ఉడకపెట్టిన తర్వాత.. కోడిగుడ్డును ఎంత సేపటిలో తినేయాలి..? ఉడకపెట్టిన తర్వాత ఎన్ని గంటలు కోడిగుడ్డు తాజాగా ఉంటుంది..? ఈ విషయాలు మీకు తెలుసా? దీని గురించి నిపుణులు మనకు ఏం చెబుతున్నారో తెలుసుకుందాం..
కోడిగుడ్డు ఆరోగ్యానికి చాలా మంచిది. ఈ విషయం గురించి స్పెషల్ గా చెప్పక్కర్లేదు.ఎగ్ ప్రోటీన్ కి మంచి సోర్స్. దీనిని ఎలాగైనా తీసుకోవచ్చు. అయితే.. ఉడకపెట్టిన గుడ్డు తీసుకుంటే.. ఇంకాస్త మంచిది. అందుకే.. ప్రతిరోజూ కనీసం ఒక్కటైనా ఉడకపెట్టిన గుడ్డు తినాలి అని మనకు నిపుణులు కూడా చెబుతూ ఉంటారు. అయితే.. ఉడకపెట్టిన తర్వాత.. కోడిగుడ్డును ఎంత సేపటిలో తినేయాలి..? ఉడకపెట్టిన తర్వాత ఎన్ని గంటలు కోడిగుడ్డు తాజాగా ఉంటుంది..? ఈ విషయాలు మీకు తెలుసా? దీని గురించి నిపుణులు మనకు ఏం చెబుతున్నారో తెలుసుకుందాం..
కోడిగుడ్డు ఉడికించిన వెంటనే మనం ఏం చేస్తాం...? ముందుగా దానిపైన ఉన్న షెల్ ని తీసేస్తాం. అయితే.. అలా షెల్ తీసి ఉంచడం వల్ల.. గుడ్డుకు గాలి తగిలి.. హానికరమైన సూక్ష్మజీవులు దానిమీద చేరిపోతాయట. అందుకే.. పైన షెల్ తీసివేయగానే వీలైనంత తొందరగా దానిని తినేయాలి. లేదు అంటే.. దానిని ఫ్రిడ్జ్ లో స్టోర్ చేయడం మంచిది అని నిపుణులు చెబుతున్నారు.
ఉడికించిన తర్వాత.. ఫ్రిడ్జ్ లో నిల్వ చేయడం వల్ల.. బ్యాక్టీరియా పెరుగుదల చాలా తక్కువగా ఉంటుంది. ఎందుకంటే ప్రమాదకరమైన బ్యాక్టీరియా 40°F (4°C) కంటే తక్కువ ఉష్ణోగ్రతలలో నెమ్మదిగా పెరుగుతుంది.కాబట్టి.. అప్పుడు కాస్త ఆలస్యంగా తిన్నా ఎలాంటి హాని ఉండదు. ఉడికించిన గుడ్లను రెండు గంటల కంటే ఎక్కువ సేపు గదిఉష్ణోగ్రత వద్ద ఉంచకూడదట. రెండు గంటల్లో తింటే ఏం కాదు. అలా కాదు అంటే.. వాటిని ఫ్రిడ్జ్ లో స్టోర్ చేసుకోవడమే ఉత్తమమైన పద్దతి.
ఫ్రిడ్జ్ లో ఉంచినా కూడా కొన్ని జాగ్రత్తలు తీసుకోవాలి. వాటిని గాలి చొరబడని కంటైనర్‌లో నిల్వ చేయడం కూడా మంచిది. ఫ్రిజ్‌ని తరచుగా తెరవడం , మూసివేయడం వలన ఈ ప్రదేశంలో ఉష్ణోగ్రతలు మారవచ్చు.
లేదు.. మేము ఫ్రిడ్జ్ లో పెట్టాలి అనుకోవడం లేదు అంటే.. తినడానికి ముందు లేదంటే... కూరలో వేసే ముందు వరకు.. గుడ్డు పై షెల్ తీయకూడదు. తినడానికి ముందు తీసుకుంటే అప్పుడు ఎలాంటి భయం ఉండదు. షెల్ తీయనంత వరకు హెల్దీగానే ఉంటుంది. షెల్ తీసేసిన తర్వాత మాత్రం వెంటనే తినేయడం ఉత్తమం.