గజినీ మూవీలో నటించి తప్పు చేశాను.. చెత్తనిర్ణయం అంటూ.. నయనతార సంచలన వ్యాఖ్యలు.. లేడీ సూపర్ స్టార్ ఎందుకలా అంది

నా జీవితంలో తీసుకున్ చెత్త నిర్ణయం గజినీ సినిమాలో నటించడం అని అన్నారు సౌత్ లేడీ సూపర్ స్టార్ నయనతార. సినియర్ హీరోయిన్ సంచలన వ్యాఖ్యల వెనుక కారణం ఏంటి..? నయన్ ఎందుకు అలా అన్నారు.   

హీరోయిన్ గా హీరోలను మించిన స్టార్ డమ్ చూసింది నయనతార.  40 ఏళ్లకు దగ్గరలోఉన్నా.. ఇప్పటికీ స్టార్ హీరోయిన్ గా కొనసాగుతూనే ఉంది. భారీగా రెమ్యూనరేషన్ లాగుతూ.. వరుస సినిమాలు చేస్తూ.. దూసుకుపోతోంది సీనియర్ బ్యూటీ. తెలుగు, తమిళ భాషల్లో మాత్రమే కాదు.. బాలీవుడ్ లో కూడా తన సత్తా చాటుతోంది బ్యూటీ. జవాన్ సినిమాతో అక్కడ కూడా స్టార్ డమ్ సాధించింది. 

కేరళకు చెందిన నయనతార  అయ్య సినిమాతో హీరోయిన్‌గా అడుగుపెట్టింది. మొదటి సినిమానే సూపర్ హిట్ కొట్టడంతో పాటు.. నటిగా ఆమెకు మంచి పేరు కూడా వచ్చింది.  రజనీతో చంద్రముఖి, విజయ్‌తో శివకాశి, శింబుతో మన్మధ సినిమాలు నయనతారను స్టార్ హీరోయిన్ గా నిలబెట్టాయి. ఈ సినిమాలతో పాటు తెలుగులో వెంకటేష్, నాగార్జున, ఎన్టీఆర్, చిరంజీవిలాంటి స్టార్లతో నటించి సౌత్ స్టార్ గా వెలుగు వెలిగింది నయనతార. తెలుగు,తమిళంతో పాటు. మలయాళం, కన్నడ, హిందీ భాషలను కూడా పాన్ ఇండియా స్థాయిలో నటించింది. 

నయనతారకు 40 ఏళ్లు వస్తున్నప్పటికీ..  టాప్ హీరోయిన్‌గా దూసుకుపోతోంది. 20 ఏళ్లుగా  స్టార్ హీరోయిన్ హోదాను పొందుతూ వస్తోన్న నయనతార వివాదాలకు కేరాఫ్ అడ్రస్ గా నిలిచింది. శింబుతో ప్రేమాయణం.. బ్రేకప్.. ప్రభుదేవాతో పెళ్లి వరకూ వచ్చి వివాదాలు అవ్వడం.. ఇలా నయన్ జీవితంలో ఎన్నో ఒడిదుడుకుల.. ప్రస్తుతం విఘ్నేష్ శివన్ ను పెళ్ళాడిహ్యాపీ లైఫ్ ను లీడ్ చేస్తోంది బ్యూటీ. 

Ghajini

కాగా నాయనతార చేసిన సినిమాల్లో.. తీసుకున్న నిర్ణయాలతో అత్యంత చెత్త నిర్ణయం.. గజినీ సినిమాలో నటించడమే అంటోంది. ఈ లేడీ సూపర్ స్టార్ చేసిన ఈ సంచలన వ్యాఖ్యలు ఇప్పుడు చర్చనీయాంశం అయ్యాయి. నయనతార 2005లో ఏఆర్‌ మురుగదాస్‌ దర్శకత్వంలో వచ్చిన గజిని సినిమాలో చిత్ర పాత్రలో నటించింది. అయితే ఈ పాత్రలో నటించడం  తన జీవితంలో తీసుకున్న చెత్త నిర్ణయమని ఓ పాత ఇంటర్వ్యూలో ఓపెన్‌గా చెప్పింది. ఇప్పుడు మళ్లీ వైరల్‌ అవుతోంది.

ఒక రేడియో స్టేషన్‌కు ఇచ్చిన ఇంటర్వ్యూలో నయనతార మాట్లాడుతూ: “గజినీలో చిత్ర పాత్రను పోషించడం నేను తీసుకున్న చెత్త నిర్ణయం. దర్శకుడు నాకు పాత్ర చెప్పినప్పుడు, ఇది హీరోయిన్‌ పాత్రకు చాలా దగ్గరగా ఉంది. కాని  సినిమాలో  మాత్రం వాళ్లు నాకు చెప్పిన విధంగా పాత్ర రాలేదు. వారు నన్ను చెడుగా చూపించారు. ఇది నన్ను బాధించింది. అంతే కాదు అది నా జీవితంలో ఓ చేదు అనుభవంగా భావిస్తున్నా అని చెప్పింది నయన్.

ఏఆర్ మురుగదాస్ దర్శకత్వంలో సూర్య హీరోగా, అసిన్ హీరోయిన్ గా నటించిన చిత్రం గజిని. ఈ చిత్రం బ్లాక్‌బస్టర్ హిట్‌గా నిలిచింది తమిళంతో పాటు తెలుగులో కూడా సూపర్ డూపర్ హిట్ అయ్యింది మూవీ. ఈ సినిమా హిందీలో కూడా అమీర్ ఖాన్‌తో రీమేక్ చేయబడింది మరియు అది అక్కడ కూడా విజయవంతమైంది.

Nayanthara

ఇంత క్వాలిటీ సినిమాలో నటించడం చేదు అనుభవం అని నటి నయనతార చెప్పడం సోషల్ మీడియాలో హాట్ టాపిక్ గా మారింది. ప్రస్తుతం నయనతార చేతిలో అరడజన్ సినిమాలకుపైగా ఉన్నాయి.