Team India : భారత్-బంగ్లాదేశ్ టెస్టు సిరీస్ లో భాగంగా తొలి టెస్టు మ్యాచ్ చెన్నైలోని ఎంఏ చిదంబ‌రం స్టేడియం వేదిక‌గా జ‌ర‌గ్గా.. టీమిండియా 280 పరుగుల తేడాతో బంగ్లా టీమ్ పై విజయం సాధించింది. దాదాపు మూడేండ్ల తర్వాత రెండో టెస్టు కు కాన్పూర్ లోని గ్రీన్ పార్క్ స్టేడియం వేదికైంది.
Team India : కాన్పూర్ వేదిక‌గా భారత్-బంగ్లాదేశ్ రెండో టెస్టు మ్యాచ్ వ‌ర్షం కారణంగా కాస్త ఆల‌స్యంగా ప్రారంభం అయింది. టాస్ గెలిచిన భారత్ తొలుత బౌలింగ్ చేయాల‌ని నిర్ణ‌యించుకుంది. జ‌ట్టులో ఎలాంటి మార్పులు చేయ‌కుండానే భారత్ బ‌రిలోకి దిగింది. చివరిసారిగా 2019లో ఇండోర్-కోల్‌కతాల‌లో బంగ్లాదేశ్‌తో జరిగిన రెండు స్వదేశీ టెస్టుల్లో భారత్ జ‌ట్టులో మార్పులు చేయ‌కుండా బ‌రిలోకి దిగింది.
అలాగే, భారత్‌లో బ్యాక్-టు-బ్యాక్ టెస్ట్‌లలో జట్లు ఫస్ట్ ఫీల్డింగ్ ఎంచుకోవ‌డం ఇది తొలి సారి. అయితే, 1997లో భారత్ - శ్రీలంక మధ్య జరిగిన మూడు మ్యాచ్‌ల సిరీస్‌లో ఇది రెండుసార్లు జరిగిన ఏకైక సిరీస్. అయితే, చెన్నైలోని ఎర్ర-నేల ఉపరితలంపై ఆధిపత్యం చెలాయించిన భారత్ కాన్నూర్ లో కూడా స‌త్తా చాటాల‌ని చూస్తోంది.
కాన్పూర్ గ్రీన్ పార్క్ స్టేడియంలో నవంబర్ 2009 లో భారత్-బంగ్లాదేశ్ లు మ్యాచ్ ఆడాయి. ఇప్పుడు ఈ వేదిక‌గా భారత్-బంగ్లాదేశ్ రెండవ టెస్ట్ మ్యాచ్‌కు ఆతిథ్యం ఇస్తోంది. కాన్పూర్‌లో ఇప్పటివరకు ఆడిన 23 మ్యాచ్‌లలో ఏడు విజయాలతో భారత్ అద్భుతమైన రికార్డును కలిగి ఉంది. ఈ వేదికపై టీమిండియా చివరి ఓటమి అక్టోబర్ 1983లో వెస్టిండీస్ మ్యాచ్ లో చ‌విచూసింది. ఈ వేదికపై జరిగిన మొదటి 16 మ్యాచ్‌లలో కేవలం 2 విజయాలు నమోదు చేసిన తర్వాత భారత్ తమ చివరి ఏడు టెస్ట్ మ్యాచ్‌లలో ఐదు విజయాలు సాధించింది.
కాన్పూర్‌లో భారత టెస్టు రికార్డు
భారత్ మొత్తం 23 టెస్ట్ మ్యాచ్‌లు ఆడింది. ఇందులో 7 మ్యాచ్ ల‌లో భారత్ గెలిచింది. మూడు మ్యాచ్ ల‌లో ఓడిపోగా, 13 మ్యాచ్ లు డ్రా అయ్యాయి.
కాన్పూర్ గ్రీన్ పార్క్ స్టేడియంలో టెస్టు క్రికెట్ గ‌ణాంకాలు గ‌మ‌నిస్తే..
మొత్తం మ్యాచ్‌లు - 23
ముందుగా బ్యాటింగ్‌లో గెలిచిన మ్యాచ్‌లు - 7
ముందుగా బౌలింగ్‌లో గెలిచిన మ్యాచ్‌లు - 3
తొలి ఇన్నింగ్స్ సగటు స్కోరు - 370
రెండో ఇన్నింగ్స్ సగటు స్కోరు - 322
3వ ఇన్నింగ్స్ సగటు స్కోరు - 253
నాల్గో ఇన్నింగ్స్ సగటు స్కోరు - 137
కాన్పూర్ గ్రీన్ పార్క్ స్టేడియంలో టెస్టు క్రికెట్ లో న‌మోదైన అత్యధిక, అత్యల్ప స్కోర్లు ఏమిటి?
ఇక్క‌డ న‌మోదైన అత్యధిక స్కోరు - 1986లో భారత్ vs శ్రీలంక ద్వారా 676/7 పరుగులు.
అత్యల్ప స్కోరు - 1959లో ఆస్ట్రేలియా వర్సెస్ భారత్ 105/10
అత్యధిక స్కోరు ఛేజింగ్ విన్ - 1999లో భారత్ vs న్యూజిలాండ్ 83/2
అత్యల్ప స్కోరు డిఫెండ్ - 1959లో ఆస్ట్రేలియా వర్సెస్ ఇండియా 105/10
అతిపెద్ద విజయం - 2009లో భారత్ vs శ్రీలంక ద్వారా ఇన్నింగ్స్ & 144 పరుగులు
కాన్పూర్‌లో చివరి టెస్టు మ్యాచ్‌లో ఏం జరిగింది?
భారత్ చివరిసారిగా నవంబర్ 2021లో న్యూజిలాండ్‌తో గ్రీన్ పార్క్‌లో టెస్ట్ మ్యాచ్ ఆడింది. ఈ మ్యాచ్ డ్రాగా ముగిసింది. శ్రేయాస్ అయ్యర్ తన అరంగేట్రం టెస్టులో అద్భుత సెంచరీ చేయడంతో భారత్ తొలి ఇన్నింగ్స్‌లో 345 స్కోరు చేసింది. కివీస్ తరఫున ఫాస్ట్ బౌలర్లు టిమ్ సౌతీ , జైల్ జేమీసన్ ఎనిమిది వికెట్లతో ఆధిపత్యం చెలాయించారు. అక్షర్ పటేల్ ఐదు ఫెర్‌లతో న్యూజిలాండ్‌ను తమ తొలి ఇన్నింగ్స్‌లో 296 పరుగులకు ఆలౌట్ చేసిన తర్వాత భారత్ 49 పరుగుల స్వల్ప ఆధిక్యాన్ని సంపాదించగలిగింది.
భారత్ తన రెండో ఇన్నింగ్స్‌ను 7 వికెట్లకు 234 పరుగుల వద్ద డిక్లేర్ చేసి, 4వ రోజు ముగింపు దశలో న్యూజిలాండ్‌కు 284 పరుగుల లక్ష్యాన్ని నిర్దేశించింది. చివరి రోజు భారత స్పిన్నర్లు ఆధిపత్యం చెలాయించారు. బ్యాడ్ లైట్-విజిబిలిటీ సమస్యల కారణంగా మ్యాచ్ గెలవడానికి భారత్‌కు కేవలం ఒక వికెట్ మాత్రమే అవసరం అయిన స‌మ‌యంలో 12 నిమిషాల ముందు మ్యాచ్ ను నిలిపివేసి డ్రాగా ప్ర‌క‌టించారు. కివీస్ 98 ఓవర్లలో 9 వికెట్ల నష్టానికి 165 పరుగులు చేసింది.