జపాన్ -చైనాలో ప్రభాస్ కంటే ఎక్కువ క్రేజ్ ఉన్న తెలుగు హీరో ఎవరో తెలుసా..?

టాలీవుడ్ నుంచి ఫస్ట్ ప్యాన్ ఇండియా హీరోగా ప్రభాస్ క్రేజ్ మనందరికి తెలిసిందేజ ఆయన కు జపాన్ లాంటి దేశాల్లో కూడా భారీగా ఫాలోయింగ్ ఉంది. అటువంటిది ప్రభాస్ ఇమేజ్ నే క్రాస్ చేసుకుంటు దూసుకుంటూ వెళ్తున్నాడు మరో తెలుగు హీరో.. ఎవరతను. 

ప్రభాస్ క్రేజ్ గురించి ప్రత్యేకంగా చెప్పాల్సినపనలేదు. బాహుబలి సినిమాతో ఎవరు చెరపలేని రికార్డ్స్  తన ఖాతాలో వేసుకున్నాడు యంగ్ రెబల్ స్టార్. అంతే కాదు తనకంటూ ఒక ప్రత్యేకమైన క్రేజ్ ను ఏర్పాటు చేసుకున్న ప్రభాస్.. పాన్ ఇండియా హీరోగా సెటిల్ అయ్యాడు.  బాహుబలి తరువాత వరుసగా మూడు సినిమాలు ప్లాప్ అయినా కూడా ప్రభాస్ ఇమేజ్ మాత్రం ఏమాత్రం చెక్కు చెదర లేదు. 

ఆయనతో సినిమాచేయడం కోసం నిర్మాతలు, దర్శకులు క్యూలు కడుతూనే ఉన్నారు. పోటీపడుతూనే ఉన్నారు. ఇక ఇండియా లోనే కాకుండా ప్రభాస్ కు బాహుబలి సినిమా వల్ల ఇతర దేశాల్లో కూడా డైహార్ట్ ఫ్యాన్స్ పెరిగిపోయారు.  మరీ ముఖ్యంగా జపాన్ లాంటి దేశాల్లో ప్రభాస్ కు మంచి  ఫాలోయింగ్  ఉంది. అయితే జపాన్, చైనాలాంటి దేశాల్లో ప్రభాస్ క్రేజ్ ఇప్పటికీ నడుస్తూనే ఉంది. 

ప్రభాస్ ను చూడటం కోసం చాలామంది ఇండియాకు వచ్చిన సంఘటనలుకూడా ఉన్నాయిన ప్రభాస్ ఇంటి దగ్గర ఎప్పటికప్పుడు జపాన్ ఫ్యాన్స్ సందడి చేస్తుంటారు. అయితే ప్రభాస్ తరువాత టాలీవుడ్ నుంచి చాలామంది పాన్ఇండియా స్టార్స్ బయటకు వచ్చారు. వారు కూడా విదేశాల్లో మంచి ఫ్యాన్ ఫాలోయింగ్ ను సంపాదించుకోగలిగారు. 

అయితే ప్రత్యేకంగా జపాన్ లో మాత్రం ప్రభాస్ కంటే ఎక్కువ క్రేజ్ సంపాదించుకున్న తెలుగు హీరో మరొకరు ఉన్నారు. ఈ విషయం  చాలామందికి తెలియదు. ఆయన ఎవరో కాదు యంగ్ టైగర్ ఎన్టీఆర్.  అవును  ఈయన ప్రస్తుతం తెలుగు సినిమా ఇండస్ట్రీలోనే కాకుండా పాన్ ఇండియాలో తన సత్తా చాటుతున్నాడు. 

ntr, prabhas

ఆర్ఆర్ఆర్ తో పాన్ ఇండియా స్టార్ గామారిన ఎన్టీఆర్ గతం నుంచే తన సినిమాలు డబ్ అయ్యి.. జపాన్ లో కూడా రిలీజ్ అయ్యేవంట. అక్కడ తారక్  సినిమాలన్నీ కూడా మంచి విజయాలను సాధిస్తూ వస్తున్నాయి. జపాన్ లో రజనీకాంత్ లాంటి స్టార్ హీరోకి సైతం జూనియర్ ఎన్టీఆర్ పోటీని ఇచ్చాడు అంటే  తెలుగు హీరో సత్తా ఏంటో అర్ధం అవుతుంది. 

Tollywood Top Stars

ఇప్పటికీ అదే స్పీడ్ తో ఎన్టీఆర్ దూసకుపోతున్నారు. ఎన్టీఆర్ ప్రభాస్ ఇద్దరు కూడా స్టార్ హీరోలుగా వెలుగొందడం ఇతర దేశాల్లో కూడా వీళ్ళ సినిమాలకు మంచి డిమాండ్ ఉండడం అనేది ఒక వంతుకు తెలుగు సినిమా ఇండస్ట్రీ పేరు ప్రపంచవ్యాప్తంగా వినపడడానికి కూడా కారణం అవుతుందనే చెప్పాలి…