విత్తనాలు, గింజల్లో మన ఆరోగ్యానికి మేలు చేసే ఎన్నో రకాల పోషకాలుంటాయి. అందుకే గుమ్మడి గింజలతో పాటుగా చాలా మంది పొద్దు తిరుగుడు విత్తనాలను కూడా తింటుంటారు. కానీ వీటిని తింటే ఏమౌతుందో తెలుసా?
ఆరోగ్యకరమైన ఆహారాలే మనల్ని ఆరోగ్యంగా ఉంచడంలో కీలక పాత్ర పోషిస్తాయి. ఈ రోజుల్లో ప్రతి ఒక్కరూ ఆరోగ్యం గురించి ఎన్నో జాగ్రత్తలు తీసుకుంటున్నారు. ఆరోగ్యంగా ఉండటానికి హెల్తీ ఫుడ్ ను తింటున్నారు. మన ఆరోగ్యానికి మేలు చేసే ఆహారాల్లో పొద్దు తిరుగుడు విత్తనాలు ఒకటి.
ఈ పొద్దు తిరుగుడు విత్తనాల్లో ఎన్నో రకాల పోషకాలుంటాయి. ఇవి మనల్ని ఎన్నో అనారోగ్య సమస్యలకు దూరంగా ఉంచడానికి బాగా సహాయపడతాయి. అసలు ఈ విత్తనాలను తినడం వల్ల మన ఆరోగ్యానికి ఎలాంటి మేలు జరుగుతుందో ఇప్పుడు తెలుసుకుందాం పదండి.
పొద్దు తిరుగుడు గింజల పోషకాలు
ఈ పొద్దు తిరుగుడు గింజల్లో ఒకటి కాదు రెండు ఎన్నో రకాల పోషకాలుంటాయి. ఈ గింజల్లో విటమిన్ బి 6, విటమిన్ సి, విటమిన్ డి, విటమిన్ ఇ, కాల్షియం, రాగి, ఇనుము, ఫైబర్, జింక్, భాస్వరంతో పాటుగా ఎన్నో ముఖ్యమైన పోషకాలు పుష్కలంగా ఉంటాయి. ఈ పొద్దు తిరుగుడు గింజల్ని తినడం వల్ల మన శరీరానికి ఈ పోషకాలన్నీ అందుతాయి. దీంతో మనం ఎన్నో ఆరోగ్య ప్రయోజనాలను పొందుతాం.
ఎముక ఆరోగ్యం
ఈ రోజుల్లో చాలా మంది బలహీనమైన ఎముకలు, బోలు ఎముకల వ్యాధి వంటి ఎముకలకు సంబంధించిన సమస్యలతో బాధపడుతున్నారు. అయితే పొద్దు తిరుగుడు విత్తనాలను తింటే ఎముకలు బలంగా, ఆరోగ్యంగా ఉంటాయి. ఈ విత్తనాల్లో ఉండే విటమిన్ డి, కాల్షియం ఎముకలను బలంగా ఉంచుతాయి. అలాగే ఎముకల ఎదుగుదలకు సహాయపడతాయి.
ఇమ్యూనిటీ పవర్
పొద్దు తిరుగుడు విత్తనాలు మన రోగనిరోధక శక్తిని పెంచడానికి కూడా సహాయపడతాయి. ఈ విత్తనాల్లో విటమిన్ ఇ, సెలీనియం, జింక్ పుష్కలంగా ఉంటాయి. ఇవన్నీ మన శరీరంలో రోగనిరోధక కణాలను నిర్మించడానికి, వాటిని నిర్వహించడానికి బాగా సహాయపడతాయి. ఈ పొద్దుతిరుగుడు విత్తనాల్లో ఉడే ఫైటోకెమికల్స్ మనల్ని వైరల్ వ్యాధుల నుంచి రక్షిస్తాయి.
గర్భిణులకు ప్రయోజనకరం
పొద్దు తిరుగుడు విత్తనాలు గర్భిణులకు కూడా ఎంతో ప్రయోజనకరంగా ఉటాయి. ఈ విత్తనాల్లో ఉండే ఐరన్, విటమిన్ ఇ, సెలీనియం, జింక్ లు బిడ్డ మొత్తం ఆరోగ్యానికి, ఎదుగుదలకు సహాయపడతాయి.
క్యాన్సర్ ను నివారిస్తుంది
పొద్దు తిరుగుడు విత్తనాల్లో ఎన్నో ఔషద లక్షణాలు ఉంటాయి. ఇవి మనల్ని ఎన్నో ప్రమాదకరమైన జబ్బులకు దూరంగా ఉంచడానికి సహాయపడతాయి. పొద్దుతిరుగుడు విత్తనాలలో ఉండే బీటా సిటోస్టెరేస్ యాంటీఆక్సిడెంట్ లక్షణాలను కలిగి ఉంటుంది. ఇది రొమ్ము క్యాన్సర్ తో పాటుగా ఎన్నో రకాల క్యాన్సర్లను నివారించడానికి ఎంతగానో సహాయపడుతుంది.
గుండె ఆరోగ్యం
పొద్దు తిరుగుడు విత్తనాలు కూడా గుండెను ఆరోగ్యంగా ఉంచడానికి బాగా సహాయపడతాయి. ఈ పొద్దు తిరుగుడు గింజల్లో ఉండే మెగ్నీషియం అధిక రక్తపోటునే కాదు శరీరంలో పేరుకుపోయిన కొలెస్ట్రాల్ ను తగ్గించడానికి కూడా సహాయపడుతుంది. ఈ విత్తనాల్ని తింటే గుండె జబ్బుల ప్రమాదం తగ్గుతుంది.
చర్మ ఆరోగ్యం
పొద్దు తిరుగుడు విత్తనాలు చర్మాన్ని ఆరోగ్యంగా ఉంచడానికి కూడా బాగా సహాయపడతాయి. ఈ విత్తనాల్లో ఉండే విటమిన్ ఇ ఫ్రీ రాడికల్ డ్యామేజ్ ను తగ్గించడానికి బాగా సహాయపడతాయి. ఈ విత్తనాలు వృద్ధాప్య సంకేతాలను చాలా వరకు తగ్గిస్తాయి. అలాగే చర్మాన్ని ప్రకాశవంతంగా మెరిసేలా చేస్తాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి