ప్రపంచంలోనే అత్యంత ఖరీదైన బంగ్లాలు: ఒక కోటి రూపాయలు ఖర్చు పెడితే మనం సకల సౌకర్యాలు ఉన్న బ్రహ్మాండమైన ఇంటిని కట్టుకోవచ్చు. మరి వేల కోట్లతో నిర్మించారంటే.. వాటిలో విలాసాలు ఏ రేంజ్ లో ఉన్నాయో అర్థం చేసుకోవచ్చు. ఇప్పుడు ప్రపంచంలోనే అత్యంత ఖరీదైన విలాసాల ఇళ్లు.. వాటి నిర్మాణానికి అయిన ఖర్చు తెలుసుకుందాం.
బకింగ్‌హామ్ ప్యాలెస్ ప్రపంచంలోనే అత్యంత ఖరీదైన ఇల్లు. ఇది బ్రిటన్ రాణి క్వీన్ ఎలిజబెత్-II రాజ నివాసం. 775 గదుల ఈ ఇంటి ధర 4.9 బిలియన్ డాలర్లు అంటే 42,140 కోట్ల రూపాయలు.
అంటిలియా ప్రపంచంలోనే రెండవ అత్యంత ఖరీదైన బంగ్లా. ముంబైలోని అల్టమాౌంట్ రోడ్డులో ఉన్న ముఖేష్ అంబానీ 27 అంతస్తుల ఈ ఇంటి ధర 2 బిలియన్ డాలర్లు అంటే 17,200 కోట్ల రూపాయలు.
విల్లా లియోపోల్డా ప్రపంచంలోనే మూడవ అత్యంత ఖరీదైన బంగ్లా. ఫ్రాన్స్‌లో ఉన్న ఈ విలాసవంతమైన ఇల్లు 80 వేల చదరపు అడుగుల విస్తీర్ణంలో ఉంది, దీని ధర 750 మిలియన్ డాలర్లు అంటే 6,450 కోట్ల రూపాయలు.
విల్లా లెస్ సెడ్రెస్ ప్రపంచంలోనే నాల్గవ అత్యంత ఖరీదైన బంగ్లా. సెయింట్ జీన్‌లో 18000 చదరపు అడుగుల విస్తీర్ణంలో ఉన్న ఈ ఇంటి ధర 450 మిలియన్ డాలర్లతో నిర్మించారు. అంటే దీని విలువ 3,870 కోట్ల రూపాయలు.
లెస్ ప్యాలెస్ బుల్స్ ప్రపంచంలోనే ఐదవ అత్యంత ఖరీదైన ఇల్లు. ఫ్రాన్స్‌లోని కాన్స్ నగరంలో ఉన్న ఈ విలాసవంతమైన ఇంటి ధర 420 మిలియన్ డాలర్లు అంటే సుమారు 3,612 కోట్ల రూపాయలు. ఈ ఇంట్లో కొండవాలు ప్రాంతంలో 500 సీట్లతో కూడిన ఒక ఆంఫిథియేటర్ కూడా ఉంది.
ది ఓడియన్ టవర్ పెంట్‌హౌస్ ప్రపంచంలోనే ఆరవ అత్యంత ఖరీదైన ఇల్లు. మొనాకోలో ఉన్న ఈ విలాసవంతమైన ఇంటి ధర 330 మిలియన్ డాలర్లు అంటే 2,838 కోట్ల రూపాయలు. ఈ విలాసవంతమైన ఇల్లు 38000 చదరపు అడుగుల విస్తీర్ణంలో కట్టారు.
ది హోమ్ ప్రపంచంలోనే ఏడవ అత్యంత ఖరీదైన ఇల్లు. లండన్‌లో ఉన్న ఈ ఇంటి ధర 300 మిలియన్ డాలర్లు అంటే 2,580 కోట్ల రూపాయలు.
ఫోర్ ఫెయిర్‌ఫీల్డ్ పాండ్ ప్రపంచంలోనే ఎనిమిదవ అత్యంత ఖరీదైన ఇల్లు. న్యూయార్క్‌లో ఉన్న ఈ ఇల్లు అమెరికాలోని అత్యంత ఖరీదైన ఇళ్లలో ఒకటి. దీని ధర 250 మిలియన్ డాలర్లు అంటే 2,150 కోట్ల రూపాయలు.
కెన్సింగ్టన్ గార్డెన్స్ ప్రపంచంలోనే తొమ్మిదవ అత్యంత ఖరీదైన ఇల్లు. లండన్‌లో నిర్మించిన ఈ విలాసవంతమైన ఇంటి ధర 222 మిలియన్ డాలర్లు అంటే 1,909 కోట్ల రూపాయలు. ఈ ఇంట్లో స్పా, స్టీమ్ షవర్, సోనా బాత్ వంటి ఆధునిక సౌకర్యాలు ఉన్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి