రోజూ పప్పు అన్నం తింటే ఏమౌతుంది..?
First Published May 6, 2024, 4:04 PM ISTయాంటీఆక్సిడెంట్స్, ఫ్యాట్స్, ప్రోటీన్స్, విటమిన్ ఏ, విటమిన్ డి, విటమిన్ ఈ పుష్కలంగా ఉ:టాయి. ఇవి కాకుండా చాలా విటమిన్లు, మినరల్స్ కూడా ఇందులో ఉన్నాయి.
యాంటీఆక్సిడెంట్స్, ఫ్యాట్స్, ప్రోటీన్స్, విటమిన్ ఏ, విటమిన్ డి, విటమిన్ ఈ పుష్కలంగా ఉ:టాయి. ఇవి కాకుండా చాలా విటమిన్లు, మినరల్స్ కూడా ఇందులో ఉన్నాయి.
మన ప్లేట్ లో ఎన్ని రకాల కూరలు ఉన్నా... పప్పు తింటే కలిగే అనుభూతి వేరు అనే చెప్పాలి. ముఖ్యంగా భారతీయుల్లో చాలా మందికి పప్పు తప్ప భోజనం చేసిన ఫీలింగ్ ఉండదు. అది కూడా వేడి వేడి అన్నంలో పప్పు, నెయ్యి కలుపుకొని తింటే మరింత కమ్మగా ఉంటుంది. రుచి మాత్రమే కాదు.. పప్పు వల్ల మనకు చాలా ఆరోగ్య ప్రయోజనాలుకూడా ఉన్నాయి. మరి... ఇదే పప్పును రోజూ తింటే ఏమౌతుందో చూద్దాం...
నిపుణుల ప్రకారం, పప్పు, అన్నం కాంబినేషన్ చాలా అద్భుతంగా ఉంటుంది. ఎందుకంటే దీనిలో యాంటీఆక్సిడెంట్స్, ఫ్యాట్స్, ప్రోటీన్స్, విటమిన్ ఏ, విటమిన్ డి, విటమిన్ ఈ పుష్కలంగా ఉ:టాయి. ఇవి కాకుండా చాలా విటమిన్లు, మినరల్స్ కూడా ఇందులో ఉన్నాయి. కందిపప్పులో చాలా రకాల విటమిన్లు, 9 రకాల అమినో యాసిడ్స్ ఉంటాయి.
కేవలం కందిపప్పు లో మాత్రమే కాదు... అన్ని రకాల పప్పుల్లో చాలా పోషకాలు ఉంటాయి. పప్పులో లైసిన్ ఉంటుంది, బియ్యంలో సల్ఫర్ ఆధారిత అమైనో ఆమ్లాలు మెథియోనిన్ , సిస్టీన్ ఉంటాయి. రెండూ కలిస్తే అవసరమైన అమైనో ఆమ్లాలు లభిస్తాయి.
ఇక ఈ పప్పు అన్నాన్ని రోజూ తినడం వల్ల కూడా ఎలాంటి నష్టం లేదు. ఎందుకంటే పప్పులు, బియ్యం చాలా తేలికైన ఆహారం. అందువల్ల తేలికగా జీర్ణమవుతుంది. అన్నం ప్రోబయోటిక్, ఇది మీ పేగు ఆరోగ్యాన్ని బలపరుస్తుంది. దీని కారణంగా మీరు జీర్ణక్రియకు సంబంధించిన ఫిర్యాదులను కలిగి ఉండరు.
పప్పు అన్నం మీ బరువు తగ్గించే ప్రయాణంలో మీకు సహాయపడుతుంది, ఎందుకంటే ఇందులో ప్రోటీన్, ఫైబర్ వంటి అవసరమైన పోషకాలు పుష్కలంగా ఉంటాయి. ఇది చాలా తేలికైన ఆహారం, ఇది మీ కడుపుని చాలా కాలం పాటు నిండుగా ఉంచుతుంది. మీకు అనారోగ్యకరమైన ఆహారం పట్ల కోరిక ఉండదు.
పప్పు బియ్యంలో ప్రోటీన్, కాల్షియం , ఇతర ముఖ్యమైన పోషకాలు పుష్కలంగా ఉంటాయి, ఇవి కండరాలను నిర్మించడంలో సహాయపడతాయి. ఇది ఎముకలను దృఢంగా చేస్తుంది. కాబట్టి.. దీనిని రోజూ పిల్లలకు పెట్టినా కూడా మంచిదే.