ఈ ఎండల్లో మనం ఎన్ని నీళ్లు తాగినా కూడా బాడీ డీ హైడ్రేట్ అయిపోతూ ఉంటుంది. కచ్చితంగా మనం మన బాడీని హైడ్రేటెడ్ గా ఉంచుకోవాలి. అలా మనల్ని హైడ్రేటెడ్ గా ఉంచడంలో ఒక డ్రింక్ మాత్రం కచ్చితంగా తాగాలి.
భారత్ లో ప్రస్తుతం ఎండలు మండుతున్నాయి. ఇంట్లో ఉన్నవాళ్ల సంగతి పర్లేదు కానీ... రోజూ ఆఫీసు పనిమీద బయటకు వెళ్లేవారు మాత్రం.. ఆ ఎండల వేడిని తట్టుకోలేకపోతున్నారు. ఏప్రిల్ లోనే ఇంతలా ఎండలు ఉన్నాయి అంటే.. మేలో ఇంకా ముదిరిపోయే ప్రమాదం ఉంది. అంతేకాదు.. ఈ ఎండల్లో మనం ఎన్ని నీళ్లు తాగినా కూడా బాడీ డీ హైడ్రేట్ అయిపోతూ ఉంటుంది. కచ్చితంగా మనం మన బాడీని హైడ్రేటెడ్ గా ఉంచుకోవాలి. అలా మనల్ని హైడ్రేటెడ్ గా ఉంచడంలో ఒక డ్రింక్ మాత్రం కచ్చితంగా తాగాలి.
అదేంటో కాదు బేల్ పండు. దీనినే వుడ్ యాపిల్ అని కూడా పిలుస్తారు. తెలుగులో దీనిని మారేడుకాయ అని కూడా అంటారు. ఈ పండు లో చాలా మెడికల్ ప్రాపర్టీలు ఉంటాయట. ఇక ఈ జ్యూస్ తాగడం వల్ల చాలా ప్రయోజనాలు ఉన్నాయట.అవేంటో ఇప్పుడు చూద్దాం..
ఈ పండు జ్యూస్ ఎలా చేయాలో ఇప్పుడు చూద్దాం..
ముందు ఈ పండును కట్ చేసి... దానిలోని పల్ప్ ని స్పూన్ సహాయంతో బయటకు తీయాలి. ఆ పల్ప్ లో నుంచి గింజలు మొత్తం బయటకు తీయాలి. గింజలు చేదుగా ఉంటాయి కాబట్టి... వాటిని తీసేసి..మిగిలిన పల్ప్ ని స్మాష్ చేయాలి.
ఈ పల్ప్ లో కొద్దిగా చల్లటి నీరు పోసి.. మరోసారి బ్లెండ్ చేయాలి. ఇప్పుడు ఈ మిశ్రమాన్ని చక్కగా. .. వడబోసుకోవాలి. లేదు.. మాకు ఫైబర్ కావాలి అంటే.. పల్ప్ కూడా తీసుకోవచ్చు. లేదుంటే.. వడబోసుకుంటే సరిపోతుంది. రుచికోసం కావాలంటే పంచదార లేదంటే.. తేనె కలుపుకోవచ్చు. ఇదే జ్యూస్ లో చిటికెడు బ్లాక్ సాల్ట్ వేసుకొని సర్వ్ చేసుకున్నా... రుచి అద్భుతంగా ఉంటుంది. మరి ఈ జ్యూస్ తాగడం వల్ల కలిగే లాభాలేంటో ఓసారి చూద్దాం...
ఈ పండులో విటమిన్ సీ, యాంటీ ఆక్సిడెంట్స్ పుష్కలంగా ఉంటాయి. ఈ జ్యూస్ తాగడం వల్ల మన శరీరంలో కొలాజిన్ ఉత్పత్తి మెరుగౌతుంది. చర్మం మెరిసిపోయేలా చేస్తుంది.
అంతేకాదు.. వీటిలో యాంటీ ఇన్ ఫ్లమేటరీ ప్రాపర్టీలు కూడా పుష్కలంగా ఉంటాయి. ఇవి.. చర్మాన్ని చాలా మృదువుగా మారుస్తాయి. చర్మంపై ఉన్న రెడ్ నెస్ ని తగ్గించేస్తాయి. మొటిమల సమస్యలను కూడా తగ్గించేస్తాయి.
ఈ డ్రింక్ లో ఫైబర్ ఎక్కువగా ఉంటుంది. జీర్ణ సమస్యలను తగ్గిస్తుంది. టాక్సిన్స్ ను తొలగించడంలో సహాయపడుతుంది.మొత్తం శరీరం ఆరోగ్యంగా ఉండటానికి సహాయపడుతుంది. అంతేకాకుండా షుగర్ లెవల్స్ ని కూడా కంట్రోల్ చేయడంలో సహాయపడుతుంది.