ఓట్స్ ను రోజుకు ఒకసారి తిన్నా..!

మార్నింగ్ బ్రేక్ ఫాస్ట్ లో ఓట్స్ ను తింటే ఎన్నో ఆరోగ్య ప్రయోజనాలు కలుగుతాయి. ఓట్స్  మనల్ని ఆరోగ్యంగా ఉంటే మంచి పోషకాల బాంఢాగారం.  

ఓట్స్ ను చాలా మంది ఇష్టంగా తింటుంటారు. ఓట్స్ మంచి పోషకాహారం. కానీ చాలా మందికి దీని ఆరోగ్య ప్రయోజనాల గురించి అస్సలు తెలియదు. ఓట్స్ లో ఫైబర్, విటమిన్స్, మినరల్స్, యాంటీ ఆక్సిడెంట్స్ పుష్కలంగా ఉంటాయి. అంతేకాదు దీనిలో ప్రోటీన్, ఫైబర్ ఎక్కువ మొత్తంలో ఉంటాయి. దీనిలో ఉండే ఫైబర్ కంటెంట్ అతిగా తినడాన్ని తగ్గిస్తుంది.

ఓట్స్ ను ఉదయం బ్రేక్ ఫాస్ట్ లో తినాలని ఆరోగ్య నిపుణులు చెబుతుంటారు. బరువు తగ్గడానికి ఓట్స్ ఎంతో సహాయపడుతుంది. ఓట్ మీల్ లో బీటా-గ్లూకాన్ ఫైబర్ ఉంటుంది. ఇది జీర్ణ వ్యవస్థను ఆరోగ్యంగా ఉంచుతుంది. ఫైబర్ ఎక్కువగా ఉండే ఆహారం సాధారణ ప్రేగు కదలికలను ప్రోత్సహిస్తుంది. మలబద్దకం సమస్య నుంచి ఉపశమనం కలిగిస్తుంది.

బీటా-గ్లూకాన్ ఒక కరిగే ఫైబర్. ఇది గట్ లో సులభంగా కరుగుతుంది. ఇది జీర్ణశయాంతర పేగులలో మంచి బ్యాక్టీరియాను పెంచేందుకు సహాయపడుతుంది. అలాగే జీర్ణ సమస్యలను తగ్గించడానికి సహాయపడుతుంది.

ఓట్ మీల్ పాలీఫెనాల్స్ కు మంచి మూలం. ఓట్స్ లో ఉండే యాంటీ ఆక్సిడెంట్లు గుండెను ఆరోగ్యంగా ఉంచేందుకు సహాయపడతాయి. అలాగే ఎన్నో గుండె జబ్బుల ప్రమాదాల్ని తగ్గిస్తాయి. యాంటీ ఆక్సిడెంట్లు నైట్రిక్ ఆక్సైడ్ వాయువును కూడా పెంచుతాయి. ఇది రక్త నాళాల అభివృద్ధికి సహాయపడుతుంది. ఇది గుండె జబ్బుల ప్రమాదాన్ని కూడా తగ్గిస్తుంది. అలాగే గుండెను బలోపేతం చేస్తుంది.

టైప్ 2 డయాబెటిస్ ఉన్నవారికి ఓట్ మీల్ చాలా మంచిది. ఇది శరీరంలో పెరిగిన బ్లడ్ షుగర్ లెవల్స్ ను తగ్గిస్తుంది. దీనిలో కరిగే ఫైబర్ బీటా-గ్లూకాన్ కడుపులో మందపాటి జెల్ ను ఏర్పరుస్తుంది.  భోజనం తర్వాత గ్లూకోజ్ శోషణను లేట్ చేస్తుంది.

ఓట్స్ లో గ్లైసెమిక్ ఇండెక్స్ చాలా తక్కువగా ఉంటుంది. ఇది ఇన్సులిన్ నిరోధకతను తగ్గిస్తుంది. అలాగే రక్తంలో గ్లూకోజ్ స్థాయిలను నియంత్రిస్తుంది. రోగనిరోధక శక్తిని పెంచడానికి ఓట్స్ ప్రయోజనకరంగా ఉంటాయి. దీనిలోని బీటా-గ్లూకాన్ ఫైబర్ వివిధ బ్యాక్టీరియా,  వైరల్ ఇన్ఫెక్షన్లతో పోరాడటానికి సహాయపడుతుంది. ఓట్స్ సెరోటోనిన్ పెంచడానికి కూడా సహాయపడతాయి. ఇది మంచి నిద్ర పొందడానికి కూడా సహాయపడుతుంది.