ఐపీఎల్ లో-ఇండియన్ క్రికెట్‌లో దురుదృష్ట‌వంతులు వీరే, ఎందుకంటే?

unlucky man in Indian cricket : ఐపీఎల్ చ‌రిత్ర‌లో భార‌త స్టార్ క్రికెట్ విరాట్ కోహ్లీ ప‌రుగుల వ‌రద పారిస్తూ రికార్డుల మోత మోగిస్తున్నాడు. కానీ, అతను ఎప్పుడూ కూడా ఆర్సీబీకి టైటిల్ గెలవలేదు. అలాగే, భార‌త జ‌ట్టు త‌ర‌ఫున కూడా పెద్ద టైటిల్స్ గెల‌వ‌ని అన్ లక్కీ ప్లేయ‌ర్లు కూడా ఉన్నారు.   

Virat Kohli, KL Rahul,

unlucky man in Indian cricket : విరాట్ కోహ్లి అంత‌ర్జాతీయ క్రికెట్ లో అనేక రికార్డులు సాధించాడు. అద్భుత‌మైన ఇన్నింగ్స్ ల‌తో కోట్లాది మంది అభిమానుల‌ను సొంతం చేసుకున్నాడు. ప్ర‌స్తుతం క్రికెట్ ప్ర‌పంచంలో టాప్ ప్లేయ‌ర్ గా కొన‌సాగుతున్నాడు. కానీ, ఇండియన్ ప్రీమియర్ లీగ్ అంటే ఐపీఎల్ చరిత్రలో విరాట్ కోహ్లి అత్యంత దురదృష్టకర ఆటగాడని చెబుతారు. 

Cricketer virat

ఎందుకంటే ఐపీఎల్ లో విరాట్ కోహ్లీ 2008 నుండి 2024 వరకు మొత్తం 17 సీజన్లు ఆడాడు, కానీ ఒక్కసారి కూడా ఛాంపియన్‌గా నిలిచే అవకాశం అతనికి రాలేదు. అత‌ని జ‌ట్టు అద్భుత ప్ర‌ద‌ర్శ‌న‌లు చేసినా టైటిల్ ను గెల‌వ‌లేక‌పోయింది. ప్ర‌తి సీజ‌న్ లోనూ స్టార్ ప్లేయర్లతో భారీ అంచ‌నాలతో బ‌రిలోకి దిగినా ఐపీఎల్ టైటిల్ రాయ‌ల్ ఛాలెంజ‌ర్స్ జ‌ట్టుకు (ఆర్సీబీ) అంద‌ని ద్రాక్ష‌గానే మిగిలింది.  

అలాగే, 2013 వ‌ర‌కు ఒక్క ఐసీసీ ఈవెంట్‌ను కూడా గెలవనందున కోహ్లీని ఐపీఎల్, భారత క్రికెట్ చరిత్రలో దురదృష్టకర ఆటగాడిగా కూడా ప‌లువురు పేర్కొన్నారు. అయితే, 2024లో టీ20 ప్రపంచ కప్‌తో అతని నుదిటిపై నుండి ఈ దుర‌దృష్ట‌క‌ర‌ మరక తొలగిపోయింది.

భార‌త్ అద్భుత‌మైన ఆట‌తో ఈ టోర్నీలో ఒక్క మ్యాచ్ కూడా ఓడిపోకుండా విజ‌య‌వంతంగా టీ20 ప్ర‌పంచ క‌ప్ 2024 ఫైన‌ల్ లో గెలిచి ఛాంపియ‌న్ గా నిలిచింది. దీంతో ఇప్పుడు మ‌రో కొత్త ప్లేయ‌ర్ ఐపీఎల్, భారత క్రికెట్ చరిత్రలో అత్యంత దురదృష్టకరమైన ఆటగాడిగా తెర‌మీదకు వ‌చ్చాడు. 

అత‌నే టీమిండియా స్టార్ వికెట్ కీప‌ర్ బ్యాట్స్ మ‌న్ కేఎల్ రాహుల్. అవును, స్టార్ బ్యాట‌ర్ గా గ్రౌండ్ లో ప‌రుగుల వ‌ర‌ద పారించే కేఎల్ రాహుల్ ప్రస్తుతం టీమ్ ఇండియా, ఐపీఎల్ లో  అత్యంత దురదృష్టకర ఆటగాడిగా పేర్కొంటున్నారు. ఎందుకంటే అతను ఇంకా ఏ జట్టుతోనూ ఒక్క ఐపీఎల్ ఐపీఎల్ టైటిల్‌ను గెలవలేదు. అలాగే, అత‌ను ఉన్న భార‌త జ‌ట్టు కూడా ఐసీసీ ట్రోఫీని గెలుచుకోలేదు. 

కేఎల్ రాహుల్ 2014లో టీమ్ ఇండియా తరపున అంతర్జాతీయ క్రికెట్‌లోకి అరంగేట్రం చేసాడు. కానీ అప్పటి నుండి ఒక్క ఐసీసీ ట్రోఫీని గెలుచుకోని భార‌త్ 2024లో టీ20 ప్ర‌పంచ క‌ప్ ఛాంపియ‌న్ గా నిలిచింది. అయితే, ఇక్క‌డ భార‌త్ జ‌ట్టు త‌ర‌ఫున కేల్ రాహుల్ ఆ టోర్నమెంట్‌లో (టీ20 ప్రపంచ కప్ 2024) ఆడలేదు.

ఐపీఎల్ విష‌యానికి వ‌స్తే కేఎల్ రాహుల్ 2013 సంవత్సరంలో రాయల్ ఛాలెంజర్స్ బెంగళూరు అంటే విరాట్ కోహ్లీ టీమ్ ఆర్సీబీలో చేరాడు. కానీ ఆ జట్టు టైటిల్ గెలవలేదు. 2015లో కేఎల్ రాహుల్ సన్‌రైజర్స్ హైదరాబాద్ (SRH)తో ఉన్నాడు, కానీ అప్పుడు కూడా ఆ జట్టు ఐపీఎల్ ట్రోఫీని గెల‌వ‌లేదు. ఆ త‌ర్వాత మళ్లీ ఆర్సీబీకి తిరిగివచ్చినా విరాట్ కోహ్లీ టీమ్ అప్పుడు కూడా టైటిల్ గెలవలేకపోయింది.

ఆ త‌ర్వాత కేఎల్ రాహుల్ పంజాబ్ కింగ్స్‌కు వెళ్లాడు. అక్కడ కూడా జట్టు టైటిల్ గెలవలేదు. దీని తర్వాత లక్నో సూపర్ జెయింట్స్ (LSG)లో చేరాడు, కానీ LSG కూడా టైటిల్ గెలవలేకపోయింది. అంటే మొత్తంగా కేఎల్ రాహుల్ ఆడిన ఐపీఎల్ సీజ‌న్ల‌లో ఏ జ‌ట్టు త‌ర‌ఫున ఆడినా ఆ జ‌ట్టు ట్రోఫీని గెలుచుకోలేక‌పోయింది.

KL Rahul , India,

అలాగే, భార‌త క్రికెట్ జ‌ట్టు త‌ర‌ఫున చూస్తూ కేఎల్ రాహుల్ స‌భ్యునిగా ఉన్న స‌మ‌యంలో భార‌త్ ఐసీసీ ట్రోఫీని గెలుచుకోలేక‌పోయింది. దీంతో కీప‌ర్ గా, బ్యాట‌ర్ అద్భుత ప్ర‌ద‌ర్శ‌న‌లు చేసినా ఛాంపియ‌న్ గా ఒక్క టైటిల్ కూడా లేక‌పోవ‌డం కేఎల్ రాహుల్ కు ఇప్ప‌టికీ పెద్ద నిరాశ‌గా ఉంది. 

కేఎల్ రాహుల్ ఐపీఎల్ లో నాలుగు జ‌ట్ల త‌ర‌ఫున ఆడాడు. 132 మ్యాచ్ ల‌లో 4683 ప‌రుగులు చేశాడు. ఇందులో నాలుగు సెంచ‌రీలు, 37 హాఫ్ సెంచ‌రీలు బాదాడు. టీమిండియా త‌ర‌ఫున వ‌న్డేల్లో 2851 ప‌రుగులు, టెస్టుల్లో 2863    ప‌రుగులు, టీ20ల్లో 2265 ప‌రుగులు చేశాడు. ఫ‌స్ట్ క్లాస్ క్రికెట్ లో 6854 ప‌రుగులు చేశాడు. ఇందులో 18 సెంచ‌రీలు కూడా ఉన్నాయి.