Belly Fat పొట్ట చుట్టూ కొవ్వు తగ్గాలంటే.. ఇవి తినాల్సిందే!

ఊబకాయం, బాణ పొట్ట ఈ రోజుల్లో చాలా మంది ఎదుర్కొంటున్న సమస్య. ఇది పొట్ట చుట్టూ అధికంగా కొవ్వు పేరుకుపోవడానికి కారణం అవుతుంది. కొవ్వు పేరుకుపోతే గుండె జబ్బు సహా చాలా ప్రమాదాలకు కారణమవుతుంటాయి. ఒక్కసారి పొట్ట చుట్టూ కొవ్వు పేరుకుపోతే తగ్గించడం చాలా కష్టం. ఈ సమస్య రాకుండా ఉండాలంటే వ్యాయామం ఎంత ముఖ్యమో, తినే ఆహారం కూడా అంతే ముఖ్యం. కఠినమైన డైట్ లేకుండా, కొవ్వును కరిగించే ఆహారాలను మీ డైట్‌లో చేర్చుకుంటే సహజంగానే బరువు తగ్గుతారు.

కొవ్వు నియంత్రించే ఫుడ్

గుడ్లలో ప్రొటీన్ అత్యధికంగా ఉంటుంది. కండరాలు పెరగడానికి, కొవ్వు తగ్గడానికి ఇవి సహాయపడతాయి. ఆకలిని కూడా నియంత్రిస్తాయి. రోజుకు ఒక గుడ్డు తింటే చెడు కొవ్వులు కరుగుతాయి.

బాదం, వాల్‌నట్స్, చియా విత్తనాలు ఆరోగ్యకరమైన కొవ్వులు, ఫైబర్ కలిగి ఉంటాయి. ఆకలిని తగ్గించి, బరువు తగ్గడానికి సహాయపడతాయి.  క్వినోవా, బ్రౌన్ రైస్ వంటి ధాన్యాలు రక్తంలో చక్కెరను నియంత్రిస్తాయి, కొవ్వు నిల్వ చేయడాన్ని నిరోధిస్తాయి.

పాలకూర, కాలే వంటి ఆకుకూరలు శరీరంలోని విషతుల్యాలను బయటకు పంపుతాయి, వాపును తగ్గిస్తాయి, ఎక్కువగా ఆహారాన్ని తినకుండా మనల్ని నియంత్రిస్తాయి. అవకాడోలు రక్తంలో చక్కెర స్థాయిని నియంత్రిస్తాయి, పొట్ట చుట్టూ కొవ్వును తగ్గిస్తాయి. ఎక్కువసేపు కడుపు నిండిన అనుభూతిని ఇస్తాయి.

స్ట్రాబెర్రీ, బ్లూబెర్రీ రక్తంలో చక్కెర స్థాయిని నియంత్రిస్తాయి, తినాలనే కోరికను తగ్గిస్తాయి. రోజుకు ఒక ఆపిల్ తింటే డాక్టర్‌ను కలవాల్సిన అవసరం లేదు అని తెలుసు కదా. ఆపిల్ సైడర్ వెనిగర్ ఆకలిని తగ్గిస్తుంది.

గ్రీక్ పెరుగులో ప్రోటీన్, ప్రోబయోటిక్స్ ఎక్కువ. ఇది జీర్ణక్రియకు సహాయపడుతుంది, ప్రేగు ఆరోగ్యాన్ని కాపాడుతుంది. సాల్మన్, మాకేరెల్ చేపలలో ఒమేగా-3 ఫ్యాటీ యాసిడ్స్ ఎక్కువ. ఇవి వాపును తగ్గిస్తాయి, కొవ్వును కరిగిస్తాయి. గ్రీన్ టీలో యాంటీఆక్సిడెంట్లు ఉన్నాయి, ఇవి కొవ్వును కరిగించడానికి సహాయపడతాయి. బెల్లి ఫ్యాట్ ఉన్నవాళ్లు రోజు తాగొచ్చు.