ఉదయాన్నే వీటిని తాగితే కొలెస్ట్రాల్ తగ్గుతుంది తెలుసా?

చెడు కొలెస్ట్రాల్ వల్ల గుండెపోటు, స్ట్రోక్ తో సహా ఎన్నో రోగాలు వస్తాయి. అందుకే కొలెస్ట్రాల్ పెరగకుండా చూసుకోవాలి. కొలెస్ట్రాల్ తగ్గాలంటే స్వీట్లు, రెడ్ మీట్, కొవ్వులు, నూనెలు వంటి వాటిని తీసుకోవడం తగ్గించాలి.   

cholesterol

మారుతున్న జీవనశైలి, ఆహారపు అలవాట్ల వల్ల శరీరంలో చెడు కొలెస్ట్రాల్ పెరుగుతుంది. అధిక కొవ్వు ఆహారం, వ్యాయామం లేకపోవడం, స్మోకింగ్, మందును ఎక్కవ తాగడం ఇవన్నీ శరీరంలో కొలెస్ట్రాల్ స్థాయిని పెంచుతాయి. శరీరంలో చెడు కొలెస్ట్రాల్ ఎక్కువగా ఉంటే గుండె ఆరోగ్యం దెబ్బతింటుంది. ముఖ్యంగా గుండెపోటు వచ్చే అవకాశం ఉంది.  చెడు కొలెస్ట్రాల్ ను తగ్గించుకోవడానికి మీరు తినే ఆహారంపై ప్రత్యేక శ్రద్ధ వహించాలని నిపుణులు చెబుతున్నారు. రెడ్ మీట్, కొవ్వులు, స్వీట్లు, నూనెలు ఎక్కువగా ఉండే ఆహారాలను తినడం మానేస్తే చెడు కొలెస్ట్రాల్ పెరగడం తగ్గుతుంది. వీటిని తినడం మానేస్తే కొలెస్ట్రాల్ తగ్గుతుంది. అయితే కొన్ని పానీయాలు చెడు కొలెస్ట్రాల్ ను తగ్గించడానికి సహాయపడతాయి. అవేంటంటే..

tomato juice

టమాటా జ్యూస్

టమాటా మన ఆరోగ్యానికి చేసే మేలు అంతా ఇంతా కాదు. టమోటాల్లో ఉండే లైకోపీన్లు శరీరంలో కొలెస్ట్రాల్ స్థాయిలను తగ్గించడానికి సహాయపడతాయి. టమోటాల్లో ఫైబర్ కంటెంట్ కూడా ఉంటుంది. అందుకే ఉదయాన్నే టమోటా జ్యూస్ ను తాగడం వల్ల కొలెస్ట్రాల్ తగ్గుతుంది.

Soy Milk

సోయా పాలు

సోయా పాలు కూడా ఆవు పాల మాదిరిగానే మంచి ప్రయోజనకరంగా ఉంటాయి. ఎక్కువ కొవ్వు పాల ఉత్పత్తులకు బదులుగా సోయా పాలను తీసుకోవడం వల్ల శరీరంలో కొలెస్ట్రాల్ స్థాయిలు బాగా తగ్గుతాయి.

green tea

గ్రీన్ టీ

గ్రీన్ టీలో ఉండే యాంటీ ఆక్సిడెంట్లు కొలెస్ట్రాల్ స్థాయిలను తగ్గించడానికి బాగా సహాయపడతాయి. కాబట్టి ఉదయాన్నే గ్రీన్ టీ ని తాగండి. గ్రీన్ టీ బరువు తగ్గడానికి, ఒత్తిడిని తగ్గించడానికి ఎంతో సహాయపడుతుంది.  

బెర్రీలు

బ్లూబెర్రీలు, స్ట్రాబెర్రీలు, కోరిందకాయలు వంటి బెర్రీల్లో ఎన్నో రకాల పోషకాలు పుష్కలంగా ఉంటాయి. ఇలాంటి పండ్ల రసాలను తాగడం వల్ల కూడా కొలెస్ట్రాల్ స్థాయిలు బాగా సహాయపడతాయి. బెర్రీల్లో యాంటీ ఆక్సిడెంట్లు, ఫైబర్ ను కలిగి ఉండే బెర్రీలు గుండెకు మేలు చేస్తాయి.

Oatmeal

ఓట్మీల్

ఓట్ మీల్ ను బరువు తగ్గడానికి ఎక్కువగా ఉపయోగిస్తుంటారు. వీటిల్లో ఫైబర్ కంటెంట్ కూడా పుష్కలంగా ఉంటుంది. ఇది బరువు తగ్గడానికి, చెడు కొలెస్ట్రాల్ ను తగ్గించడానికి బాగా సహాయపడుతుంది. 

కోకోడ్రింక్

కోకో డ్రింక్ లో కూడా ఎన్నో ఆరోగ్య ప్రయోజనాలు దాగున్నాయి. డార్క్ చాక్లెట్స్ ఎక్కువగా ఉండే కోకోడ్రింక్స్  శరీరంలో చెడు కొలెస్ట్రాల్ ను తగ్గించడానికిి కూడా సహాయపడతాయి.