కూరగాయలను రోజూ తింటే ఇన్ని రోగాలు రావా?

కూరగాయల్లో యాంటీ ఆక్సిడెంట్లు, విటమిన్లు, పీచు పదార్థాలు పుష్కలంగా ఉంటాయి. శాఖాహార ఆహారాన్ని తినడం వల్ల శరీరంలో పేరుకుపోయిన కొలెస్ట్రాల్ స్థాయిలు తగ్గుతాయి. అలాగే అధిక రక్తపోటు నియంత్రణలో ఉంటుంది. గుండె కూడా ఆరోగ్యంగా ఉంటుంది.   

vegetarian diet

శాకాహారం మన శరీరానికి కావాల్సిన పోషకాలను అందిస్తుంది. అంతేకాదు ఎన్నో రోగాల ముప్పును కూడా తగ్గిస్తుందంటున్నారు నిపుణులు. ఆరోగ్యానికి, కూరగాయలకు మధ్య సంబంధం చాలా గొప్పది. కూరగాయల్లో విటమిన్లు, యాంటీ ఆక్సిడెంట్లు, ఖనిజాలు, పీచు పదార్థాలు పుష్కలంగా ఉంటాయి. అందుకే వీటిని తింటే ఎన్నో లాభాలను పొందుతారు. శాఖాహారం శరీరంలో పేరుకుపోయిన కొలెస్ట్రాల్ ను తగ్గిస్తుంది. అలాగే అధిక రక్తపోటును నియంత్రిస్తుంది. అంతేకాదు గుండె ఆరోగ్యాన్ని రక్షించడానికి కూడా సహాయపడుతుందని అధ్యయనాలు చెబుతున్నాయి. రెగ్యులర్ గా కూరగాయలను తింటే ఎలాంటి ప్రయోజనాలు కలుగుతాయో ఇప్పుడు తెలుసుకుందాం..

చెడు కొలెస్ట్రాల్ తగ్గుతుంది

కూరగాయలలో సాధారణంగా సంతృప్త కొవ్వులు, కొలెస్ట్రాల్ స్థాయిలు తక్కువగా ఉంటాయి. ఇది చెడు కొలెస్ట్రాల్ స్థాయిలను తగ్గించడానికి సహాయపడుతుంది. ఈ చెడు కొలెస్ట్రాల్ గుండెపోటు, స్ట్రోక్ కు దారితీస్తుంది. 

అధిక రక్తపోటు

పొటాషియం ఎక్కువగా, సోడియం తక్కువగా ఉండే కూరగాయలను క్రమం తప్పకుండా తీసుకోవడం వల్ల అధిక రక్తపోటు నియంత్రణలో ఉంటుంది. అధిక రక్తపోటు కూడా గుండెపోటుకు దారితీస్తుంది.

vegetarian diet

గుండె  ఆరోగ్యం

కూరగాయలను క్రమం తప్పకుండా తీసుకోవడం వల్ల శరీరంలో పేరుకుపోయిన చెడు కొలెస్ట్రాల్, రక్తపోటు స్థాయిలు నియంత్రణలో ఉంటాయి. ఇది గుండె ఆరోగ్యాన్ని కాపాడటానికి ప్రయోజనకరంగా ఉంటుంది. 

డయాబెటీస్ 

శాఖాహారం తినేవారికి డయాబెటిస్ వచ్చే ప్రమాదం కూడా తక్కువగా ఉంటుందంటున్నారు నిపుణులు. మధుమేహ వ్యాధిగ్రస్తులు క్రమం తప్పకుండా కూరగాయలు తినడం వల్ల రక్తంలో చక్కెర స్థాయిలు నియంత్రణలో ఉంటాయి. 

food

క్యాన్సర్

శాఖాహార ఆహారాన్ని అనుసరించేవారికి పెద్దప్రేగు, రొమ్ము క్యాన్సర్, ప్రోస్టేట్ క్యాన్సర్ వంటి కొన్ని రకాల క్యాన్సర్లు వచ్చే అవకాశం తక్కువగా ఉందని పరిశోధనలు సూచిస్తున్నాయి. క్యాన్సర్ లకు దూరంగా ఉంచడంలో సహాయపడే యాంటీ ఆక్సిడెంట్లు, ఫైటోకెమికల్స్ ఎక్కువగా ఉండే కూరగాయలను తినొచ్చు. 

జీర్ణక్రియ 

ఫైబర్ ఎక్కువగా ఉండే కూరగాయలను క్రమం తప్పకుండా తీసుకోవడం వల్ల జీర్ణక్రియ మెరుగ్గా పనిచేస్తుంది. ఇది మీరు బరువు తగ్గడానికి కూడా సహాయపడుతుంది. 

వెయిట్ లాస్

కూరగాయల్లో కేలరీలు చాలా తక్కువగా ఉంటాయి. వీటిలో ఫైబర్ కంటెంట్ పుష్కలంగా ఉంటుంది. ఈ ఫైబర్ ఆకలిని తగ్గించడానికి సహాయపడుతుంది. తొందరగా కడుపును నింపుతుంది. తద్వారా మీరు తొందరగా బరువు తగ్గుతారు.