LPG సిలిండ‌ర్‌, UPI పేమెంట్స్‌, SBI కార్డు.. ఆగస్టు 1 నుంచి అమల్లోకి కొత్త నిబంధనలు.. ఈ మార్పులు గమనించారా.?

New Rules: కొత్త నెల‌లో దేశంలో కొన్ని ముఖ్య‌మైన ఆర్థిక మార్పులు అమ‌ల్లోకి వ‌చ్చాయి. ఇంత‌కీ ఏంటా మార్పులు ఇవి ప్ర‌జ‌ల‌పై ఎలాంటి ప్ర‌భావం చూపుతాయి లాంటి పూర్తి వివ‌రాలు ఇప్పుడు తెలుసుకుందాం. 

UPI లావాదేవీలకు కొత్త పరిమితులు

ఇప్పుడు డిజిటల్ పేమెంట్స్ ప్రతి ఒక్కరి జీవితంలో భాగమైపోయాయి. ఫోన్‌ ద్వారా డబ్బు పంపడం, బ్యాలెన్స్‌ చెక్‌ చేయడం సాధారణంగా మారింది. కానీ ఆగస్టు 1 నుంచి UPI వినియోగంలో కొన్ని మార్పులు జరిగాయి:

* రోజుకు 50 సార్లు బ్యాలెన్స్ చెక్‌ చేసే అవకాశం: ఇప్పుడు మీరు UPI ద్వారా బ్యాంక్‌ బ్యాలెన్స్‌ను గరిష్టంగా 50 సార్లు మాత్రమే చెక్‌ చేయగలరు.

* లింక్ చేసిన ఖాతాలకు పరిమితి: ఒక ఖాతాను UPIకి లింక్ చేసినట్లయితే, ఆ ఖాతా బ్యాలెన్స్‌ను రోజుకు 25 సార్లు మాత్రమే చెక్‌ చేయవచ్చు.

* షెడ్యూల్డ్ పేమెంట్స్‌లో మార్పు: EMIలు, సబ్‌స్క్రిప్షన్‌ ఫీజులు వంటి ఆటోమేటిక్‌ చెల్లింపుల కోసం షెడ్యూల్‌ చేసే సమయాలను మూడు స్లాట్‌లుగా విభజించారు. దీని వల్ల ఒకేసారి అధిక లావాదేవీలు జరగడం తగ్గి, సిస్టమ్‌పై లోడ్‌ తగ్గుతుంది.

యూపీఐ రూల్స్ కి సంబంధించిన పూర్తి వివరాల కోసం ఇక్కడ క్లిక్ చేయండి. 

DID YOU KNOW ?

50 సార్లు మాత్ర‌మే

ఒకరోజులో UPI యాప్ ద్వారా బ్యాంక్ బ్యాలెన్స్‌ను 50 సార్లు మాత్రమే చెక్ చేయవచ్చు. ఈ విష‌యాన్ని NPCI అధికారికంగా ప్ర‌క‌టించింది.

LPG సిలిండర్ ధరల్లో తగ్గింపు

రక్షా బంధన్ పండుగకు ముందు ప్రభుత్వం వాణిజ్య LPG సిలిండర్ ధరల్లో తగ్గింపు ప్రకటించింది. ఆగస్టు 1 నుంచి ఈ ధరలు రూ. 33.50 తగ్గాయి. అయితే ఈ తగ్గింపు వాణిజ్య LPG సిలిండర్లకు మాత్రమే వర్తిస్తుంది. రెస్టారెంట్లు, హోటళ్ల ఖ‌ర్చు త‌గ్గుతుంది. దేశీయ LPG సిలిండర్ ధరలో మాత్రం ఎటువంటి మార్పు చేయలేదు. గత నెలలో కూడా వాణిజ్య సిలిండర్ ధర తగ్గించడంతో చిన్న వ్యాపారులు కొంత ఆర్థిక ఊరట పొందారు. తాజాగా ఎల్పీజీ గ్యాస్ ధరల కోసం ఇక్కడ క్లిక్ చేయండి. 

SBI క్రెడిట్ కార్డ్ హోల్డర్లకు కీలక మార్పులు

స్టేట్ బ్యాంక్ ఆఫ్ ఇండియా (SBI) కో-బ్రాండెడ్ క్రెడిట్ కార్డ్‌లు ఉపయోగిస్తున్న వారికి ఒక పెద్ద మార్పు అమల్లోకి రానుంది. SBI ప్రైమ్, ప్లాటినం, ఎలైట్ వంటి కార్డుల‌పై ఇప్ప‌టి వ‌ర‌కు రూ. 50 లక్షల నుంచి రూ. 1 కోటి వరకు ఉచిత ఎయిర్ ఇన్సూరెన్స్‌ అందుబాటులో ఉండేది. అయితే ఆగస్టు 11, 2025 నుంచి ఈ ఉచిత ఇన్సూరెన్స్‌ సదుపాయం నిలిపివేయ‌నున్నారు. ఈ మార్పు వల్ల ప్రయాణించే కార్డ్ హోల్డర్లు ముందుగానే తమ ఇన్సూరెన్స్ ప్లాన్‌ను సమీక్షించుకోవాలి. అవసరమైతే వేరే ఇన్సూరెన్స్ తీసుకోవడం మంచిది. పూర్తి వివరాల కోసం ఎస్బీఐ కార్డ్ అధికారిక వెబ్ సైట్ ను క్లిక్ చేయండి. 

ప్ర‌జ‌ల‌పై ఎలాంటి ప్ర‌భావం ప‌డుతుంది.?

డిజిటల్ లావాదేవీలు చేసే వారికి – బ్యాలెన్స్‌ చెక్‌లపై పరిమితులు కొంత అసౌకర్యం కలిగించవచ్చు, కానీ కొత్త షెడ్యూలింగ్ సౌకర్యం సర్వర్‌ లోడ్‌ను తగ్గించి లావాదేవీలను సజావుగా చేస్తుంది. రెస్టారెంట్లు, హోటల్ యజమానులకు వాణిజ్య LPG ధర తగ్గడం వల్ల ఆహార వ్యాపారాల ఖర్చు కొంత తగ్గుతుంది. SBI కార్డ్ హోల్డర్లకు ఉచిత ఎయిర్ ఇన్సూరెన్స్ నిలిపివేయడం వల్ల ప్రయాణికులు అదనపు ఖర్చులు చేయాల్సి రావొచ్చు.

ముందుగా తెలుసుకోవాల్సిన సూచనలు

UPI వినియోగదారులు తమ బ్యాలెన్స్ చెక్‌లను ప్రణాళికాబద్ధంగా చేయాలి. వ్యాపారులు LPG ధరల మార్పులను పరిగణనలోకి తీసుకుని ఖర్చులను సర్దుబాటు చేసుకోవాలి. SBI క్రెడిట్ కార్డ్ హోల్డర్లు కొత్త ఇన్సూరెన్స్ ఆప్షన్లను పరిశీలించాలి. మార్పులు మీ దైనందిన జీవనశైలిపై ఎంత ప్రభావం చూపుతాయో అంచనా వేసుకుని ఆర్థిక ప్రణాళిక రూపొందించుకోవాలి.