Vijay vs Ajith రీరిలీజ్ సినిమాలతో మళ్లీ మొదలైన ఫ్యాన్ వార్

 Vijay vs Ajith:  సౌత్  సినిమాలో విజయ్ దళపతి, అజిత్‌  కుమార్ లకు  భారీ ఫ్యాన్ బేస్ ఉంది. వీరి సినిమాలు బ్లాక్ బస్టర్ హిట్ అవ్వడం మాత్రమే కాదు  రీ-రిలీజ్ అయ్యి మళ్ళీ వసూళ్ళ వేట సాగించిన సినిమాలు చాలా ఉన్నాయి. వాటి గురించి ఇప్పుడు చూద్దాం. 

మంకాత సినిమా

 Vijay vs Ajith:  2011లో వెంకట్ ప్రభు దర్శకత్వంలో వచ్చిన మాస్ సినిమా మంకాత. త్రిష హీరోయిన్‌గా నటించిన ఈ చిత్రంలో అర్జున్, లక్ష్మీ రాయ్, అంజలి తదితరులు నటించారు. దయానిధి అళగిరి, వివేక్ రత్నవేల్ నిర్మాతలు. ఈ సినిమా అజిత్ పుట్టినరోజు సందర్భంగా రీ-రిలీజ్ అయ్యింది.

బిల్లా సినిమా

అజిత్ కెరీర్‌లో బిగ్ బ్రేక్ ఇచ్చిన సినిమాల్లో బిల్లా ఒకటి. 2007లో విడుదలైన ఈ చిత్రం 2023 ఏప్రిల్ 25న రీ-రిలీజ్ అయ్యి మంచి ఆదరణ పొందింది. విష్ణువర్ధన్ దర్శకత్వం వహించిన ఈ సినిమాలో ప్రభు, రెహమాన్, నయనతార, నమిత తదితరులు నటించారు. ఎల్. సురేష్, అబ్దుర్రహ్మాన్ నిర్మాతలు.

ధీనా సినిమా

అజిత్ పుట్టినరోజు సందర్భంగా రీ-రిలీజ్ అయిన మరో సినిమా ధీనా. 2001లో ఎ.ఆర్.మురుగదాస్ దర్శకత్వంలో వచ్చిన ఈ చిత్రం 100 రోజులకు పైగా ఆడింది. అజిత్ సరసన లైలా నటించగా, సురేష్ గోపి, బాలాసింగ్, వైష్ణవి, నగ్మా తదితరులు నటించారు. ఈ సినిమా రీ-రిలీజ్‌లో కూడా మంచి ఆదరణ పొందింది.

గిల్లి సినిమా

ఇక విజయ్ సంగతి చూస్తే..  2004లో దర్శకుడు తరణి దర్శకత్వంలో విజయ్ నటించిన సినిమా గిల్లి. తెలుగు లో మహేష్ బాబు నటించిన ఒక్కడు సినిమాకు ఈసినిమా  రీమేక్‌గా తెరకెక్కింది. ఈ సినిమాలో త్రిష హీరోయిన్‌గా నటించింది. విజయ్‌కు 50 కోట్ల వసూళ్లు తెచ్చిపెట్టిన ఈ చిత్రంలో ప్రకాష్ రాజ్ విలన్‌గా నటించారు. ఈ సినిమా రీ-రిలీజ్‌లో 32 కోట్లకు పైగా వసూలు చేసింది.

ఖుషి సినిమా

విజయ్ రెండో రీ-రిలీజ్ సినిమా ఖుషి. ఎస్.జె.సూర్య దర్శకత్వం వహించిన ఈ చిత్రంలో విజయ్, జ్యోతిక జంటగా నటించారు. కాలేజీ ప్రేమకథగా తెరకెక్కిన ఈ చిత్రంలో విజయ్ కుమార్, శిల్పా శెట్టి, ముంతాజ్ తదితరులు నటించారు. మంచి వసూళ్లు సాధించిన ఈ చిత్రం గిల్లి వసూళ్లను అధిగమించలేకపోయింది.

సచిన్ రీ-రిలీజ్

2005లో విడుదలై మంచి ఆదరణ పొందిన విజయ్ సచిన్ సినిమా రీ-రిలీజ్‌కు సిద్ధమైంది. తాను వి క్రియేషన్స్ బ్యానర్‌పై జాన్ మహేంద్రన్ నిర్మించిన ఈ సినిమా,  20 ఏళ్లు పూర్తి చేసుకున్న సందర్భంగా ఏప్రిల్ 18న రీ-రిలీజ్ కానుంది. విజయ్ సరసన జెనీలియా నటించింది. వడివేలు కామెడీ ఈ చిత్రానికి హైలైట్ గా నిలిచింది. 

అయితే ఈ హీరోల సినిమాలు రిలీజ్ అయినప్పుడు ఫ్యాన్ వార్ కామన్ గా జరిగేది. ఇక రీరిలీజ్ ల టైమ్ లో కూడా ఇద్దరు హీరోల ప్యాన్స్ సోసల్ మీడియా వార్ జరుగుతూనే ఉంది. ఒకరిపై మరొకరు ఘాటుగా విమర్శించుకోవడం.. హీరోలను కూడా విమర్శించడం జరిగింది. అటు అజిత్ మాత్రం తన అభిమాన సంఘాలను ఎప్పుడో రద్దు చేశారు.