కాశ్మీర్‌లోని పహల్గాంలో జరిగిన ఉగ్రదాడిపై హీరోయిన్ సాయి పల్లవి చేసిన ట్వీట్ పెద్ద దుమారం రేపింది. నెటిజన్లుపెద్ద ఎత్తున సాయి పల్లవిపై విమర్శలు చేస్తున్నారు. ఇంతకీ ఆమె ఏం ట్వీట్ చేసింది. ? ఎందుకు విమర్శలు వస్తున్నాయి.?
కాశ్మీర్‌లో జరిగిన ఉగ్రదాడిపై సాయి పల్లవి చేసిన ట్వీట్ దుమారం రేపింది. ఉగ్రవాదులను 'మృగసమూహం' అంటూ ట్వీట్ చేయడంతో విమర్శలు వెల్లువెత్తుతున్నాయి.
Also Read: మెగాస్టార్ చిరంజీవి , నాని కాంబినేషన్ లో మిస్ అయిన బ్లాక్ బస్టర్ మూవీ ఏదో తెలుసా?
ట్వీట్‌లో ఆమె, 'పహల్గాం దాడి బాధ, భయం నాకు బాధ కలిగించింది. చరిత్రలో జరిగిన దారుణాల గురించి తెలిసినా, ఇలాంటి అమానుష చర్యలు చూస్తుంటే ఏమీ మారలేదనిపిస్తుంది. ఆ మృగసమూహం (ఉగ్రవాదులు) మిగిలిన చిన్న ఆశను కూడా నాశనం చేసింది' అని పేర్కొన్నారు.
Also Read: సైరా బానుతో విడాకులు, విమర్శలపై ఫస్ట్ టైమ్ నోరు విప్పిన ఏఆర్ రెహమాన్
Also Read: సాయి పల్లవి నుంచి ప్రతీ ఒక్కరు నేర్చుకోవాల్సిన జీవిత పాఠాలు ఏంటో తెలుసా?
ట్వీట్‌ను కొందరు నెటిజన్లు ప్రశంసించగా, మరికొందరు ఆమె గతంలో చేసిన వ్యాఖ్యలను గుర్తు చేస్తూ విమర్శించారు. సోషల్ మీడియాలో సాయి పల్లవిపై వ్యతిరేకత వ్యక్తమవుతోంది. ఈ ఘటన ఆమె సామాజిక బాధ్యతపై చర్చను లేవనెత్తింది. తన అభిప్రాయాలను వ్యక్తం చేసే హక్కు ఆమెకు ఉన్నప్పటికీ, బహిరంగంగా మాట్లాడేటప్పుడు పర్యవసానాల గురించి ఆలోచించాలని కొందరు అభిప్రాయపడ్డారు.
గతంలో కాశ్మీరీ పండిట్ల హత్యలను, పశువుల అక్రమ రవాణాదారుల హత్యలను పోల్చినందుకు సాయి పల్లవి విమర్శలను ఎదుర్కొంది. తన వ్యాఖ్యలకు వివరణ ఇస్తూ, 'మతం పేరుతో జరిగే ఏ హింసనైనా నేను ఖండిస్తున్నాను. హింస ఏ రూపంలోనైనా తప్పు' అని ఆమె చెప్పింది.
Also Read: స్టార్ హీరోయిన్ కు విలన్ గా, ప్రియుడి గా నటించిన చిరంజీవి, ఎవరా నటి?
2022లో ఇచ్చిన ఓ ఇంటర్వ్యూలో, 'పాకిస్థాన్‌లోని ప్రజలు మన సైన్యాన్ని ఉగ్రవాద సంస్థగా భావిస్తారు. కానీ మన దృష్టిలో వారే ఉగ్రవాదులు. కాబట్టి, దృక్కోణం మారుతుంది. మనం హింసను అర్థం చేసుకోలేదు' అని ఆమె వ్యాఖ్యానించింది. ఈ వ్యాఖ్యలకు దేశవ్యాప్తంగా విమర్శలు వెల్లువెత్తాయి. శత్రు దేశ సైన్యంపై దయ చూపకూడదని, వారు మన దేశ శత్రువులని చాలామంది సోషల్ మీడియాలో వ్యాఖ్యానించారు.
ఇప్పుడు, కాశ్మీర్‌లో జరిగిన ఉగ్రదాడిని సాయి పల్లవి తీవ్రంగా ఖండించి, మృతుల కుటుంబాలకు సంతాపం తెలిపారు. ఆమె గత వ్యాఖ్యలను గుర్తుచేసుకుంటూ #BoycottSaiPallavi అనే హ్యాష్‌ట్యాగ్‌ను ట్రెండ్ చేస్తున్నారు. దీంతో ఆమె భవిష్యత్ సినిమాలపై ప్రభావం పడుతుందా అనే ప్రశ్న తలెత్తుతోంది.
Also Read: తినడానికి తిండి లేక పస్తులున్నా, జబర్దస్త్ చమ్మక్ చంద్ర నవ్వుల వెనుక విషాద కథ
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి