కొత్తిమీరను ప్రతి కూరలో వేస్తారు. ఎందుకంటే ఇది మంచి వాసన రావడమే కాకుండా.. వంటలను టేస్టీగా కూడా చేస్తుంది. అయితే కొత్తిమీరను పచ్చిగా తింటే ఏమౌతుందో తెలిస్తే షాక్ అవుతారు.
కొత్తిమీర ఫుడ్ ను టేస్టీగా చేయడంతో పాటుగా మన ఆరోగ్యానికి కూడా ఎన్నో విధాలుగా మేలు చేస్తుంది. కొత్తిమీరలో ఫైబర్, కార్బోహైడ్రేట్, మినరల్స్, కాల్షియం, ఫాస్పరస్, ఐరన్, కెరోటిన్, థయామిన్, పొటాషియం, విటమిన్-సి లు పుష్కలంగా ఉంటాయి. అయితే వంటల్లో వేసుకుని కాకుండా పచ్చికొత్తమీరను తింటే కూడా మన ఆరోగ్యానికి ఎన్నో ప్రయోజనాలు కలుగుతాయి. అవేంటంటే?
మలబద్ధకం
కొత్తమీర జీర్ణ సమస్యలను తగ్గించడంలో చాలా ఎఫెక్టీవ్ గా పనిచేస్తుంది. మీరు మలబద్ధకం సమస్యతో బాధపడుతుంటే మీ ఆహారంలో పచ్చి కొత్తిమీరను చేర్చండి. పచ్చి కొత్తిమీరను మజ్జిగలో కలిపి తాగడం వల్ల ఉదర సంబంధిత సమస్యలు తొలగిపోతాయి. మలబద్దకం అనే సమస్య ఉండనే ఉండదు.
డయాబెటిస్ ఉన్నవారికి ప్రయోజనకరం
డయాబెటీస్ ఉన్నవారికి పచ్చి కొత్తిమీర ఎంతో ప్రయోజకరంగా ఉంటుంది. అవును రోజూ కొంచెం పచ్చికొత్తిమీరను తింటే రక్తంలో చక్కెర స్థాయిలు అదుపులో ఉంటాయి. దీంతో రక్తంలో ఇన్సులిన్ పరిమాణం నియంత్రణలో ఉంటుంది.
కొలెస్ట్రాల్ నియంత్రణ
శరీరంలో కొలెస్ట్రాల్ లెవెల్స్ పెరిగిపోవడం ఆరోగ్యానికి అస్సలు మంచిది కాదు. ఎందుకంటే ఇది గుండెపోటుతో పాటుగా ఎన్నో ప్రాణాంతక రోగాలకు దారితీస్తుంది. అయితే కొలెస్ట్రాల్ లెవెల్స్ ను తగ్గించడానికి పచ్చి కొత్తిమీర బాగా సహాయపడుతుంది. పచ్చి కొత్తిమీరలో ఉండే మూలకం కొలెస్ట్రాల్ ను తగ్గించడానికి సహాయపడుతుందని నిపుణులు చెబుతున్నారు. కొలెస్ట్రాల్ ను తగ్గించుకోవడానికి పచ్చి కొత్తిమీరతో పాటుగా ధనియా వాటర్ ను కూడా తాగొచ్చు.
కళ్ల ఆరోగ్యం
పచ్చికొత్తిమీర మన కళ్లను ఆరోగ్యంగా ఉంచేందుకు కూడా బాగా సహాయపడుతుంది. దీనిలో విటమిన్ -ఎ పుష్కలంగా ఉంటుంది. పచ్చి కొత్తిమీర తినడం వల్ల కళ్లు ఆరోగ్యంగా ఉంటాయి. అలాగే కంటిచూపు కూడా బాగా పెరుగుతుందని నిపుణులు అంటున్నారు.
మూత్ర సమస్యలు
మగవారితో పోలిస్తే ఆడవారికే మూత్ర సమస్యలు ఎక్కువగా ఉంటాయి. అయితే పచ్చికొత్తిమీరను తింటే మూత్ర సమస్యలు చాలా వరకు తగ్గిపోతాయి. పచ్చి కొత్తిమీర చలువ చేసే గుణాన్ని కలిగి ఉంటుంది. దీన్ని తినడం వల్ల మూత్రం చికాకు నుంచి ఉపశమనం కలుగుతుంది.
క్యాన్సర్ ప్రమాదాన్ని తగ్గిస్తుంది
పచ్చికొత్తిమీర క్యాన్సర్ ప్రమాదాన్ని కూడా తగ్గించడానికి సహాయపడుతుంది. దీనిలో యాంటీ ఆక్సిడెంట్లు, ఖనిజాలు, విటమిన్-ఎ, విటమిన్ సి లు పుష్కలంగా ఉంటాయి. ఇవన్నీక్యాన్సర్ ప్రమాదాన్ని తగ్గించడంలో చాలా ఎఫెక్టీవ్ గా పనిచేస్తాయి.
మూత్రపిండాల ఆరోగ్యం
పచ్చి కొత్తిమీరలో ఉండే మూలకాలు మూత్రపిండాలను ఆరోగ్యంగా ఉంచడానికి ఎంతగానో సహాయపడతాయని ఆరోగ్య నిపుణులు చెబుతున్నారు. ఆరోగ్యానికి ఎంతో మేలు చేస్తుంది కదా అని దీన్ని మరీ ఎక్కువగా తినకూడదు. ఎప్పుడూ కూడా మోతాదులోనే తినాలి.