Hardik Pandya surpasses Virat Kohli : భారత్-బంగ్లాదేశ్ రెండో టీ20 మ్యాచ్ కు ముందు భారత ఆల్ రౌండర్ హార్దిక్ పాండ్యా తన జిమ్ సెషన్ వీడియోను పంచుకోగా సోష‌ల్ మీడియాలో వైర‌ల్ గా మారాయి. బంగ్లాదేశ్‌తో జరిగిన మొదటి టీ20 మ్యాచ్‌లో పాండ్యా బ్యాట్‌తో అద్భుతమైన ఇన్నింగ్స్ ఆడాడు. విరాట్ కోహ్లీని అధిగ‌మించాడు.
Hardik Pandya surpasses Virat Kohli : భారత స్టార్ ఆల్‌రౌండర్ హార్దిక్ పాండ్యా టీ20 ఇంటర్నేషనల్స్‌లో విరాట్ కోహ్లీ పేరిట ఉన్న రికార్డును బద్దలు కొట్టాడు. గ్వాలియర్‌లో బంగ్లాదేశ్‌తో జరిగిన 1వ టీ20లో ఈ ఘనత సాధించాడు. ఈ మ్యాచ్ లో భారత్ ఏడు వికెట్ల తేడాతో విజయం సాధించడంలో పాండ్యా తన ఆల్ రౌండ్ ప్రదర్శనతో అదరగొట్టాడు. కేవలం 16 బంతుల్లోనే 39* పరుగులు చేశాడు. అలాగే, మంచి బౌలింగ్ తో ఒక వికెట్ కూడా తీసుకున్నాడు.
ఈ మ్యాచ్ లో హార్దిక్ పాండ్యా ఆటతీరు భారత్‌ను విజయతీరాలకు న‌డిపించింది. గ్వాలియర్‌లో బంగ్లాదేశ్‌తో జరిగిన మ్యాచ్‌లో భారత్ 128 పరుగుల లక్ష్యాన్ని ఛేదించడంలో పాండ్యా ఆకట్టుకునే ప్రదర్శన కీలకంగా మారింది. అతని వేగవంతమైన 39* పరుగుల ఇన్నింగ్స్ లో 5 ఫోర్లు, 2 సిక్సర్లు బాదాడు. 243.75 స్ట్రైక్-రేట్ తో బ్యాటింగ్ ను కొసాగించాడు.
ఈ మ్యాచ్ ను సిక్స‌ర్ తో ముగించాడు. మ‌రీ ముఖ్యంగా స్టంప్‌ల వెనుక నుంచి పాండ్యా నో-లుక్ ర్యాంప్ షాట్ అద‌రిపోయింది. ఈ దృశ్యాలు సోష‌ల్ మీడియాలో వైర‌ల్ గా మారాయి. ఆట‌లో ఇలాంటి నైపుణ్యం, విశ్వాసం అతని ప్రదర్శనతో ఆల్ రౌండర్‌గా హార్దిక్ ఖ్యాతిని మరింత పెంచింది.
భారత క్రికెట్ లో టీ20 వికెట్లు తీసిన టాప్ ఆటగాళ్ల జాబితాలో పాండ్యా కూడా చోటు దక్కించుకున్నాడు. తన బ్యాటింగ్ నైపుణ్యంతో పాటు, పాండ్యా తన బౌలింగ్ కెరీర్‌లో కూడా పురోగతి సాధించాడు. ఈ మ్యాచ్‌లో అత‌ను ఒక వికెట్ తో పాటు, 39 పరుగుల నాటౌట్ ఇన్నింగ్స్ ఆడాడు. భారతదేశం తరపున T20Iలలో మొత్తం 87 వికెట్లు సాధించాడు.
స్టార్ ఆల్ రౌండర్ హార్దిక్ పాండ్యా పేసర్ అర్ష్‌దీప్ సింగ్‌ను అధిగమించి టీ20 ఫార్మాట్‌లో భారత్‌లో అత్యధిక వికెట్లు తీసిన నాలుగో బౌలర్‌గా నిలిచాడు. టీ20ల్లో భారత్ తరఫున అత్యధిక వికెట్లు (96) సాధించిన లెగ్ స్పిన్నర్ యుజ్వేంద్ర చాహల్ టాప్ లో ఉన్నాడు.
అలాగే, తన ఒక వికెట్‌తో, పాండ్యా (87 వికెట్లు) పేసర్ అర్ష్‌దీప్ సింగ్ (86 వికెట్లు)ను అధిగమించి, పొట్టి ఫార్మాట్‌లో భారత్‌లో అత్యధిక వికెట్లు తీసిన నాలుగో బౌలర్‌గా నిలిచాడు. భారత్ తరఫున అత్యధిక వికెట్లు తీసిన స్పిన్నర్ యుజ్వేంద్ర చాహల్ 96 వికెట్ల‌తో ఉన్నాడు.
ఆదివారం గ్వాలియర్‌లోని న్యూ మాధవరావ్ సింధియా క్రికెట్ స్టేడియంలో జరిగిన 1వ టీ20లో బంగ్లాదేశ్‌ను భారత్ చిత్తుగా ఓడించింది. అర్ష్‌దీప్ సింగ్, వరుణ్ చక్రవర్తి సూప‌ర్ బౌలింగ్ దెబ్బ‌తో బంగ్లాకు షాక్ ఇచ్చారు. వీరిద్ద‌రూ చెరో మూడేసి వికెట్లు తీసుకున్నారు. దీంతో బంగ్లాదేశ్ 127 పరుగులకు ఆలౌట్ అయింది. అరంగేట్రం ఆటగాడు మయాంక్ యాదవ్ కూడా ఆకట్టుకున్నాడు.
స్వ‌ల్ప టార్గెట్ తో బ్యాటింగ్ కు దిగిన భారత్ కు బ్యాటర్లు చక్కటి సహకారం అందించడంతో భారత్ సులువుగానే విజ‌యాన్ని అందుకుంది. హార్దిక్ పాండ్యా-నితీష్ కుమార్ రెడ్డితో క‌లిసి భారత్ కు విజ‌యాన్ని అందించాడు. 3 వికెట్లు కోల్పోయి భారత్ 132 ప‌రుగుల‌తో విజ‌యాన్ని అందుకుంది. హార్దిక్ భారతదేశం కోసం టీ20 మ్యాచ్‌ను మొత్తం ఐదు సార్లు సిక్సర్‌తో ముగించాడు. ఇదివ‌ర‌కు విరాట్ కోహ్లీ పేరిట ఉన్న నాలుగు సార్ల సిక్స‌ర్ ముగింపు రికార్డును బద్దలు కొట్టాడు హార్దిక్ పాండ్యా. ఈ విజ‌యంతో మూడు మ్యాచ్ ల టీ20 సిరీస్ లో భారత్ 1-0 అధిక్యంలోకి వెళ్లింది. రెండో మ్యాచ్ ఢిల్లీలోని అరుణ్ జైట్లీ స్టేడియంలో బుధ‌వారం (అక్టోబ‌ర్ 9న) జ‌ర‌గ‌నుంది.
ఇక భారత ఆల్ రౌండర్ గా హార్దిక్ పాండ్యా గత కొన్నేళ్లుగా టీమిండియాకు అద్భుతమైన ఆస్తిగా నిరూపించుకున్నాడు. బౌలింగ్, బ్యాటింగ్ లో అద‌ర‌గొడుతూ కీల‌క స‌మ‌యంలో మంచి ఇన్నింగ్స్ ల‌ను ఆడాడు. బాల్, బ్యాట్ తోనే కాదు ఫీల్డ్‌లో అద్భుతమైన క్యాచ్‌లు కూడా పట్టాడు.
హార్దిక్ ప్రస్తుత భారత జట్టులోని ఫిట్‌టెస్ట్ క్రికెటర్లలో ఒకడు. జిమ్‌లో ఎప్పుడూ కష్టపడి పని చేస్తూ ఉంటాడు. కుడిచేతి వాటం కలిగిన భారతీయ ఆల్ రౌండర్ ఎల్లప్పుడూ జిమ్‌లో వర్కవుట్ చేస్తున్న దృశ్యాలను అప్‌లోడ్ చేస్తూనే ఉంటాడు. ఇదే క్ర‌మంలో భారత్ vs బంగ్లాదేశ్ వ టీ20 మ్యాచ్ లో అద్భుత ప్రదర్శన క‌న‌బ‌ర్చిన హార్దిక్ పాండ్యా.. రెండో మ్యాచ్ కు ముందు జిమ్ లో క‌స‌ర‌త్తులు చేస్తున్న ఫోటోల‌ను సోష‌ల్ మీడియాలో పంచుకోగా, అవి వైర‌ల్ గా మారాయి.