బ్లడ్ షుగర్ నుంచి గుండె ఆరోగ్యం వరకు.. కాకరకాయతో ఎన్ని లాభాలున్నాయో..!
First Published | Sep 16, 2023, 12:32 PM ISTచాలా మంది కాకరకాయను తినడానికి అస్సలు ఇష్టపడరు. ఎందుకంటే ఇది చేదుగా ఉంటుందని. కానీ ఇది మన ఆరోగ్యానికి ఎంతో మేలు చేస్తుందని.
☰
సాధారణంగా కాకరకాయ చేదుగా ఉంటుంది. కానీ దీనిలో ఎన్నో ఆరోగ్య ప్రయోజనాలు దాగున్నాయి. ఈ కూరగాయలో మన ఆరోగ్యానికి మేలు చేసే ఖనిజాలు పుష్కలంగా ఉంటాయి. కాకరకాయ మధుమేహులకు ఎంతో ప్రయోజనకరంగా ఉంటుంది. దీన్ని తినడం వల్ల రక్తంలో చక్కెర స్థాయిలు నియంత్రణలో ఉంటాయి.
కాకరకాయలో విటమిన్ సి, పొటాషియం వంటి ఎన్నో రకాల పోషకాలు పుష్కలంగా ఉంటాయి. ఇది జీవక్రియకు సహాయపడుతుంది. దీనిలో ఉండే శక్తివంతమైన యాంటీ ఆక్సిడెంట్లు ఆక్సీకరణ ఒత్తిడి, మంటను తగ్గించడానికి సహాయపడతాయి. కాకరకాయను రోజూ తినడం వల్ల ఎలాంటి ఆరోగ్య ప్రయోజనాలు కలుగుతాయో ఇప్పుడు తెలుసుకుందాం..
Latest Videos
రక్తంలో చక్కెర నియంత్రణ
కాకరకాయలో ఎన్నో ఔషదగుణాలుంటాయి. ఈ కూరగాయ డయాబెటీస్ పేషెంట్లకు ఎంతో ప్రయోజకరంగా ఉంటుంది. కాకరకాయలోని లక్షణాలు రక్తంలో చక్కెర స్థాయిలను నియంత్రణలో ఉంచుతాయి. మధుమేహులు కాకరకాయ జ్యూస్ ను తాగితే బ్లడ్ షుగర్ పెరిగే అవకాశం ఉండదని ఆరోగ్య నిపుణులు చెబుతున్నారు.
bitter gourd
క్యాన్సర్
కాకరకాయ కూడా క్యాన్సర్ ప్రమాదాన్ని తగ్గించడానికి ఎంతో సహాయపడుతుంది. దీనిలో మన చర్మానికి అవసరమైన విటమిన్ సి పుష్కలంగా ఉంటుంది. అంతేకాదు దీనిలో శరీర మంటను తగ్గించే, యూవీ కిరణాల వల్ల కలిగే గాయాల నుంచి చర్మాన్ని రక్షించే సమ్మేళనాలు కూడా పుష్కలంగా ఉంటాయి.
గుండె ఆరోగ్యం
గుండెకు మేలు చేసే ఆహారాల్లో కాకరకాయ ఒకటి. ఎందుకంటే ఇది గుండెను హాని చేసే చెడు కొలెస్ట్రాల్ స్థాయిలను తగ్గించడానికి సహాయపడుతుంది. చెడు కొలెస్ట్రాల్ గుండెపోటు, స్ట్రోక్ వచ్చే ప్రమాదాన్ని పెంచుతుంది. కాకరకాయలో ఎక్కువ మొత్తంలో ఉండే పొటాషియం రక్తపోటును నియంత్రిస్తుంది.
వెయిట్ లాస్
కాకరకాయలో కేలరీలు తక్కువగా, ఫైబర్ కంటెంట్ ఎక్కువగా ఉంటుంది. ఇది బరువు తగ్గడానికి ఎంతగానో సహాయపడుతుంది. కాకరకాయలోని ఫైబర్ కంటెంట్ కడుపును తొందరగా నింపుతుంది. దీంతో మీరు అతిగా తినే అవకాశం ఉండదు.
జీర్ణవ్యవస్థకు మంచిది
కాకరకాయ ఎన్నో జీర్ణసమస్యలను తగ్గిస్తుంది. దీన్ని తీసుకోవడం వల్ల విరేచనాలు, మలబద్దకం వంటి అన్ని రకాల జీర్ణ సమస్యలు తగ్గిపోతాయి. కాకరకాయ మన జీర్ణవ్యవస్థను, గట్ ను ఆరోగ్యంగా ఉంచుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిclick me!