ఈ చల్లదానన్ని ఏసీల రూపంలో కాదు.. ఆహారం రూపంలో తీసుకుంటే ఆరోగ్యంగా ఉంటాం. అలా మనల్ని మండే ఎండల్లో సోంపు చల్లగా ఉంచుతుంది. శరీరాన్ని చల్లపరచడమే కాకుండా.. అనేక ఇతర ప్రయోజనాలను కూడా అందిస్తుంది.
బయట ఎండలు మండిపోతున్నాయి. ఆ మధ్య రెండు, మూడు సార్లు వర్షాలు పడితే.. ఇక ఎండ బాధ తప్పినట్లే అనుకున్నాం. కానీ.. మళ్లీ ఎండలు బాగా పెరిగిపోయాయి. ఈ ఎండల్లో బయటకు వెళితే... సన్ స్ట్రోక్ రావడం ఖాయం. అయితే... ఇంత ఎండల్లో మన శరీరం కాస్త చల్లదనాన్ని కోరుకుంటుంది. అయితే... ఈ చల్లదానన్ని ఏసీల రూపంలో కాదు.. ఆహారం రూపంలో తీసుకుంటే ఆరోగ్యంగా ఉంటాం. అలా మనల్ని మండే ఎండల్లో సోంపు చల్లగా ఉంచుతుంది. శరీరాన్ని చల్లపరచడమే కాకుండా.. అనేక ఇతర ప్రయోజనాలను కూడా అందిస్తుంది.
సోంపు వాటర్ తాగినా, లేక సోంపు తిన్నా.. అది శరీరంలో ఉష్ణోగ్రతలను తగ్గిస్తుంది. వేడిని కూడా నివారిస్తుంది. చాలా మంది ఆహారం కొంచెం తిన్నా కూడా.. అరుగుదల సమస్యలతో ఇబ్బంది పడుతూ ఉంటారు. అలాంటివారు రోజూ ఈ సోంపుని మరిగించిన నీరు లేదంటే. రాత్రి సోంపు గింజలను నానపెట్టిన నీటిని తీసుకోవడం అలవాటు చేసుకోవాలి. అలా చేయడం వల్ల.. వారిలో అరుగుదల సమస్యలు తగ్గిపోతాయి. తీసుకున్న ఆహారం సులభంగా జీర్ణమౌతుంది.
చాలా మంది బరువు తగ్గేందుకు ఏవేవో ప్రయత్నాలు చేస్తూ ఉంటారు. కానీ.. ఈ సోంపు వాటర్ తాగితే సులభంగా బరువు కూడా తగ్గొచ్చు అనే విషయం చాలా మందికి తెలీదు. ఈ సోంపు వాటర్ లో క్యాలరీలు చాలా తక్కువగా ఉంటాయి. మనకు ఫుడ్ క్రేవింగ్స్ ని కంట్రోల్ చేయడానికి సహాయపడుతుంది. అంతేకాదు.. రోజూ ఉదయాన్నే ఈ సోంపు వాటర్ తాగడం వల్ల... ఇది మంచి డీటాక్సిక్ డ్రింక్ గా సహాయపడుతుంది. శరీరంలోని టాక్సిన్స్ అన్నింటినీ తొలగిండచంలో కీలక పాత్ర పోషిస్తుంది. రెగ్యులర్ గా తాగడం వల్ల.. బరువు తగ్గడం చాలా సులభం అవుతుంది.
ఈ రోజుల్లో ఎలాంటి ఆరోగ్య సమస్యలు రాకుండా ఉండాలన్నా.. ఏవైనా వచ్చినా వాటిని తట్టుకోవాలంటే మనకు ఇమ్యూనిటీ పవర్ చాలా ముఖ్యం. ఈ రోగనిరోధక శక్తిని మనకు ఈ సోంపు వాటర్ అందిస్తాయి. సీజనల్ గా పిల్లలు, పెద్దలకు వచ్చే జలుబు, ఫ్ల్లూ వంటివి రాకుండా ఆపడంలో,. ఈ సోంపు వాటర్ కీలకంగా పని చేస్తుంది. అంతేకాదు చాలా రకాల ఇన్ఫెక్షన్ల నుంచి దూరంగా ఉంచుతుంది.
నోరు శుభ్రపరచడానికి కాకుండా.. ఆరోగ్యానికి మేలు చేసే ఈ సోంపు షర్బత్ ని కనుక మీరు తాగితే ఎండ వేడిని ఇట్టే తరిమి కొట్టొచ్చు. అదెలా తయారు చేయాలో ఇప్పుడు చూద్దాం..
సోంపు షర్బత్ తయారీకి కావాల్సిన పదార్థాలు..
ఫెన్నెల్( సోంపు) సిరప్
ఫెన్నెల్ సగం కప్పు
రుచికి చక్కెర
నిమ్మరసం 2 టీస్పూన్లు
పుదీనా ఆకులు
రుచికి నల్ల ఉప్పు
ఐస్ క్యూబ్స్
ఒకటి నుండి రెండు గ్లాసుల చల్లటి నీరు
తయారీ విధానం..
షర్బత్ చేయడానికి, సోపును నీటిలో నానబెట్టి బాగా కడగాలి.
సోపును శుభ్రం చేసిన తర్వాత నీటిలో నానబెట్టి 2-3 గంటలు అలాగే ఉంచాలి.
సోపు నానినప్పుడు దాని నీటిని వేరు చేసి మిక్సీలో మెత్తగా రుబ్బుకోవాలి.
మిక్సీలో సోపు మెత్తగా కాగాక అందులో నల్ల ఉప్పు, పంచదార, పుదీనా ఆకులు, నీళ్లు పోసి మెత్తగా రుబ్బుకోవాలి.
ఒక పాత్రలో పేస్ట్ తీసి, అవసరమైనంత నీరు పోసి, ఐస్ క్యూబ్స్, నిమ్మరసం, పుదీనా ఆకులు వేసి అందరికీ అందించండి.
సోంపు సాధారణంగా కాకుండా,... ఈ షర్బత్ రూపంలో తీసుకుంటే... మీకు కొత్త రుచిని పొందిన అనుభూతితో పాటు.. ఆరోగ్యాన్ని కూడా మెరుగుపరుచుకోవచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి