చలికాలం మొదలైంది. ఉదయం, రాత్రి వేళల్లో విపరీతమైన చలి పెడుతోంది. అయితే చాలా మందికి చలివల్ల దాహం కాదు. దీంతో చాలా మంది నీళ్లను అస్సలు తాగరు. కానీ నీళ్లను తాగడం మానేస్తే ఎన్నో అనారోగ్య సమస్యలు వస్తాయి.
చలికాలం స్టార్ట్ అవ్వడంతో విపరీతంగా చలి పెడుతోంది. అయితే ఈ సీజన్ లో చాలా మంది నీళ్లను తక్కువగా తాగుతుంటారు. ఎందుకంటే చలికాలంలో దాహంగా అనిపించదు. అలా అని మీరు నీళ్లను తాగకుండా ఉంటే మాత్రం ఎన్నో అనారోగ్య సమస్యల బారిన పడాల్సి వస్తుంది. అవును మన శరీరంలో అవసరమైన వాటికంటే నీళ్లు తక్కువగా ఉంటే ఎన్నో అనారోగ్య సమస్యలను ఎదుర్కోవాల్సి వస్తుందని ఆరోగ్య నిపుణులు చెబుతున్నారు.
కాలాలతో సంబంధం లేకుండా ప్రతి రోజూ ఎనిమిది నుంచి పది గ్లాసుల నీటిని తాగాలి. వాటర్ మన శరీరాన్ని ఆరోగ్యంగా ఉంచుతుంది. అయితే కొంతమంది దీనికంటే ఎక్కువ నీళ్లను తాగుతుంటారు. కానీ ప్రతి ఒక్కరి శరీర కూర్పు భిన్నంగా ఉంటుంది. అందుకే దీనికి అనుగుణంగా ఎన్ని గ్లాసుల నీటిని తాగాలో తెలుసుకోవడం చాలా ముఖ్యం. శరీరానికి అవసరమైన నీటిని తాగడం వల్ల ఎన్నో రోగాల ముప్పు తగ్గుతుందని ఆరోగ్య నిపుణులు చెబుతున్నారు.
చలికాలంలో చలివల్ల దగ్గు, జలుబు, జ్వరం వంటి ఎన్నో రోగాలు వస్తుంటాయి. అయితే ఈ సీజన్ లో మన శరీరం ఆరోగ్యంగా ఉండాలంటే? ప్రతిరోజూ మూడు లీటర్ల నీటిని తాగాలని డాక్టర్లు చెబుతున్నారు. అయితే వయస్సు, శారీరక శ్రమ, గర్భధారణను బట్టి కూడా మన శరీరానికి నీటి అవసరం మారుతుంది. అందుకే మన శరీర కూర్పు ప్రకారం నీటిని తాగడం ముఖ్యం. శరీరంలో నీటి శాతం తగ్గితే డీహైడ్రేషన్ బారిన పడతారు. దీంతో మీకు ఎన్నో ప్రమాదకరమైన రోగాలు వస్తాయి. అందుకే చలికాలమైనా, వానాకాలమైనా నీటిని పుష్కలంగా తాగడం ముఖ్యం. చలికాలంలో చల్లనీళ్లను తాగాలనిపించకపోతే.. గోరువెచ్చని నీటిని తాగండి. ఇది మన ఆరోగ్యానికి ఎంతో మేలు చేస్తుంది కూడా.
మన శరీరంలో వాటర్ తగినంత లేకపోతే శరీరం బలహీనంగా మారుతుంది. మనం నీళ్లను తక్కువగా తాగితే శరీర పనితీరు కూడా ప్రభావితం అవుతుంది. అంతేకాక మన శరీరానికి సరైన ఆక్సిజన్ కూడా అందదు. అలసట, డీహైడ్రేషన్, కిడ్నీ సమస్యలు కూడా వస్తాయి. అందుకే నీటిని రోజూ పుష్కలంగా తాగాలి.
ఆరోగ్య నిపుణుల అభిప్రాయం ప్రకారం.. నీళ్లను నిలబడి తాగకూడదు. మారథాన్ రన్నర్లు పరిగెత్తేటప్పుడు నీటిని తాగడం మీరు చూసే ఉండొచ్చు. పరిగెత్తేటప్పుడు నీళ్లు తాగినా స్వేచ్ఛగా తాగుతారని నిపుణులు చెబుతున్నారు. అందుకే నీటిని తాగేటప్పుడు ఉదారంగా తాగాలి. తొందర తొందరగా నీటిని తాగకూడదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి