కేఎల్ రాహుల్ కోసం త్యాగం.. మిడిలార్డర్‌లో రోహిత్ శర్మ.. టీమిండియాకు లాభ‌మా? న‌ష్ట‌మా?

Rohit Sharma: ఆస్ట్ర‌లియాతో జ‌రుగుతున్న టెస్టు సిరీస్ లో తొలి మ్యాచ్ లో ఆడ‌ని రోహిత్ శ‌ర్మ రెండో మ్యాచ్ కు సిద్ధంగా ఉన్నాడు. అయితే, ఇప్పుడు ఓపెన‌ర్ గా కాకుండా మిడిలార్డ‌ర్ లో బ్యాటింగ్ రానున్నాడు. ఈ ఆర్డ‌ర్ లో రోహ‌త్ శ‌ర్మ తో భార‌త్ కు లాభ‌మా? న‌ష్టమా?   

Rohit Sharma

Rohit Sharma: పెర్త్ వేదికగా ఆస్ట్రేలియాతో జరిగిన తొలి టెస్టు మ్యాచ్‌లో 295 పరుగుల తేడాతో విజయం సాధించిన టీమిండియా త‌ర్వ‌త మ్య‌చ్ ల‌లో కుడా అదే రోజును కొన‌సాగంచాల‌ని చూస్తోంది. త‌ర్వాతి మ్యాచ్ తో సిరీస్‌ను సమం చేయాలని ఉవ్విళ్లూరుతున్న ఆస్ట్రేలియా జట్టుపై ఇప్పుడు 2-0 ఆధిక్యం సాధించాలని భార‌త జ‌ట్టు లక్ష్యంగా పెట్టుకుంది.

అయితే, బోర్డ‌ర్ గ‌వాస్క‌ర్ ట్రోఫీలో తొలి మ్యాచ్ కు దూర‌మైన రోహిత్ శ‌ర్మ.. రెండో మ్యాచ్ కు అందుబాటులోకి వ‌చ్చాడు. శుక్రవారం నుంచి అడిలైడ్ ఓవల్‌లో రెండో టెస్టు మ్యాచ్ అయిన‌ డే-నైట్ టెస్టు జరగనుంది. రెండో టెస్టు మ్యాచ్‌లో రెడ్ బాల్ కంటే పింక్ బాల్ పెద్ద సవాలుగా మారనుంది.

Image Credit: Getty Images

మిడిలార్డర్‌లో రోహిత్ శర్మ? 

ఆస్ట్రేలియాతో జరుగుతున్న రెండో టెస్టు మ్యాచ్‌లో కేఎల్ రాహుల్‌తో కలిసి యశస్వి జైస్వాల్ ఓపెనింగ్ చేయనున్నాడ‌ని స‌మాచారం. దీంతో రెండో మ్యాచ్ లో భార‌త జ‌ట్టులోకి వ‌స్తున్న కెప్టెన్ రోహిత్ శ‌ర్మ మిడిలార్డర్‌లో బ్యాటింగ్ చేయనున్నాడు. ఈ విషయాన్ని స్వయంగా కెప్టెన్ రోహిత్ శర్మ మీడియాతో మాట్లాడుతూ వెల్లడించాడు. అయితే మిడిలార్డర్‌లో రోహిత్ శర్మ రికార్డు అంత బలంగా లేదు. ఇలాంటి పరిస్థితుల్లో టీమ్‌ఇండియా భారీ నష్టాన్ని చవిచూడవచ్చు. ఇప్పుడు ఇదే అంశం భార‌త అభిమానుల‌ను క‌ల‌వ‌రానికి గురిచేస్తోంది. 

రోహిత్ శ‌ర్మ లైన్ మార్పుతో భార‌త జ‌ట్టుకు నష్టం త‌ప్ప‌దా? 

రోహిత్ శర్మ 2019 సంవత్సరం నుండి ఓపెనింగ్ బ్యాట్స్‌మెన్ పాత్రను పోషించడం ప్రారంభించాడు. దీంతో అత‌ని టెస్ట్ కెరీర్ కొత్త దిశ‌లో పయ‌నించింది. అద్భుతమైన ఇన్నింగ్స్ ల‌ను ఆడాడు. భార‌త‌జ జ‌ట్టు చాలా విజ‌యాలు అందించాడు.అయితే, జట్టు ప్రయోజనాల దృష్ట్యా ఇప్పుడు కేఎల్ రాహుల్ కోసం రోహిత్ శ‌ర్మ ఓపెనింగ్ స్థానాన్ని వదులుకున్నాడు.

రోహిత్ శర్మ తన టెస్ట్ కెరీర్‌ను మిడిల్ ఆర్డర్ బ్యాట్స్‌మెన్‌గా ప్రారంభించాడు. కానీ, తరువాత అతను ఓపెనర్ పాత్రలో మెరుగైన ఆట‌తీరును ప్ర‌ద‌ర్శించాడు. 5 లేదా అంతకంటే తక్కువ స్థానంలో బ్యాటింగ్ చేసిన రోహిత్ శర్మ 41 ఇన్నింగ్స్‌లలో 43.35 సగటుతో 1,474 పరుగులు చేశాడు. ఇందులో 9 అర్ధ సెంచరీలు, 3 సెంచరీలు ఉన్నాయి.

Shubman Gill, Rohit Sharma

శుభ్ మ‌న్ గిల్ మంచి ఫామ్‌లో ఉన్నాడు

రోహిత్ శర్మ బ్యాటింగ్ ఆర్డర్ ఏమైనప్పటికీ, న్యూజిలాండ్‌తో జరిగిన స్వదేశంలో జరిగిన సిరీస్‌లో అతను బాగా రాణించలేకపోయినందున అతను పెద్ద స్కోరు చేయాలని తహతహలాడుతున్నాడు. ఇది కాకుండా, ఆస్ట్రేలియాలో అతని రికార్డు కూడా బాగా లేదు. అతను ఇప్పుడు దానిని మెరుగుపరచాలనుకుంటున్నాడు.

ప్లేయింగ్ ఎలెవన్‌లో దేవదత్ పడిక్కల్, ధృవ్ జురెల్ స్థానంలో రోహిత్ శర్మ, శుభ్‌మన్ గిల్‌లు ఆడనున్నారు. బొటన వేలి గాయం నుంచి కోలుకుని తిరిగి వచ్చిన శుభ్‌మన్ గిల్ ప్రాక్టీస్ మ్యాచ్‌లో మంచి ఫామ్‌లో కనిపించాడు. ఆస్ట్రేలియాలో అతని రికార్డు బాగానే ఉంది. ఇప్పుడు మ‌రింత జోరును ప్ర‌దర్శించాల‌ని చూస్తున్నాడు. 

భారతదేశానికి అత్యంత సానుకూల అంశం జైస్వాల్, కోహ్లీ ఫామ్

తొలి టెస్టులో భారత్‌కు అత్యంత సానుకూల అంశం యశస్వి జైస్వాల్, విరాట్ కోహ్లీ సెంచరీలు. ఈ ఇద్దరు బ్యాట్స్‌మెన్‌లు తమ ఫామ్‌ను కొనసాగించేందుకు ప్రయత్నిస్తారు. భారత బౌలింగ్ విభాగంలో మార్పు వచ్చే అవకాశం లేదు. అయితే, అడిలైడ్ పిచ్ స్పిన్నర్లకు సహాయం చేస్తోంది. వికెట్ స్టాక్ తీసుకున్న తర్వాత, దాని పరిస్థితిని పరిశీలించిన తర్వాత రవిచంద్రన్ అశ్విన్ లేదా రవీంద్ర జడేజాను జట్టులోకి తీసుకోవచ్చు.

Australian Team

తీవ్ర ఆందోళనలో ఆస్ట్రేలియా 

ఆస్ట్రేలియా విషయానికొస్తే.. స్టార్ బ్యాట్స్‌మెన్‌ల ఫామ్ ఆందోళన కలిగిస్తుంది. ఆ టీమ్ సిరీస్‌ను సమం చేయాలంటే, స్టీవ్ స్మిత్, ఉస్మాన్ ఖవాజా, మార్నస్ లాబుస్‌చాగ్నే వంటి బ్యాట్స్‌మెన్లు తమ అత్యుత్తమ ప్రదర్శన చేయాల్సి ఉంటుంది. 

జోష్ హేజిల్‌వుడ్ ఔట్ 

ఆస్ట్రేలియా ఆందోళనలు కేవలం బ్యాటింగ్‌కే పరిమితం కాలేదు. దాని ఫాస్ట్ బౌలర్ జోష్ హేజిల్‌వుడ్ గాయం కారణంగా దూరమయ్యాడు. అతని స్థానంలో స్కాట్ బోలాండ్ ప్లేయింగ్ ఎలెవెన్‌లోకి రానున్నాడు. అతను దాదాపు 18 నెలల తర్వాత తన మొదటి టెస్ట్ మ్యాచ్‌ను ఆడనున్నాడు.