్ టీని ఇష్టపడితే.. మరికొంతమంది మాత్రం బ్లాక్ టీని తాగడానికి ఇష్టపడతారు. ఈ రెండూ మనకు మేలు చేస్తాయి. మరి ఈ రెండింటిలో ఏది ఎక్కువ మేలు చేస్తుందో ఇప్పుడు తెలుసుకుందాం పదండి.
బ్లాక్ టీ వల్ల కలిగే ప్రయోజనాలు...
బ్లాక్ టీలో యాంటీ ఆక్సిడెంట్స్ పుష్కలంగా ఉంటాయి. దీనిలో ఫ్లేవనాయిడ్లు, కాటెచిన్స్ వంటి పాలీఫెనాల్స్ మెండుగా ఉంటాయి. ఈ సమ్మేళనాలు మనల్ని ఆక్సీకరణ ఒత్తిడి నుంచి రక్షిస్తాయి. బ్లాక్ టీని రెగ్యలర్ గా తాగడం వల్ల గుండె ఆరోగ్యం మెరుగ్గా ఉంటుంది.
బ్లాక్ టీలో ఉండే ఫ్లేవనాయిడ్లు రక్త నాళాల పనితీరును కూడా మెరుగుపరుస్తాయి. అలాగే అధిక రక్తపోటును నియంత్రించడానికి సహాయపడతాయి. అలాగే శరీరంలో పేరుకుపోయిన చెడు కొలెస్ట్రాల్ స్థాయిలను కూడా తగ్గిస్తాయి. బ్లాక్ టీలో ఉండే కెఫిన్ కంటెంట్ మన నిద్రమత్తును వదిలిస్తుంది. అలాగే అభిజ్ఞా పనితీరును కూడా మెరుగుపరుస్తుంది. బ్లాక్ టీలో రోగనిరోధక శక్తిని బలోపేతం చేసే సమ్మేళనాలు కూడా ఉంటాయని నిపుణులు చెబుతున్నారు. బ్లాక్ టీలో ఉండే పాలీఫెనాల్స్ యాంటీమైక్రోబయల్ లక్షణాలను కలిగి ఉంటాయి.
బ్లాక్ టీలోని టానిన్ జీర్ణక్రియపై సానుకూల ప్రభావాన్ని చూపుతుంది. ఇవి పేగు మంటను తగ్గించడానికి సహాయపడతాయి. అలాగే జీర్ణ సమస్యలను కూడా తగ్గిస్తాయి. బ్లాక్ టీ లో ఉండే పాలీఫెనాల్స్ జీవక్రియను పెంచుతాయి. దీంతో కొవ్వు శోషణ తగ్గుతుంది. బరువు కూడా తగ్గుతారు.
మిల్క్ టీ వల్ల కలిగే ప్రయోజనాలు
మిల్క్ టీ కూడా మన ఆరోగ్యానికి ఎంతో మేలు చేస్తుంది. ఈ టీ మన రోగనిరోధక శక్తిని పెంచడంతో పాటుగా మొత్తం శ్రేయస్సుకు ప్రయోజనకరంగా ఉంటుంది. ఈ టీలో కాల్షియం, విటమిన్ డి, ప్రోటీన్ వంటి ముఖ్యమైన పోషకాలు పుష్కలంగా ఉంటాయి. మిల్క్ టీలో యాంటీ ఆక్సిడెంట్స్ కూడా పుష్కలంగా ఉంటాయి. ఇది ఆక్సీకరణ ఒత్తిడిని తగ్గించడానికి సహాయపడుతుంది. అలాగే దీర్ఘకాలిక వ్యాధుల ప్రమాదాన్ని కూడా తగ్గిస్తుంది. మిల్క్ టీలో కెఫిన్ కంటెంట్ ఉంటుంది. ఇది అప్రమత్తత, అభిజ్ఞా పనితీరును పెంచుతుంది.
మిల్క్ టీ, బ్లాక్ టీ.. రెండింటిలో ఏది మంచిదంటే?
బ్లాక్ టీ లో కేలరీలు తక్కువగా ఉంటాయి. దీనిలో ఫ్లేవనాయిడ్లు వంటి యాంటీ ఆక్సిడెంట్లు కూడా పుష్కలంగా ఉంటాయి. నిజానికి బ్లాక్ టీ మన ఆరోగ్యానికి ఎన్నో విధాలుగా ప్రయెజనకరంగా ఉంటుంది. ఇది మీరు బరువు తగ్గడానికి కూడా సహాయపడుతుంది. నేషనల్ క్యాన్సర్ ఇన్స్టిట్యూట్ లో ప్రచురించిన ఒక అధ్యయనం ప్రకారం.. రోజుకు కనీసం రెండు కప్పుల బ్లాక్ టీ తాగడం వల్ల ఏదైనా కారణంతో మరణించే ప్రమాదాన్ని 9-13 శాతం తగ్గించొచ్చు.
మిల్క్ టీలో కేలరీలు ఎక్కువగా ఉంటాయి. ఈ టీలో షుగర్ ఎక్కువగా ఉంటే జీర్ణ సమస్యలు కూడా వస్తాయి. జర్నల్ ఆఫ్ ఎఫెక్టివ్ డిజార్డర్స్ లో ప్రచురించబడిన ఒక అధ్యయనం ప్రకారం.. పాల టీ ఆందోళన, నిరాశ వంటి మానసిక ఆరోగ్యంపై హానికరమైన ప్రభావాన్ని చూపుతుంది. అంతేకాదు ఇది నిద్ర సమస్యలను కలిగిస్తుంది. అలాగే మొటిమలు, మలబద్దకానికి కూడా కారణమవుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి