Rohit Sharma: ఎందుకంత క్రూరంగా ఉన్నావ్..? రోహిత్ శర్మపై భార్య రితికా ఘాటు కామెంట్స్

Rohit Sharma Wife Hilarious Comment On Him: పరిమిత ఓవర్ల క్రికెట్ లో భారత జట్టు సారథి రోహిత్ శర్మ భార్య రితికా.. సోషల్ మీడియాలో యాక్టివ్ గా ఉంటుంది. ఆమె తన భర్త షేర్ చేసిన ఓ పోస్టుపై ట్రోల్ చేస్తూ...   

టీమిండియా పరిమిత ఓవర్ల సారథి రోహిత్ శర్మ  ప్రస్తుతం ఖాళీ సమయాన్ని ఫిట్నెస్ మీద దృష్టి సారించాడు. దక్షిణాఫ్రికా తో పర్యటనకు ముందు గాయపడ్డ రోహిత్.. ప్రస్తుతం జాతీయ క్రికెట్ అకాడమీలో రిహాబిటేషన్ గడుపుతున్నాడు.

ఈ క్రమంలో అతడు తన సోషల్ మీడియా ఖాతాల వేదికగా కొత్త లుక్ కు సంబంధించిన ఫోటోను షేర్ చేశాడు. ఫోటోలో అతడు  తీక్షణంగా చూస్తున్నట్టు  ఫోజ్ పెట్టాడు. 

ఈ ఫోటోలో రోహిత్ శర్మ  క్లీన్ షేవ్ తో యువకుడిగా మారిపోయాడు. ఎప్పుడూ తన ముఖంపై లైట్ గా గడ్డంతో కనిపించే  ఈ హిట్ మ్యాన్.. క్లీన్ షేవ్ తో యంగ్ రోహిత్ శర్మగా మారిపోయాడు.  

ఇక ఈ ఫోటోపై రోహిత్ శర్మ భార్య రితికా సజ్దే ఓ ఫన్నీ కామెంట్ చేసింది. రితికా స్పందిస్తూ... ‘ఎందుకంత క్రూరంగా చూస్తున్నావ్..?’ అని  రాసుకొచ్చింది. 

రోహిత్ పోస్టుపై టీమిండియా యువ లెఫ్టార్మ్ బౌలర్ ఖలీల్ అహ్మద్ స్పందిస్తూ.. ‘ఇది అండర్-19 లుక్’ అని కామెంట్ పెట్టాడు. 

కాగా.. దక్షిణాఫ్రికాతో వన్డే సిరీస్ కు దూరమైన రోహిత్ శర్మ ఫిబ్రవరిలో వెస్టిండీస్, శ్రీలంక లతో జరిగే పరిమిత ఓవర్ల  సిరీస్ లకు అందుబాటులో ఉండనున్నాడని సమాచారం.