Garlic Chicken: మీకిష్టమైన వాళ్లకి ఈ చికెన్ రెసిపీ చేసి పెట్టండి..తిన్న వెంటనే ఫిదా అయిపోతారు

Garlic Chicken: ఎప్పుడూ అదే చికెన్ ఫ్రై, చికెన్ కర్రీ ఏం తింటారు. బ్యాచ్‍లర్స్ అయినా, ఎవరైనా సరే..ఈజీగా చేసుకునే ఈ గార్లిక్ చికెన్ ట్రై చేయండి. మూడంటే మూడే పదార్థాలతో దీన్ని తయారు చేసేయొచ్చు. మీకిష్టమైన వాళ్లకి చేసి పెట్టండి ఫిదా అయిపోతారు. 

తిన్న వెంటనే ఫిదా అయిపోతారు పక్కా..

నాన్ వెజ్ లవర్స్ ఎవరైనా ఉంటే ఈ రెసిపీ ఒక్కసారి ట్రై చేయండి. బ్యాచ్‍లర్స్ అని, వంటరాదని కంగారు పడకండి. ఎవరైనా సరే సింపుల్‍గా చేసుకోవచ్చు. అలా అని మార్కెట్లో దొరికే అన్ని మసాలాలు వాడక్కర్లేదు. జస్ట్ మూడు పదార్థాలు మీ వంటింట్లో ఉంటే చాలు..అదిరిపోయే రెస్టారెంట్ స్టైల్ గార్లిక్ చికెన్ రెడీ. 10 నిమిషాల్లో చేసేయొచ్చు. మీకిష్టమైన వాళ్లకి ఇది చేసి పెట్టండి. తిన్న వెంటనే ఫిదా అయిపోతారు. ప్లేట్ ఖాళీ చేసేయడం పక్కా. మళ్లీ మళ్లీ కావాలంటారు.

గార్లిక్ చికెన్‍కు కావాల్సిన పదార్థాలు

చికెన్: 200 గ్రాములు, వెల్లుల్లి: 100 గ్రాములు, కారం: 2 టీస్పూన్లు, వంట నూనె: 1 టీస్పూన్, ఉప్పు: రుచికి సరిపడా.

వెల్లుల్లి చికెన్ చేసే విధానం

ముందుగా చికెన్‌ను గోరువెచ్చని నీటిలో కడిగి, చిన్న ముక్కలుగా కోసి పక్కన పెట్టుకోవాలి. తర్వాత వెల్లుల్లి పొట్టు తీసి కచ్చాపచ్చాగా దంచి పెట్టుకోవాలి.

వెల్లుల్లి

ఇప్పుడు స్టవ్ ఆన్ చేసి బాణలి పెట్టాలి. ఒక టీస్పూన్ నూనె వేయాలి. నూనె వేడెక్కగానే, దంచి పెట్టుకున్న వెల్లుల్లిలో సగం వేయాలి. ఆ తర్వాత, చికెన్ ముక్కలు వేసి మూడు నుంచి నాలుగు నిమిషాలు వేయించుకోవాలి.

రుచికి సరిపడా ఉప్పు

ఇప్పుడు రుచికి సరిపడా ఉప్పు, కారం పొడి వేసి బాగా కలపాలి. మూత పెట్టి రెండు నిమిషాలు ఉడికించాలి. ఈ సమయంలో అస్సలు నీళ్లు పోయకూడదు. అడుగంటకుండా మధ్యమధ్యలో కలుపుతూ ఉండాలి. ఆ తర్వాత మూత తీసి, మిగిలిన వెల్లుల్లి వేసి ఐదు నిమిషాలు వేయిస్తే చాలు.

సాయంత్రం స్నాక్స్ కి మంచి ప్రోటీన్

చివర్లో వేసిన వెల్లుల్లి మంచి రుచిని ఇస్తుంది. దించే ముందు కావాలంటే కొంచెం నిమ్మరసం, సన్నగా తరిగిన కొత్తిమీర వేసి సర్వ్ చేయండి. సాయంత్రం స్నాక్స్‌గా తింటే మంచి ప్రోటీన్ కూడా అందుతుంది. మీకు నచ్చితే చికెన్ మసాలా, పసుపు కూడా వేసుకోవచ్చు. అది పూర్తిగా మీ ఇష్టం. రెసిపీ చెప్తుంటేనే నోరూరిపోతుంది. మీరు ఒకసారి ట్రై చేసేయండి.