IPL 2025 auction: 2025 ఐపీఎల్ మెగా వేలంలో యుజ్వేంద్ర చాహల్ ను రూ.18 కోట్లక పంజాబ్ కింగ్స్ దక్కించుకుంది. గతంలో ముంబై ఇండియన్స్, ఆర్సీబీ, రాజస్థాన్ రాయల్స్ జట్లకు ప్రాతినిధ్యం వహించిన ఈ లెగ్ స్పిన్నర్ రికార్డు ధరతో ఇప్పుడు పంజాబ్ టీమ్ లో చేరాడు.
జెడ్డాలో జరిగిన 2025 ఐపీఎల్ మెగా వేలంలో పంజాబ్ కింగ్స్ రూ.18 కోట్లకు భారత స్టార్ స్పిన్నర్, ఐపీఎల్ లో అత్యధిక వికెట్లు తీసిన బౌలర్ గా కొనసాగుతున్న యుజ్వేంద్ర చాహల్ ను కొనుగోలు చేసింది. టీ20ల్లో 5 వికెట్లు తీసిన తొలి భారత బౌలర్ రికార్డు కలిగి యుజ్వేంద్ర చాహల్.. 2011లో ముంబై ఇండియన్స్‌తో ఐపీఎల్ కెరీర్ ప్రారంభించాడు. 2014-21 మధ్య విరాట్ కోహ్లీ టీమ్ రాయల్ ఛాలెంజర్స్ బెంగళూరు టీమ్ (ఆర్సీబీ) లో ఉన్నాడు.
యుజ్వేంద్ర చాహల్ కోసం గుజరాత్ టైటాన్స్ రూ. 2 కోట్లతో బిడ్డింగ్ ప్రారంభించగా.. పోటీలోకి ఎంఎస్ ధోని టీమ్ చెన్నై సూపర్ కింగ్స్ (సీఎస్కే) కూడా చేరింది. కానీ రెండు జట్లు త్వరలోనే పోటీ నుంచి పక్కకు తప్పుకున్నాయి. ఆ తర్వాత పంజాబ్ కింగ్స్, లక్నో సూపర్ జెయింట్స్ కూడా వేలంలో చేరాయి. చివరికి, పీబీకేఎస్ యుజ్వేంద్ర చాహల్ ను భారీ ధరకు దక్కించుకుంది.
యుజ్వేంద్ర చాహల్ ముంబై ఇండియన్స్‌తో ఇండియన్ ప్రీమియర్ లీగ్ (ఐపీఎల్) లోకి ఎంట్రీ ఇచ్చాడు. ఆ తర్వాత రాయల్ ఛాలెంజర్స్ బెంగళూరు (ఆర్సీబీ) లో కీలక ప్లేయర్ గా మారాడు. అలాగే, రాజస్థాన్ రాయల్స్ తరపున కూడా రెండు సీజన్లు ఆడాడు. రాబోయే ఐపీఎల్ 2025 సీజన్ లో పంజాబ్ కింగ్స్ జట్టు తరఫున ఆడనున్నాడు. పీబీకేఎస్ యుజ్వేంద్ర చాహల్ ఐపీఎల్‌లో నాల్గవ జట్టు.
IPL లో యుజ్వేంద్ర చాహల్ అద్భుతమైన బౌలింగ్ రికార్డులు కలిగి ఉన్నాడు. ఐపీఎల్ లో అత్యధిక వికెట్లు తీసిన బౌలర్ మాత్రమే కాదు 200+ వికెట్ల మార్కును అందుకున్న తొలి ప్లేయర్ కూడా అతనే. 160 మ్యాచ్‌లలో చహల్ 7.84 ఎకానమీతో 205 వికెట్లు పడగొట్టాడు. ఆరుసార్లు 4 వికెట్లు, ఒకసారి 5 వికెట్లు తీసుకున్నాడు. 2022లో రాయల్స్ ఫైనల్‌కు చేరినప్పుడు చహల్ పర్పుల్ క్యాప్ గెలుచుకున్నాడు.
ముంబైకి జాక్‌పాట్: ₹25 కోట్ల ప్లేయర్ ను ₹8 కోట్లకే కొట్టేసింది !
ఆ సీజన్‌లో అతను కీలక పాత్ర పోషించి 17 మ్యాచ్‌లలో 27 వికెట్లు తీసుకున్నాడు. ఆర్సీబీ తరఫున అత్యధిక వికెట్లు తీసిన బౌలర్‌గా కూడా ఘనత సాధించాడు. పురుషుల టీ20 అంతర్జాతీయ చరిత్రలో భారతదేశం తరపున అత్యధిక వికెట్లు తీసిన బౌలర్ కూడా చహల్. దీప్తి శర్మ తర్వాత, అన్ని టీ20 అంతర్జాతీయ మ్యాచ్‌లలో భారతదేశం తరపున రెండవ అత్యధిక వికెట్లు తీసిన బౌలర్.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి