ఆముదంతో ఇలా చేస్తే ఒత్తైన పొడువు జుట్టు మీ సొంతం!

జుట్టు ఆరోగ్యంగా, ఒత్తుగా పెరగాలా! జుట్టు రాలే సమస్యలు తగ్గాలా! వెంట్రుకలు చిట్లకుండా ఉండాలా! అయితే ఆముదం నూనెను (Castor oil) జుట్టు సంరక్షణ కోసం ఉపయోగించడం మంచిదని సౌందర్య నిపుణులు తెలుపుతున్నారు. ఆముదం నూనె జుట్టుకు తగినంత తేమను అందించి జుట్టు పొడిబారడాన్ని తగ్గిస్తుంది. చుండ్రు వంటి అన్ని సమస్యలను తగ్గించి జుట్టు ఆరోగ్యంగా, ఒత్తుగా, పొడవుగా పెరిగేందుకు సహాయపడుతుంది. ఇప్పుడు మనం ఈ ఆర్టికల్ ద్వారా జుట్టు సౌందర్యం కోసం ఆముదం కలిగించే ప్రయోజనాలు (Benefits) ఏంటో తెలుసుకుందాం..  

ఆముదం గింజల నుంచి ఈ నూనెను తయారు చేస్తారు. ఈ నూనె మాడుకు తగిన పోషణను అందించి జుట్టు ఆరోగ్యాన్ని పెంచుతుంది. ఆముదంలో యాంటీ వైరల్ (Antiviral), యాంటీ బ్యాక్టీరియల్ (Antibacterial), యాంటీ ఫంగల్ గుణాలు పుష్కలంగా ఉంటాయి. ఇవి తలలో ఇన్ఫెక్షన్ల కారణంగా ఏర్పడే దురద, మంట వంటి సమస్యలను తగ్గిస్తాయి.

ఆముదంలో రిసినోలియెక్ ఆమ్లం (Ricinoleic acid) అధికంగా ఉంటుంది. ఈ ఆమ్లం మాడు రక్తప్రసరణను (Blood circulation) మెరుగుపరిచి జుట్టు ఒత్తుగా, పొడవుగా పెరగడానికి సహాయపడుతుంది. ఆముదం నూనెను ఏ విధంగా ఉపయోగిస్తే జుట్టుకు ప్రయోజనాలు కలుగుతాయో ఇప్పుడు మనం తెలుసుకుందాం.. 

జుట్టు పెరుగుదలకు సహాయపడుతుంది: ఆముదం జుట్టు పెరుగుదలకు మంచి హెయిర్ ప్రోడక్ట్ (Hair product) గా సహాయపడుతుంది. ఆముదం జుట్టు కుదుళ్లకు (Hair follicles) అవసరమయ్యే పోషకాలను అందించి బలంగా మారుస్తుంది. జుట్టు పొడవుగా పెరగడానికి సహాయపడుతుంది.

దీనికోసం గోరువెచ్చని ఆముదాన్ని తలకు బాగా మర్ధన (Massage) చేసుకోవాలి. ఇలా వారానికి రెండుసార్లు చేస్తే మాడు రక్తప్రసరణ మెరుగుపడి జుట్టు ఒత్తుగా పెరుగుతుంది. ఇలా చేస్తే జుట్టు సంరక్షణకు (Hair care) మీరు ఆశించిన ఫలితం లభిస్తుంది.

జుట్టు బలంగా మారుతుంది: కెరాటిన్ లోపం (Keratin deficiency) కారణంగా జుట్టు బలహీనపడుతుంది. దీంతో జుట్టు చిట్లడం (Hair breakage), జుట్టు తెగిపోవడం, రాలిపోవడం వంటి సమస్యలు ఎక్కువవుతాయి. ఇలాంటి సమస్యలను తగ్గించడానికి ఆముదము నూనె ఎఫెక్టివ్ గా పనిచేస్తుంది.

దీనికోసం 3 టేబుల్ స్పూన్ ల ఆముదం నూనె (Castor oil), 1 స్పూన్ జోజోబా నూనెను (Jojoba oil) కలిపి జుట్టుకు స్ప్రే చేసుకుంటే మంచి ఫలితం ఉంటుంది. ఇది జుట్టును బలంగా మార్చి పెరుగుదలను ప్రోత్సహిస్తుంది.

సహజసిద్ధమైన కండిషనర్: ఆముదం నూనె సహజ సిద్ధమయిన హెయిర్ కండీషనర్ (Hair conditioner) గా సహాయపడుతుంది. ఆముదం నూనెలో ప్లాటి ఆమ్లాలు (Platy acids) పుష్కలంగా ఉంటాయి. ఇవి జుట్టుకు తగిన పోషణను అందించి కలుషిత వాతావరణం కారణంగా ఏర్పడే ఇన్ఫెక్షన్ల నుంచి దూరంగా ఉంచుతుంది.

ఇందుకోసం షాంపూ వేసుకున్న వెంటనే జుట్టు తడిగా (Wet hair) ఉన్నప్పుడే కురులకు కొద్దిగా ఆముదం నూనెను రాసి అరగంట తరువాత గోరువెచ్చటి నీటితో తలస్నానం చేయాలి. ఇది జుట్టుకు మంచి కండిషనర్ గా సహాయపడి జుట్టు రాలే (Hair fall) సమస్యలను తగ్గిస్తుంది.

జుట్టు తెల్లబడకుండా చేస్తుంది: ఆముదం నూనె జుట్టుకు మంచి నిగారింపును అందిస్తుంది. ఆముదంలో ఉండే పోషకాలు (Nutrients) జుట్టు తెల్లబడటాన్ని (Whitening hair) అరికట్టి జుట్టుకు మంచి నిగారింపును అందిస్తాయి. ఇందుకోసం రోజూ ఆముదం నూనెను తలకు అప్లై చేసుకోవడం మంచిది.